|
|
 قاموس لغة الشماشة
|
الشماشة من الصغار المشردين الذين ضاقت بهم سبل الحياه فهجرواا بيوت ذويهم وأصبحو يهيمون على وجوههم في الشوارع في شكل مجموعات. يعملون بمهن هامشية كغسيل العربات وتلميع الجزم وعندما يأتي الليل ينامون في المجاري والسيارات المهملةبعد أن يكونوا قد تشبعوا بشم البنزين.
زالشماشة كفئة ظهرت في المجتمع السوداني هي نتاج طبيعي لساسات مايو الخرقاء التي نتج عنها المجاعة في أوائل الثمانينات واستعار الحرب في الجنوب.
بعد المقدمة دي أنا بالمناسبة معجب جداً بلغة الشماشة ومرة حضرت ليهم حلقة في برنامج الصلات الطيبة. وأسي جاتني فكرة إنو نعمل قاموس للغة الشماسة _ والله لغة الشماشة أحسن من لغة ناس حسين خوجلي.
وزي داير أقول إنو في الحتة دي _ كيتاً ليك ياقرشو موت الليلية_ إنو كلو واحد فينا _ للعندو الرغبة طبعاً- يجود بما يعرفه من مصطلحات يستعملها الشمشاشة. وبالمناسبة لغة الشماشة أصبحت هي اللغة السائدة في الجامعات وتجمعات الشباب المحبط التلقاهم من تصبح قاعدين تحت عمود النور أو تحت نيمة ويراقبوا في خلق الله. فكل واحد فيكم يجيب كلمة ويشرح معناها.
فاطي سطر = مجنون أو عقلو ملخبط
شرط = حاجة جميلة
تفتيحة = زول مخو نضيف
شتات = مع السلامة
ترطيب = راحات
فردة = صديق
شايلة موبايل = البنت التي تستعمل مبيض البشرة ويكون وشها أبيض وأياديها سوداء
الحكومة = رجل البوليس
|
|
 
|
|
|
|
|
|
|
|
شماشة (Re: shammashi)
|
الأخ الشماشي - لست خبيرا في لغة الشماشة لكن سمعت نكتة تحكى عن اولات (عفوا حناكيش) الاهلية . قالوا عندهم زميلهم مات وجاو عشان يكلموا ابوه . فتبرع واحد منهم وواج الواد قائلا: شوف يا ابو الجقق ، الفردة دا كان راكب معانا ومشمع في امان الله قام فجأة دقس فـ اتلحسن .
والبركة فيكم
| |
|
|
|
|
|
|
|
|
|
Re: شماشة (Re: ديامي)
|
سلام يا فرد
موضوع لطيف جدا و هذه بعض الاضافات
متر = مئه جنيه
حبه = الف جنيه
اعمل ليه سمارايز = اختصرو . جاي من اللغه الانجليزيه
و طبعا اشهر كلمه " جكس "= بنات . و برضو جاي من الانجليزي
فكو عكس الهواء = افتح ليهو
| |
|
|
|
|
|
|
|
|
 Re: شماشة (Re: manj)
|
New Arrival
I got it just now by phone
الضحــاكــات = القروش بصفه عامه
Very Funnnnnny Post !!! I Like it  ))
| |
|
|
|
|
|
|
|
|
|
Re: شماشة (Re: waleed500)
|
سلام جاكم يا فرد
شايفكم (كابين النقه) بي هناوكمان( خالطين)... انت اقعدوا( كبو الجاكات) كده لامن ( تركبو التونسية) ... ( جلاكينكم) ناموا طبعا وانتوا قعدتوا في النت..وللا (متضهبين ) زينا في الغربه ؟ ...يا تغريد شايفك لما(الجلكين) بتاعك يجي ويلقاكي قاعدة في النت لوقت متأخر بتعملي ( حمد لبد) وتكتلي ليه حيلك... انا الليله ( حابراكم ) كدة لامن ( تعرفوا حاجة ) ...كفاكم ؟
3bdo
| |
|
|
|
|
|
|
|
|
|
قاموس لغة الشماشة (Re: shammashi)
|
قالو واحد سطل سطلة لمن ليلو بقا نهار مشا البيت متاخر دق الباب فتحت ليهو اختو طاااااااااخ طقاها كف قال ليها متاخرة كده كونتى وين
هههههههههههههههههههه
شنو يا فرد براكم كده
حبة = فردة= صديق
دفار=بابور= مرة سمينة
كوراع= بنت ضعيفة
نور العين
برى يا ناس
| |
|
|
|
|
|
|
|
|
|
Re: قاموس لغة الشماشة (Re: ودحبيب)
|
زول داقس = زول فارة = زول تغميضة=انسان بسيط
زول مفتح = زول تنج = انسان شاطر
السليقة = موس النشال
بلك طافي = انسان مفلس
الجاكة = الكزبة
بتاع جاكات =بتاع مكن = كضاب
فردة منقرضة = صديقة مافي مثله
دامة = جكسوية = بنت
شتت = ذهب=مشي
اتلحس =مات
دقس اتلحس = اتنشل
| |
|
|
|
|
|
|
|
|
|
قاموس لغة الشماشة (Re: shammashi)
|
لالا والله يا اخوى رومانسى خكاية موس النشال دى دايرة ليها قعدة
وعرفتو من وين يا شقى تكون محترف
هاهاهاهاهاهاهاهاهها
نور العين
برى يا ناس
| |
|
|
|
|
|
|
|
|
|
شماشة عينه (Re: shammashi)
|
شدو = ود شداد
بهره = أسامه
حفوظي = محمد الحافظ
دلاس = دولارات
دموري = ود الدامر
رحوله = راحيل
شمشار = مولع بالنميمة
صفويه = بت الهنا
الرونيو = نشر الأخبار
كدش = مغبر الوجه
كدمبش = شماشي صغير
قرقور = موردابي ( من جيل الشماشه القديم )
رشاشه = هلالابي ( من جيل الشماشه القديم )
ولي عوده
| |
|
|
|
|
|
|
|
|
|
Re: شماشة عينه (Re: Fadil)
|
شماشى
خطييييير يا ود
انت مشيت بعثة تشميش ولا ايه
شايف الجماعة بستعملو كلمة "رندوق" دى كثير لما عقدونا
تعرف لما يجوا جماعة من السودان يخلوك تتلفت زى سيد الغريبة..
رومانسى
انت لكن بالغت عدييييييل كده
انت كنت شغال فى المباحث ولا شنو..
يعنى اريرة بلغة شماشة زمان
وطبعا كل جيل الشماشة بتاعنه ليهم مصطلحاتهم عشان كده انا بقترح البوست ده يكون مفتوح طوالى وكل واحد يعرف كلمة يضيف والغرض انه لو واحد ماشى السودان يمر على البوست ده عشان الفرد هناك ما يدقسوه..
هاااااااى
لكن شنو حكاية الشمار الكثير ..
سمعت واحد بغنى وقالوا اسمه عباس بقاله اظنه
فوق الحلة دى انا ما بجى
الشمار كثير انا ما بجى
شنو ناس الحلة ديك كلهم شمشارين ولا ايه؟؟؟
| |
|
|
|
|
|
|
|
|
|
الشماشة الجد (Re: shammashi)
|
علي البمين يا ديامي إنت ورومانسي بالغتوا
إنتو حقو تكونوا الآباء الروحيين للشماشة
بعدين يا قرشو عامل فيها ألفة ومسجل غياب اليوم كلو. دا كلام شنو
ياله يا جماعة نكب الزوغة عشان نمشي ناخد لينا تعسيلة ونجيكم باكر
شتـــــــتات يافرد
| |
|
|
|
|
|
|
|
|
|
Re: حــــــــــــــــنـــــــــك نــــــاصــــــيــــــــــة (Re: kabaros)
|
lOoOOoOoOOo@kabaros
كدى يا خوى اديها صنة خلى صوت الفنان يصلنا
يا مان سنتا ستاتما سنتا سيفك؟
دا يا معلم نظام عودنا راكب فى الحنك دا وكدة وعشان ما تقول الناس ديل رافات وما قانشين جاحة وتدقسونا
بيروت = حاجة باردة
الكنجالات=الضحاكات = السمينة=التشديرة
فلسطين= مقشطين =مفلسين
كوكب=ابيض = ما عندو ابو النوم = مفلس
بلكات = صواريخ = ناس الملح
البلف عمل زغبير = البلف شتت بالفكة = الكمسارى زاغ بالباقى
حنك مخستك= حنك بيش = حنك جبان
لامن أمن = لامن اقتنع = لامن عرف حاجة
خلاص كدة نرحل يا فردة وشتات خالى محطات
| |
|
|
|
|
|
|
|
|
 الشماشة الجد (Re: shammashi)
|
لكن يا فرد طلعتوا كلكم شماشة جد جد
قالو في مجموعة من الشماشة اعتادت تنوم في الطيارة الخاتينها ناس البشير جنب الهيلتون _ بالله العارف فيكم إنو ليه الطيارة دي خاتينها هناك يوريني- ويقوموا الصباح بدري يشتتوا.
يوم الصباح وهم طالعين من الطيارة جات عربية مارة وفيها جماعة. المهم الجماعة استغربوا في وقت زي دا الناس الطالعين من الطيارة ديل شنو. قام واحد سأل رفيقو ديل شنو ديل.
واحد من الشماشة رد عليهو . مالك أصلك ما شفت ناس جايين من لندن
| |
|
|
|
|
|
|
|
|
|
Re: الشماشة الجد (Re: shammashi)
|
شماسى
ده كله كوم وحكاية الطيارة دى كوم ثانى ..
وييييين ياخوى الطيارة دى خاتنها بس؟؟
كدى وصف لى تحديدا ً...
غايتو عندكم كلام بتعرفوه براكم بس
| |
|
|
|
|
|
|
|
|
|
الشماشة الجد (Re: shammashi)
|
ديامي عليك الله كلمني وما تختشي إنت كنت ساكن في ياتو مجرا
قرشو إن شاء الله تطير ما ترك
الطيارة دي ياسيد كانو خاتنها بعد الهلتون ديك على يدك اليمين وانت داخل على الخرطوم
وكانت الظاهر من حركات رامبو لتجميل العاصمة
لكن اسي والله ما متأكد في ولا شالوها . يمكن تكون الحكومة باعتا.
وأعمل حسابك الدغسة بتجيب اللحسة
| |
|
|
|
|
|
|
|
|
|
ترجمة على الشريط (Re: shammashi)
|
شوربة المحاية قنزحت..وناس زغبير عملوأرنب ..أتارى الدفار طافى عين واحدة..لو ما كان الخلال..كانت النجمة أم ضنب تلبت..الا أبوفروة كلكش فى أم عضم..لكن الضحاكات...ما كفايه..زغربنا شوية...وفرترب فرترب نط فينا الكديس..أصلو المفتاح الانجليزى عمل سالونباس..فرتقنا الجمعة..ابو شربات كسح
والمكوة ما عايز يطلع ضحاكة واحدة
مين يترجم ؟؟؟؟ أهو كلنا فى الهوا شماسة...
تحياتى
ود عزة
| |
|
|
|
|
|
|
|
|
|
Re: (^_^) (Re: شوق)
|
وين يافرد
الرندوك مسخن و انا كنت مشغول مع واحد فردة
اصلوا الجلك بتاعو جنريتر شوية
قام بدون سبب اداهو كفتيرة
لما سألو قال ليهو
انت كيف تشتت من البيت و عارف اختك حمالة الحطب و حالتها خطرة
مع انو اختو اتلحست من سنة دو
و ربي جنكيز خان
| |
|
|
|
|
|
|
|
|
|
Re: (^_^) (Re: falcon)
|
انا جيتكم لكن رحلة لندن دي مافي السلك
بي جازك =أمشي طوالي
فِك السيخة = فِك اليد
شل شلي تقيل =شينة جدا
ترنعي =غبي
كفاكم ولا أزيدكم
| |
|
|
|
|
|
|
|
|
|
Re: (^_^) (Re: suna)
|
هوي يا نحالة
كدا وأنتم راجعين سوق ليبيا
عرجوا علي راكوبة إيمو
يمكن تلقوا باقي المديدة
وما تنسوا ست الشاي عارضة فاصوليا
| |
|
|
|
|
|
|
|
|
|
Re: (^_^) (Re: suna)
|
الله واحد و البقجلّي ما بجلّي و الفاتك فوتو المابتلحقوا جدّعوا والبدقس بتلحس يا، و ضّع نفسك يا مان وكسبه زمن الدنيا دي فسفوسه
| |
|
|
|
|
|
|
|
|
|
Re: بنات الجامعات و كلمات تانية (Re: yasiko)
|
سردفة = فردة = صديق
ركب التيتل = ركب التونسية = اتمقلب
جوكى = مستنكح = مستهبل
ساقف = ماكل او شبعان
انبرم = شتت = اختفى
شنقه = سفه
الهواء = الطارة = البمبا = البوليس او الكشة
لغم = مخبر او بوليس او متعاون
سلس = سلسيون
اما بعض الجمل المركبة :
ترطيبة وحاجة عجيبة = مكان كويس
شرط للارض = حاجة سمحه جدا
| |
|
|
|
|
|
|
|
|
|
Re: قاموس لغة الشماشة (Re: shammashi)
|
Salam
Realy very intersting topic.Realy if I go to sudan ,I need to have atranslater.
لغة البنات
كديسة الرجل الوسيم
كديسة تخربش قمة الوسامة
دمرك وسيم
| |
|
|
|
|
|
|
|
|
 alrandook (Re: shammashi)
|
سلام شماسي ...
التحيه ليك مرة اخرى .....
احترم جدا تهتمامك بالاطفالالشردين ورغبتك الدائمة في طرح قضيتهم....لكالحية والاحترام مرة اخرى....
وكما قلت لك في المرة السابقة انني كنت اعمل مع الاطفال المشردين مايزيد عن الستة سنوات ...يعني حتكاكي بيهم كان يومي.....لكن طال الزمن ونسيت الكثير بس اهم عبارات هي :
الراندوك : لغة الشماسة نفسها
فارة :الولد المسكين وصغير
جونك :رئيس الجماعة -- الكبير بتاعهم
اللقوية :البنت
الكرتة :الاكل
داقس :ماعارف
شتات...... وغيره من العبارات الكنتا انا ما بفهما وكانو يقولو لي يا ست انتي داكسة ....وكم ضحكت وبكيت معهم.................... لكن عندى زميلة لي قامت بكتابة لغة الراندوك وا خري عملت بحث كذلك سوف احاول الاتصال بيهم واقدم ليكم بعض منه اذا عاوزين.....
مع تحياتي.......................
| |
|
|
|
|
|
|
|
|
|
لغة العصر (Re: shammashi)
|
جنريتر : زول فاكي منو " مجنون
بطة ولقت موية: واحدة سمينة وشينة ودلوعة
بيض : زول ثقيل
فارة : شخص بليد
ماجي: الركشة
طماطم بالكوم: البنت التي تكثر الروج
عيسي صباح الخير : جاتكم الكشة
شرحبيل: فتح له او لم يكترث به
هذه مساهمتي وساتيكم بالجديد متى ما توفر او تذكرت
| |
|
|
|
|
|
|
|
|
|
Re: لغة العصر (Re: shammashi)
|
طيب هاكم دي
عشه الفلاتيه= العشا
قاده عربي =مافي شنكارات=سكاكات=ساقين ضعيفه
وواحده قديمه جدا (اضان جلد=مابعمل الحاجه دي او عامل مطنش)ه
| |
|
|
|
|
|
|
|
|
|
Re: لغة العصر (Re: PLAYER)
|
صلواي البصعين يا جيك
هنا قوف الروبد يدا قوفو سان تحافيت
نأت لخيك دكا ولام تمعل قوفها تنج
كالن نبي ونيبك الرافات بالموك
سب لخيهو قوف رسك
| |
|
|
|
|
|
|
|
|
|
Re: لغة العصر (Re: PLAYER)
|
هاي يا شباب
شماشي كيفك ..حرام عليك
طلعته البورد كلو شماشة
اساسا هم قاعدين على الهبشة
الله يديك العافية
| |
|
|
|
|
|
|
| |
Ahlalawad
waleed500
nooralaen
yasiko
Fadil
قرشـــو
kabaros
bob
falcon
EMU إيمو
بكرى ابوبكر
Halema2
PLAYER
بنت الاحفاد 2001
فيس بوك
تويتر
انستقرام
يوتيوب
بنتيريست