|
|
 تعاطى التمباك عند النساء هل هو علاج ام خرم
|
ظاهرة تناول النساء للتمباك او السعوط او العمارى فى بلادنا هى ظاهرة قديمه جدا وتشتهر به نساؤنا كبار السن وتكثر هذه الظاهرة شمالا ولا ادرى ماهى الاسباب التى جعلت النساء يتعاطينة هل هى عاده ام نتيجه لسبب معين .
سمعت احد الرواة يقول هذه الظاهرة انتشرت تحديدا فى شمال السودان وذلك لكثرة انتشار تسوس الاسنان
عند النساء وذلك نتيجه لتناول البلح فيصابن بتسوس الاسنان ومايصاحبه من الم فليجأن للبحث عن مسكنات فى ذلك الزمان للتخفيف عن الالم ولجأن لفكرةالتمباك كمسكن فتعودن عليه حتى اصبحن يتعاطينه بصوره دائمه.لك ان تتخيل ان تتقاسم (الكيس) او (الحقه) مع زوجتك او والدتك أو اختك؟
حكى لى احد اصدقائى امس ان حبوبته جاءتهم من الشماليه لزيارتهم وكانت تسف وفى نفس الوقت كانت تخجل وتستحى من نسيبهاالذى هو والده وهو ايضا كان يتعاطى التمباك الا انها كانت لا تستطيع ان تتناوله امامه فى حين انه يعلم تماما بأنها تسف التمباك وشاهد كيسها كثيرا تحت المخده واحيانا عندما لا يكون عنده تمباك يلجأ لها وهى نائمه وياخذ له سفة بمزاج عالى ..
دعوه لاهل الراى من الجنسين لتناول هذه الظاهره وهل هى فى اندثار ام فى تزايد..
|
|
 
|
|
|
|
|
|
|
|
Re: تعاطى التمباك عند النساء هل هو علاج ام خرم (Re: ضحيه ابراهيم)
|
عزيزي ضحية
تخيَل انا تعلمت سفَ الصاعوت ده من خالتي - يرعاها الله - التي قامت بتربيتي ، كانت ترسلني لشرائه
وعمري لم يتعدى العشر سنوات وتطلب مني أن (أشم) قبل عملية الشراء حتى لايخدعوني بصاعوت (بايت)
ومن يومها ولحدي اليوم لم استطع الاقلاع عن (السف)
اسباب التعاطي عند النساء تختلف من واحدة لاخرى
لكن الغريب في الامر انني شاهدت بعض الفتيات يتعاطين هذا التمباك بطريقة حريفة جدا
يعني ليس على طريقتنا التي شبهها احد الظرفاء (زي الزول الواقف في بلكونة)، فهن يقمن بدس
(السفة) في الجزء الاعلى او (فوق) كما نقول.
| |
|
|
|
|
|
|
|
|
|
Re: تعاطى التمباك عند النساء هل هو علاج ام خرم (Re: حيدر حسن ميرغني)
|
حيدر حسن ميرغنى
سلامات ياجميل
هذه الظاهره فقط حسب علمى عند السودانيات لكن يبدو لدى الشعوب الاخرى تختلف حسب الماده التى يتعاطونها مثلا كاقات عند اليمنين وخلافه لكن يبدو ان انها قليله جدا عند الفتيات حسب على ايضا ورغم الفتره التى قضيتها خارج البلاد ولا ادرى الان هل ازدادت نسبتها عند الفتيات ام لا.
مره قالو فى واحد تزوج حديثا وهو لا يتعاطى التمباك ولا التدخين وذات يوم بينما هو عائد من عمله وجد اثار سفه داخل الحمام فسأل زوجته هل جاءهم احد او زارهم ضيف فاجابت بالنفى فجن جنونه وبدا يفكر من جاء بهذه السفه الى بيته وهو الذى لا يسف وفشك فى زوجته وعند محاصرته لها اعترفت له بانها هى التى تسف التمباك وكانت تخبىء عنه فطلقها.
| |
|
|
|
|
|
|
|
|
|
Re: تعاطى التمباك عند النساء هل هو علاج ام خرم (Re: عاصم ابوبكر حامد)
|
| Quote: عند النساء وذلك نتيجه لتناول البلح فيصابن بتسوس الاسنان ومايصاحبه من الم فليجأن للبحث عن مسكنات فى ذلك الزمان للتخفيف عن الالم ولجأن لفكرةالتمباك كمسكن فتعودن عليه حتى اصبحن يتعاطينه بصوره دائمه.لك ان تتخيل ان تتقاسم (الكيس) او (الحقه) مع زوجتك او والدتك أو اختك؟ |
أعتقد ذلك أخي ضحية , وطبعاً هي ظاهرة غير حضارية لانو صاحب الصعوط
بعد تظبيط سفته علي طول تلقاه نفض يديه ولا يهتم للمكان القاعد فيهو سواء
كانت ملايات بيضاء نظيفة أو حمراء نظيفة أو طقم جلوس جميل وبعد كده يمسح
يديه في الملايات أو الكراسي .
ظاهرة إبتلينا بها ونسأل الله أن يتوب أصحاب الصعوط منه .
| |
|
|
|
|
|
|
|
|
|
Re: تعاطى التمباك عند النساء هل هو علاج ام خرم (Re: هاشم أحمد خلف الله)
|
سلام ياضحية والجميع
ويا ضحية الظاهر عليك (خربت) يا ود ابوك وبقيت تتكلم في (التابة).
لكن صدقني فتحت (كوهة) لصديق شخصي لسنوات عديدة الا وهو (الكيس )رغم اني في فترة من الفترات
حاولت امتلاك (حقة) الا ان الخبراء. دوما ينصحون بالكيس ..وما ادراك ما كيس التمباك يا ضحية..
..التمباك يا ضحية ورغم الكلام عن خطورته الصحية الا انه وبعيدا عن كل ذلك له طعم خاص وبداخلة
تون وخيط الله لا وراك ليهو..
كل الذين يسفون اجزم انهم يبحثون في سفتهم (طعم ولذة وبهجة السفة الاولي)
دائما اول سفة تبقي هي الحلم والترخيمة المفقودة عقب كل (سفة) تتجدع وطبعا احسن زول في العالم
بيجدع (سفة) واحد ميكانيكي في (سوق سنار) اسمو ( منفلة) له جدعة مميزة (تشهيك تعاطي التمباك)..
وقبل ما امشي واجيك تاني باذن الله لمارسسة التحليق معاك في عوالم (التمباك حبيبي)..
كدي مر علي (عمك ميرغني) في الريان وجيب لصحبك كيس تمباك (مغترب)..واكعب شي في هذه الغربة
هو تمباكها الردي..ونعود
| |
|
|
|
|
|
|
|
|
|
Re: تعاطى التمباك عند النساء هل هو علاج ام خرم (Re: هاشم أحمد خلف الله)
|
أعتقد ذلك أخي ضحية , وطبعاً هي ظاهرة غير حضارية لانو صاحب الصعوط
بعد تظبيط سفته علي طول تلقاه نفض يديه ولا يهتم للمكان القاعد فيهو سواء
كانت ملايات بيضاء نظيفة أو حمراء نظيفة أو طقم جلوس جميل وبعد كده يمسح
يديه في الملايات أو الكراسي .
ظاهرة إبتلينا بها ونسأل الله أن يتوب أصحاب الصعوط منه .
الاستاذ/ هاشم احمد خلف الله
تحياتى يا رجل
هذه فعلا من الافعال الغير كريمه عند بعض متعاطى التمباك والاسوأ عندما بصق البعض منهم سفته حيث لا يراعى المكان او ان يذهب ليبصقها فى الحمام مثلا فتجده يرميها فى اى مكان غير مبالى لكن هذا عند الرجال فقط اما الحريم لم نسمع عن حكاويهن حتى الان؟
| |
|
|
|
|
|
|
|
|
|
Re: تعاطى التمباك عند النساء هل هو علاج ام خرم (Re: عبد المنعم سليمان)
|
معقولة .. بث
عبد المنعم سليمان بشحمه وبلحمه دى مرورك ده حقو نخت ليهو سفه كااااااااااربه ونشخط ليهو فى الحيطه؟
اما موضوع القرم فهو من المشتقات الاتيه:
القرم والخرم والـ....رم هى كلها من علامات الادمان بس السؤال المهم الجكس البيسف التمباك وينو؟
او عاوزين نعرف عن خبايا سف التمباك عند النساء
شكرا على مرورك منعم..
| |
|
|
|
|
|
|
|
|
|
Re: تعاطى التمباك عند النساء هل هو علاج ام خرم (Re: ضحيه ابراهيم)
|
| Quote: فى زمنكم فى الجامعه فى بنات بيسفوا |
ده كلام شنو يا ضحية
انت قايل زمنا هين ولا مقطوع لين
زمنايا ضحية احنا التمباكة ديل لو عاوزين نسف الا الواحد (يمشي بري)
او الوطنية بحري يخت ليهو سفة مدنكلة حتي بعد داك يجي يشوف الحاصل شنو.......
....
تماما لم ترصد حالة لسفات جكسية في ذلك الزمان والاخوات كنا مثالا لاشياء كثيرة
اهمها القيمة الحقيقية للطالب الجامعية التي يجب ان تكون نموذجا يحتذي به
ولهن جميعا جيل ذلك الزمان كل تحية ومحبة
| |
|
|
|
|
|
|
|
|
|
Re: تعاطى التمباك عند النساء هل هو علاج ام خرم (Re: ضحيه ابراهيم)
|
هل تصدق أن فتيات إسكدنافيا الشقراوات الجميلات يتعاطون التمباك بكثافة
إسمه في السويد و النرويج snus إسنوس .. و هو غالي جدا تكلفة الخمسين جرام عشرة دولارات وهو معبأ في علب جميلة و ماركات عديدة تفوق العشرين...
من كل ماركة توجد عبوتين الأولى وزنها 50 جرام و تحوي الصعوط العادي و هو تماما مثل السوداني أما الثانية فهي 25 جرام فقط و بنفس السعر و السبب أن كل سفة مدنكلة منفصلة و مغلفة بورق ماص خفيف يشبه مناديل الورق و هذا النوع يوجد بنكهات مختلفة كالنعناع و الفراولة ...إلخ
هنا صورة للصعود الأشهر هناك
and some other kinds as well
| |
|
|
|
|
|
|
|
|
|
Re: تعاطى التمباك عند النساء هل هو علاج ام خرم (Re: ضحيه ابراهيم)
|
Fadlabi
لكن التمباك ما عندكم.
علي اليمين زي حقكم دا يجي السودان الجماعة يفتكروهو ماكنتوش.
غايتو مرة واحد في البورد دا زمان كتب بوست جميل عن التمباك. ومن ضمن ما قاله إنو لمن تصحي الصباح بدري عين مغتة وعين مفتحة وتدنكل السفة وتدي الحقة شمة وبعد داك تشم إيديك وتحقبن تحت راسك وتصنقع تعاين للسماء. فتلك لحظات لا تدانيها لحظات.
| |
|
|
|
|
|
|
|
|
|
Re: تعاطى التمباك عند النساء هل هو علاج ام خرم (Re: shammashi)
|
| Quote: غايتو مرة واحد في البورد دا زمان كتب بوست جميل عن التمباك. ومن ضمن ما قاله إنو لمن تصحي الصباح بدري عين مغتة وعين مفتحة وتدنكل السفة وتدي الحقة شمة وبعد داك تشم إيديك وتحقبن تحت راسك وتصنقع تعاين للسماء. فتلك لحظات لا تدانيها لحظات |
فعلا ياشماسي والزول القال الكلام ده زول خبير اجنبي كبير..
والسفات المرصودة كسفات تاريخية اربعة
1-سفة الصباح التي ذكرها زولك ده
2- اول سفة وهذه سفة لا تتكرر ابداء وتظل دوما حلم
3-سفة بعد الفطور في رمضان ودي سفة بمليون دولار ولها طعم خاص
4-سفة (افتراضية ) ودي ما عندها مواعيد نتجي عرضا في وقت اصلا ما بتكون متخيلو متين ولمن تجي فهي
تحمل نكهة (دروخة السفة الاولي +ترخيمة سفة ما بعد الفطور+فعالية سفة الصباح دغش)..
...وفي نكتة قديمة عن الاب الذي داب علي تتوير اولاده الفتيان لصلاة الصبح ولكنه لاحظ الاولاد بصحوا واي
واحد بخت ليهو سفة وبتغطي وبنوم تاني ولمن تكرر الموضع ده كثير (بدل يتورهم للصلاة) اصبح يصحيهم
وهو يقول يا اولاد هييي قووووموا (سفوا)
| |
|
|
|
|
|
|
|
|
|
Re: تعاطى التمباك عند النساء هل هو علاج ام خرم (Re: عبدالكريم الامين احمد)
|
Quote: 1-سفة الصباح التي ذكرها زولك ده
2- اول سفة وهذه سفة لا تتكرر ابداء وتظل دوما حلم
3-سفة بعد الفطور في رمضان ودي سفة بمليون دولار ولها طعم خاص
4-سفة (افتراضية ) ودي ما عندها مواعيد نتجي عرضا في وقت اصلا ما بتكون متخيلو متين ولمن تجي فهي
تحمل نكهة (دروخة السفة الاولي +ترخيمة سفة ما بعد الفطور+فعالية سفة الصباح دغش)..
|
كيكى انا سمعت انو الكيس عندك مابيتم ساعتين ومرات قالو بتقطع المسافه بين ام سعيد للدوحه فى15 دقيقة بحثا عن التمباك
| |
|
|
|
|
|
|
|
|
|
Re: تعاطى التمباك عند النساء هل هو علاج ام خرم (Re: Deng)
|
Quote: الاخوة الكرام.
أنا ماعارف والله لكن وصلني شمار أنو الدكتورة نجاة محمود(بيان) بتسف ود عماري من النوع الجيد كمان.
الخبر يقول, الحقة بتاعت بيان علبة كريم نيفيا قديمة, وسفتا دقار لوري عديل كده.
دينق.
|
العزيز دينق
الاخت د. بيان اعرفها جيداوهى لا تتعاطى التمباك ابدا الا اذا كانت مداخلتك من اجل المزاح والدعابه فهذا شىء اخر لكن بيان انا قابلتها عندما زارتنا فى الدوحه وهى لا تتعاطى التمباك .
| |
|
|
|
|
|
|
|
|
|
Re: تعاطى التمباك عند النساء هل هو علاج ام خرم (Re: ضحيه ابراهيم)
|
Quote: أنا ماعارف والله لكن وصلني شمار أنو الدكتورة نجاة محمود(بيان) بتسف ود عماري من النوع الجيد كمان.
الخبر يقول, الحقة بتاعت بيان علبة كريم نيفيا قديمة, وسفتا دقار لوري عديل كده. |
لوووووووووووووووووووووووووووووول
يا جورج بن بوك آل دينق
من الحب ما قتل
بقيت ما بتقدر ما تجيب سيرتي
حتى في بوست الصعوت جايب سيرتي
بس اودي في سيرتك وجيبها سيرتك انت على حبيبة
لا شبه صادفتو ذيك ولا عيون منك قريبة...
العزيز ضحية
كيفك وكيف الاهل.. ما تشتغل بكلام دينق
وشكرا ليك على كلامك الطيب..
بس دينق واقع في غرامي الايام دي...
وحايم بوست بوست بيان سوت
وبيان قالت...
شكرا لشهادتك التى حتما ستهزم شمار دينق دا...
| |
|
|
|
|
|
|
|
|
|
Re: تعاطى التمباك عند النساء هل هو علاج ام خرم (Re: ضحيه ابراهيم)
|
ولض ابا ضحية مرة كدا كنت منتظر المترو والدنيا كانت زي قريب نص الليل، والناس في رصيف المترو ما كُتار لقيت ليك واحد عمك خواجي لابس نضيف في نضيف بعاين في ساعتو ثم ادخل ايدو في جيبو وطلع ليك كيس صعوط وانا شاااااايفوا، يازول ما انهجمتا، انا داير نقع جُنُبُلقُ في الحفرة حقت المترو، يازول مشت لييك عليهو طوالي وقلت ليهو بالانكليزي: بليز اذ ذسيس اصنوف؟ قال وبالعربي:
-يس ثم اتمم الباقي بالعربي:
-انتا من وين يا ابني؟
-السودان.
-الخواجة: انا قعدت في الخرطوم حي الوابورات خمسة وعشرين سنة وخليينا السودان يوم شريعة نميري، والتمباك لا يفارقني البتة.
يا ضحية عمك طلع يوناني سفيف تبماك، وبذلك نكون نحن السودانيين قمنا بتصدير ثقافة الصعوط الى الاتحاد الاوروبي، وقبال ما اتخارج طبعا اخووك عمرو ما سفة تمباك، ووواصل.
| |
|
|
|
|
|
|
| |
ضحيه ابراهيم
حيدر حسن ميرغني
abas
السمؤال بدرالدين
عاصم ابوبكر حامد
هاشم أحمد خلف الله
عبدالكريم الامين احمد
عبد المنعم سليمان
fadlabi
Deng
bayan
محمود الدقم
Moawia Mohammed
فيس بوك
تويتر
انستقرام
يوتيوب
بنتيريست