كتب الكاتب الفاتح جبرا المتوفرة بمعرض الدوحة
|
هو انتو قاعدين بلاش عملتو كده ! لو دفعتو قروش حتعملو شنو؟ بكري ده مره تشكرو مره تطلعو أي كلام
|
يعني الناس لو عندها نصيب في الموقع ده , ودافعها قروش كان الله معاك يا بكري , والله انت عارف فعلا عندي نظرية شغال بيها من سنة حفرو البحر : انو لو صبعاك ده شاركك : أقطعو طوالي , يعني ما تخلي زول يشاركك ولا تشارك زول , بعدين المواقف بتتغير حسب الطلب والمقاس ؟؟ وحسب ما نحن دايرين مرة شايفين بكري أي كلام وبعد يستجيب شايفنو بطل قومي !!!! عجبي والله لك الله يا سودان, عشان كده - والكلام ده مكرر- الحزبية والشلليات والأحقاد هي علتنا في السودان , وانشاء الله حنظل في ذيل القائمة لحدي يوم القيامة , طبعالازم أكرر ليكم الفرمالة بتاعة كل مرة : انا كيبوردي ده ما عندو رب , رب كيبورديني براي , مافي واحد يجي يقول كوز ولا لوز !!!!!!
|
|
|
|
|
|
|
|
Re: هو انتو قاعدين بلاش عملتو كده ! لو دفعتو قروش حتعملو شنو؟ بكري ده مره تشكرو مره تطلعو أي ك (Re: Mohamed Abdelmotalib Hassan)
|
Quote: عشان كده - والكلام ده مكرر- الحزبية والشلليات والأحقاد هي علتنا في السودان |
هنا مربط الفرس يامحمود ياأخوي في شلليات في المنبر تعتبر (جماعات ضغط) جاهزه لتمرير اي أجنده يريدونها وهناك حيل عديده لتنفيذ هذه الأجنده مثل الماسنجر والإيميلات وعدة أساليب أخرى ...
كما إنو في كثيرين بيأخدوا الأمور بعصبيه زائده عن اللزوم وبغضب عجيب .. ومعروف أن الغضب هو ريح تطفيء سراج العقل ...
أسأل الله أن ينير عقولهم وقلوبهم .. الباشمهندس يكون لحدي حسي راسو ضارب من النفره الـ(خضراء) دي .. فعلاً مافي زول كان ممكن يتوقع إنو الناس تعمل كده أو تجوط الجوطه دي كلها .. وفي النهايه الخسران بكري أبوبكر لأنو القروش كانت حتفيده في إدارة الموقع
ختاماً لك من الود مايكفيك مؤونة عشرة أعوام
| |
|
|
|
|
|
|
Re: هو انتو قاعدين بلاش عملتو كده ! لو دفعتو قروش حتعملو شنو؟ بكري ده مره تشكرو مره تطلعو أي ك (Re: Mohamed Abdelmotalib Hassan)
|
أخي محمد من حق الأخ بكري أن يحدد مصادر تمويل وتشغيل موقعة بدون اللجؤ لأي عضو بهذا المنبر ، ومن حقه كذلك أن لا يفصح ولا يعلن عن مصادر تمويل وتشغيل هذا الموقع فهو صاحب الحل والربط بدون شريك ، وفعلا لو العضوية بقروش مدفوعة مسبقا بكري كان بروح السجن ؟؟؟ وكل ما نملكه أن نكرر للأخ بكري صوت شكر لإتاحته لنا هذه المساحة الحرة لكي نكتب ما نشاء في أي وقت وبدون شرط أو قيد إلا ما يتنافي مع أنظمة ولوائح المنبر ، لكن أن نتدخل فيما لا يعنينا ولا يخصنا مثل كيفية تحديد مصادر تمويل وتشغيل هذا الصرح ، اعتقد أنه تجاوز لحقوقنا وتغول وتدخل في حقوق الغير ، ولك تقديري الشفيع إبراهيم
| |
|
|
|
|
|
|
Re: هو انتو قاعدين بلاش عملتو كده ! لو دفعتو قروش حتعملو شنو؟ بكري ده مره تشكرو مره تطلعو أي ك (Re: Mohamed Abdelmotalib Hassan)
|
من يهن يسهل الهوان عليه ما لجرح بميت إيلام إلى متي ونحن نقرأ مثل هذه الموضوعات التي تحولنا من أعضاء متلزمون بالعضوية في هذا المنتدي إلى متسولين أو قل أعضاء ببلاش دون كاش يكون قبول عضويتنا بمثابة حسنة يقدمها لنا من لايملك حق تقديمها. فالحقيقة لمن أراد أن يلوي عنقها إن كل عضو في هذا المنتدي يدفع أكثر من مجرد قروش أو دراهم فالعمل الذي يقوم به العضو في المنتدى له قيمته الأدبية بجانب القيمة المادية طبعاً ، فدخول المنتدي للكثيرين من الأعضاء يكون برسوم وجهاز وإشتراك وهلم وكلها بي قروش ناهيك عن الوقت والجهد والمشاركة ودي قيمتها المادية أكبر. بكري لو سيد المنتدي ما ليهو أى فضل علي أى عضو هنا ، واحد يستوفي عضوية المنبر فيجي ويفتح ليك مقال ويقول شكراً يا باشمهندس بكري لنيلي شرف العضوية يا أخي تخ. طبعاً لو في تبرعات أو خلافه تكون طوعيه وقد تم فتح مليون مقال في السابق والآن بهذا الشأن ولمن أراد أن يتبرع فله ذلك ومن أمسك فمن حقه ما بقي الأمر طوعياً يعني ما في حاجة إسمها إشتراك لأنه الإشتراك ده ما بدفع لي حق التلفون أو إشتراكات الإنترنت أو ثمن الكمبيوتر أو حتى رسوم الدخول من أى إنترنت كافيه. بعدين بصراحة نحن السودانيين بصفةعامة ماتت فينا روح العمل الطوعي ، نتحمس للأمر شديد وفجأة زينا وزي أى ستيم تفاح تس ننفس ونبقي موية عديل كده – نفترض على سبيل المثال أن ناذر الخليفة محتاج لي نظارة طبية وعملنا تبرعات هل حا يكون من ضمن المتبرعين إبراهيم بقال ، بالتأكيد لا وأبصم على ذلك بالعشرة فما بالكم والأمر يتعدي الدينار والدينارين. في ناس هنا ما بعرفوا بعض وما شافوا بعض وما أظن يشوفوا بعض ومع ذلك بكرهوا بعض كراهية شديدة. == الناس كان دافعة ولها شراكة فعلية في الموقع ده بكري أبوبكر ما كان بقفل أبواب العضوية متي أراد ويفتحها أني شاء وماكان بقدر يعلي موضوعات بعينها ويضعها على صدر المنتدي بمزاجه وماكان يضع كل هذه الشروط السخيفة لنيل العضوية (سياسي - شاعر - أديب - موسيقي) يعني طبقة مستنيرة كدي هذا عاين فوق وشوف الأربعة عناوين كلها تصب في مصلحة سيد الكورة
| |
|
|
|
|
|
|
Re: هو انتو قاعدين بلاش عملتو كده ! لو دفعتو قروش حتعملو شنو؟ بكري ده مره تشكرو مره تطلعو أي ك (Re: almulaomar)
|
الملا عمر
بمجرد اكتساب العضولعضويته, أصبح هناك عقد بين العضو وصاحب الموقع , ويترتب علي هذا العقد التزامات قانونية , ولعل من نافلة القول أن العقد شربعة المتعاقدين فلا يجوز نقضه ولا تعديله الا بأتفاق الطرفين أو بسبب يجوزه القانون.
علي ذلك فكل عضو عليه ان يلتزم بلوائح المنبر , ومن ضمنها عدم التدخل في الشئون الادارية والتي هي ملك لصاحب الموقع لا غير , وعدم الالتزام بهذا الشرط يجوز صاحب الموقع الغاء عضوية كل من يخالف التزاماته التعاقديه , قس علي ذلك أي عقد آخر , كعقد العمل وغيره من العقود , هل توقيعك هذا العقد يجعلك شريكا في مال الشركة , أنت مجرد متاقد مع صاحب العمل ليس الا . كل ما في الأمر أن بكري قد استجاب للضغوط لسبب أو لآخر , لكن من الناحية القانونية لا غبار عليه ان لم بفعل. وحقا هذا هو الحال دون أي مساهمة في نفقات الادارة فكيف سيكون الحال في غير ذلك.
| |
|
|
|
|
|
|
Re: هو انتو قاعدين بلاش عملتو كده ! لو دفعتو قروش حتعملو شنو؟ بكري ده مره تشكرو مره تطلعو أي ك (Re: ناذر محمد الخليفة)
|
يا سيدي هذا كلام جميل لكن العقد كان يمكن قبولة و العمل به لو أننا نحترف الكتابة هنا بصفتنا أعضاء لكن المسألة لا تتعدي كونها هواية و حتى ملء فراغ بعيداً عن الفوائد و المضار التي تعود على العضو المنتسب هنا ، وبالتالي إذا قررت أنا أو غيري ترك المنتدي يمكن لي ذلك بكل حرية ولن يطاردني العسس لأنني كان يجب أن أدفع شرطاً جزائياً بسبب تركي المنتدي وتعليق عضويتي فيه ، وأيضاً يمكن للسيد بكري بصفته administrator أن يجمد عضويتي هنا أو فصلي ليس تفعيلاً لقانون وإنفاذاً لشرط من شروط العضوية وإنما على كيف كيفو بإعتبار أنه صاحب المنتدي. وأكيد في كل الأحوال سواء إستقلت أنا بمحض إرادتي أو تمت إقالتي عنوة من المنتدي سوف لن أتمتع بأى service awards نظير سنوات عضويتي الطويلة هنا يعني حا أطلع من البورد بدون حمص وربما من النت بدون password وفوق هذا وذاك فإن القوانين الخاصة بالمنبر هي ليست نواميس سماوية بل قوانين وضعية قابلة للنقاش والتجديد والتعديل وفق ما تقتضيه مصلحة الجميع وليس مصلحة بكري ومن إهتدي بهديه. أنظر إلى شروط العضوية الجديدة ثم أنظر إلى جميع فقرات ، قوانين ولوائح المنبر هي بكل وضوح يمكن إختزالها في "ما أريكم إلا ما أري ولا أهديكم إلا سبل الرشاد" == يا ناذر يا أخوي في الكثير من الأمور الضرورات تبيح المحظورات ، والتخابر والتواصل حتى مع العدو يمكن أن يتم من خلال وسيط فهل أنت مع الضد أم ضد الضد أم من دول الضد. وبرضو ادعو الله أن لا يجعل ليك حاجة عند الناس
| |
|
|
|
|
|
|
|