Post: #1
Title: قاموس لغة الشماشة
Author: shammashi
Date: 03-11-2002, 01:05 PM
الشماشة من الصغار المشردين الذين ضاقت بهم سبل الحياه فهجرواا بيوت ذويهم وأصبحو يهيمون على وجوههم في الشوارع في شكل مجموعات. يعملون بمهن هامشية كغسيل العربات وتلميع الجزم وعندما يأتي الليل ينامون في المجاري والسيارات المهملةبعد أن يكونوا قد تشبعوا بشم البنزين.
زالشماشة كفئة ظهرت في المجتمع السوداني هي نتاج طبيعي لساسات مايو الخرقاء التي نتج عنها المجاعة في أوائل الثمانينات واستعار الحرب في الجنوب.
بعد المقدمة دي أنا بالمناسبة معجب جداً بلغة الشماشة ومرة حضرت ليهم حلقة في برنامج الصلات الطيبة. وأسي جاتني فكرة إنو نعمل قاموس للغة الشماسة _ والله لغة الشماشة أحسن من لغة ناس حسين خوجلي.
وزي داير أقول إنو في الحتة دي _ كيتاً ليك ياقرشو موت الليلية_ إنو كلو واحد فينا _ للعندو الرغبة طبعاً- يجود بما يعرفه من مصطلحات يستعملها الشمشاشة. وبالمناسبة لغة الشماشة أصبحت هي اللغة السائدة في الجامعات وتجمعات الشباب المحبط التلقاهم من تصبح قاعدين تحت عمود النور أو تحت نيمة ويراقبوا في خلق الله. فكل واحد فيكم يجيب كلمة ويشرح معناها.
فاطي سطر = مجنون أو عقلو ملخبط
شرط = حاجة جميلة
تفتيحة = زول مخو نضيف
شتات = مع السلامة
ترطيب = راحات
فردة = صديق
شايلة موبايل = البنت التي تستعمل مبيض البشرة ويكون وشها أبيض وأياديها سوداء
الحكومة = رجل البوليس
|
Post: #2
Title: شماشة
Author: Ahlalawad
Date: 03-11-2002, 01:19 PM
Parent: #1
الأخ الشماشي - لست خبيرا في لغة الشماشة لكن سمعت نكتة تحكى عن اولات (عفوا حناكيش) الاهلية . قالوا عندهم زميلهم مات وجاو عشان يكلموا ابوه . فتبرع واحد منهم وواج الواد قائلا: شوف يا ابو الجقق ، الفردة دا كان راكب معانا ومشمع في امان الله قام فجأة دقس فـ اتلحسن .
والبركة فيكم
|
Post: #3
Title: Re: شماشة
Author: ديامي
Date: 03-11-2002, 04:16 PM
Parent: #2
رندوك : ونسة
كابي الرندوك مع حنانو : يتونس مع حبيبته
|
Post: #4
Title: Re: شماشة
Author: ديامي
Date: 03-11-2002, 04:57 PM
Parent: #3
الأريرة : رجل الشرطة
|
Post: #5
Title: Re: شماشة
Author: manj
Date: 03-11-2002, 08:01 PM
Parent: #4
سلام يا فرد
موضوع لطيف جدا و هذه بعض الاضافات
متر = مئه جنيه
حبه = الف جنيه
اعمل ليه سمارايز = اختصرو . جاي من اللغه الانجليزيه
و طبعا اشهر كلمه " جكس "= بنات . و برضو جاي من الانجليزي
فكو عكس الهواء = افتح ليهو
|
Post: #6
Title: Re: شماشة
Author: تغريـــد
Date: 03-11-2002, 08:28 PM
Parent: #5
New Arrival
I got it just now by phone
الضحــاكــات = القروش بصفه عامه
Very Funnnnnny Post !!! I Like it  ))
|
Post: #7
Title: Re: شماشة
Author: waleed500
Date: 03-11-2002, 08:40 PM
Parent: #6
ارنب= مليون
|
Post: #8
Title: Re: شماشة
Author: GamarBoBa
Date: 03-11-2002, 08:55 PM
Parent: #7
القطعة=الحبيبة
البلف=كمساري
|
Post: #10
Title: Re: شماشة
Author: 3bdo
Date: 03-11-2002, 09:05 PM
Parent: #7
سلام جاكم يا فرد
شايفكم (كابين النقه) بي هناوكمان( خالطين)... انت اقعدوا( كبو الجاكات) كده لامن ( تركبو التونسية) ... ( جلاكينكم) ناموا طبعا وانتوا قعدتوا في النت..وللا (متضهبين ) زينا في الغربه ؟ ...يا تغريد شايفك لما(الجلكين) بتاعك يجي ويلقاكي قاعدة في النت لوقت متأخر بتعملي ( حمد لبد) وتكتلي ليه حيلك... انا الليله ( حابراكم ) كدة لامن ( تعرفوا حاجة ) ...كفاكم ؟
3bdo
|
Post: #9
Title: Re: شماشة
Author: ودحبيب
Date: 03-11-2002, 09:04 PM
Parent: #6
فردة=صديق
عباس=البوليس
شرامى=زول مفتح
ودعز=شخص من اسرة غنية
تموت تخليه=حذاء يصنع من اطارات السيارات
مسطح=ماناقش
ملح=بلاشى
خالط=جالس مع امراة
حبة=حبيب
زول كوج=زول فقرى
زول مرض=زول متعب
زول روسى=زول متخلف
برد جوفك= اشرب موية باردة
طارح=موصل زميلته او حبيبته لسكنها
مكسر=واقع فى غرام بنت
|
Post: #53
Title: Re: شماشة
Author: omarmahdi
Date: 04-17-2002, 09:03 AM
Parent: #3
بتاع مكنة = كذاب
مكسر فيهو== بحبها شدييددد
|
Post: #11
Title: قاموس لغة الشماشة
Author: nooralaen
Date: 03-11-2002, 09:17 PM
Parent: #1
قالو واحد سطل سطلة لمن ليلو بقا نهار مشا البيت متاخر دق الباب فتحت ليهو اختو طاااااااااخ طقاها كف قال ليها متاخرة كده كونتى وين
هههههههههههههههههههه
شنو يا فرد براكم كده
حبة = فردة= صديق
دفار=بابور= مرة سمينة
كوراع= بنت ضعيفة
نور العين
برى يا ناس
|
Post: #12
Title: Re: قاموس لغة الشماشة
Author: manj
Date: 03-12-2002, 05:52 AM
Parent: #11
مكن و مكنه = كضب
شرتيت = قروش
|
Post: #13
Title: Re: قاموس لغة الشماشة
Author: ودحبيب
Date: 03-12-2002, 06:42 AM
Parent: #12
بنت شرط=بنت حلوة
|
Post: #14
Title: Re: قاموس لغة الشماشة
Author: رومانسي
Date: 03-12-2002, 06:57 AM
Parent: #13
زول داقس = زول فارة = زول تغميضة=انسان بسيط
زول مفتح = زول تنج = انسان شاطر
السليقة = موس النشال
بلك طافي = انسان مفلس
الجاكة = الكزبة
بتاع جاكات =بتاع مكن = كضاب
فردة منقرضة = صديقة مافي مثله
دامة = جكسوية = بنت
شتت = ذهب=مشي
اتلحس =مات
دقس اتلحس = اتنشل
|
Post: #15
Title: قاموس لغة الشماشة
Author: nooralaen
Date: 03-12-2002, 09:26 AM
Parent: #1
لالا والله يا اخوى رومانسى خكاية موس النشال دى دايرة ليها قعدة
وعرفتو من وين يا شقى تكون محترف
هاهاهاهاهاهاهاهاهها
نور العين
برى يا ناس
|
Post: #16
Title: قاموس لغة الشماشة
Author: shammashi
Date: 03-12-2002, 09:41 AM
Parent: #1
والله يارومانسي غنت طلعت عبد الله الطيب بتاع الجماعة ديل.
ساكن في ياتو مجرى يافردا.
|
Post: #17
Title: Re: قاموس لغة الشماشة
Author: رومانسي
Date: 03-12-2002, 10:01 AM
Parent: #16
|
Post: #18
Title: Re: قاموس لغة الشماشة
Author: yasiko
Date: 03-12-2002, 11:06 AM
Parent: #17
خطير يا رومانسي
والله عمدة واقلاهاالفة شماسة
مبروك
عملت لييهو الكحلاوي **** نظرت له خلسة
اعمل لفيت
|
Post: #19
Title: قاموس لغة الشماشة
Author: shammashi
Date: 03-12-2002, 11:55 AM
Parent: #1
أقطع دراعي يا رومانسي لو ما كنت منهم
نعمل قسم السيد في الخور ،، حلوة عديــــــــــــــل
|
Post: #20
Title: Re: قاموس لغة الشماشة
Author: ديامي
Date: 03-12-2002, 12:04 PM
Parent: #19
العضة : الأكل
عاضة معاهو : جعان شديد
مفحطين : ماشين
مرّطب : مرتاح
مستحمي : رأسو فاضي : ما ناقش
|
Post: #21
Title: شماشة عينه
Author: Fadil
Date: 03-12-2002, 12:15 PM
Parent: #1
شدو = ود شداد
بهره = أسامه
حفوظي = محمد الحافظ
دلاس = دولارات
دموري = ود الدامر
رحوله = راحيل
شمشار = مولع بالنميمة
صفويه = بت الهنا
الرونيو = نشر الأخبار
كدش = مغبر الوجه
كدمبش = شماشي صغير
قرقور = موردابي ( من جيل الشماشه القديم )
رشاشه = هلالابي ( من جيل الشماشه القديم )
ولي عوده
|
Post: #22
Title: Re: شماشة عينه
Author: قرشـــو
Date: 03-12-2002, 12:46 PM
Parent: #21
شماشى
خطييييير يا ود
انت مشيت بعثة تشميش ولا ايه
شايف الجماعة بستعملو كلمة "رندوق" دى كثير لما عقدونا
تعرف لما يجوا جماعة من السودان يخلوك تتلفت زى سيد الغريبة..
رومانسى
انت لكن بالغت عدييييييل كده
انت كنت شغال فى المباحث ولا شنو..
يعنى اريرة بلغة شماشة زمان
وطبعا كل جيل الشماشة بتاعنه ليهم مصطلحاتهم عشان كده انا بقترح البوست ده يكون مفتوح طوالى وكل واحد يعرف كلمة يضيف والغرض انه لو واحد ماشى السودان يمر على البوست ده عشان الفرد هناك ما يدقسوه..
هاااااااى
لكن شنو حكاية الشمار الكثير ..
سمعت واحد بغنى وقالوا اسمه عباس بقاله اظنه
فوق الحلة دى انا ما بجى
الشمار كثير انا ما بجى
شنو ناس الحلة ديك كلهم شمشارين ولا ايه؟؟؟
|
Post: #23
Title: Re: شماشة عينه
Author: ديامي
Date: 03-12-2002, 12:49 PM
Parent: #21
ماكل كباب : أحوص
قطع ناشف : حسم
|
Post: #24
Title: الشماشة الجد
Author: shammashi
Date: 03-12-2002, 01:23 PM
Parent: #1
علي البمين يا ديامي إنت ورومانسي بالغتوا
إنتو حقو تكونوا الآباء الروحيين للشماشة
بعدين يا قرشو عامل فيها ألفة ومسجل غياب اليوم كلو. دا كلام شنو
ياله يا جماعة نكب الزوغة عشان نمشي ناخد لينا تعسيلة ونجيكم باكر
شتـــــــتات يافرد
|
Post: #25
Title: Re: الشماشة الجد
Author: kabaros
Date: 03-12-2002, 07:19 PM
Parent: #24
سلام يافردة يا منقرضة ، الشوق ماسورة مكسورة والسباكين في إضراب ، موضوع تمام ، في السلك ، كدي وزاد وجدي ، ااي كدي روقوا المنجة و هدوا الفلم حبة ..
والله أنا مشيت السودان السنة الفاتت ، لأول مرة من 11 سنة ، طوالي الجماعة دخلوا في شمال ، قايليني حنكوش من أولاد شهادة عربية ، لكن يحردنّ ، طوالي وريتم الشفتنة الصح ، قلت ليهم يا أولاد هووي ، ما تدخنوا في طرمبة شل .
واحد صاحبنا كان ماخد شاكوش حار ، ركبوه التونسية ولفوا بيه بيغااادي ، الموضوع ده كان رافع كثافته ، مسكته هديته وقلت ليه مالك رزك اتحرق ولا شنو يا فردة ، قال لي اتشوكشت ، قلت ليه بتحبها ، قال لي مكسر فيها وهي فاتحة لي كوبري ، قلت ليه عليك الله بطل الفطاجة دي ، ما تخلي البت تخستك بيك ، والله بوكيموناتك ديل حيودوك ال T. M ...
سكت كدة وقال لي تصدق يا معلم لازم نتشفتن شوية و شاكوش يفوت ولا حد يموت ...
أسع أنا مشتت لكن راجع ليكم تاني يا فرد .. حأعصر مخي وأتذكر ليكم شوية كلمات لعل وعسى نساهم في شفتنتكم شوية 
|
Post: #26
Title: Re: حــــــــــــــــنـــــــــك نــــــاصــــــيــــــــــة
Author: MXB6N
Date: 03-12-2002, 09:51 PM
Parent: #25
lOoOOoOoOOo@kabaros
كدى يا خوى اديها صنة خلى صوت الفنان يصلنا
يا مان سنتا ستاتما سنتا سيفك؟
دا يا معلم نظام عودنا راكب فى الحنك دا وكدة وعشان ما تقول الناس ديل رافات وما قانشين جاحة وتدقسونا
بيروت = حاجة باردة
الكنجالات=الضحاكات = السمينة=التشديرة
فلسطين= مقشطين =مفلسين
كوكب=ابيض = ما عندو ابو النوم = مفلس
بلكات = صواريخ = ناس الملح
البلف عمل زغبير = البلف شتت بالفكة = الكمسارى زاغ بالباقى
حنك مخستك= حنك بيش = حنك جبان
لامن أمن = لامن اقتنع = لامن عرف حاجة
خلاص كدة نرحل يا فردة وشتات خالى محطات
|
Post: #27
Title: الشماشة الجد
Author: shammashi
Date: 03-13-2002, 08:01 AM
Parent: #1
لكن يا فرد طلعتوا كلكم شماشة جد جد
قالو في مجموعة من الشماشة اعتادت تنوم في الطيارة الخاتينها ناس البشير جنب الهيلتون _ بالله العارف فيكم إنو ليه الطيارة دي خاتينها هناك يوريني- ويقوموا الصباح بدري يشتتوا.
يوم الصباح وهم طالعين من الطيارة جات عربية مارة وفيها جماعة. المهم الجماعة استغربوا في وقت زي دا الناس الطالعين من الطيارة ديل شنو. قام واحد سأل رفيقو ديل شنو ديل.
واحد من الشماشة رد عليهو . مالك أصلك ما شفت ناس جايين من لندن
|
Post: #28
Title: Re: الشماشة الجد
Author: قرشـــو
Date: 03-13-2002, 08:12 AM
Parent: #27
شماسى
ده كله كوم وحكاية الطيارة دى كوم ثانى ..
وييييين ياخوى الطيارة دى خاتنها بس؟؟
كدى وصف لى تحديدا ً...
غايتو عندكم كلام بتعرفوه براكم بس
|
Post: #29
Title: Re: الشماشة الجد
Author: ديامي
Date: 03-13-2002, 10:54 AM
Parent: #28
عملت ليهو شرحبيل : شرتو
|
Post: #30
Title: الشماشة الجد
Author: shammashi
Date: 03-13-2002, 12:48 PM
Parent: #1
ديامي عليك الله كلمني وما تختشي إنت كنت ساكن في ياتو مجرا
قرشو إن شاء الله تطير ما ترك
الطيارة دي ياسيد كانو خاتنها بعد الهلتون ديك على يدك اليمين وانت داخل على الخرطوم
وكانت الظاهر من حركات رامبو لتجميل العاصمة
لكن اسي والله ما متأكد في ولا شالوها . يمكن تكون الحكومة باعتا.
وأعمل حسابك الدغسة بتجيب اللحسة
|
Post: #31
Title: Re: قاموس لغة الشماشة
Author: bob
Date: 03-13-2002, 01:06 PM
Parent: #1
دق الحديد= سوق بسرعه شديده
اقطعه معاهو = اتشاكل معاهو
يافاره دقسته = اتغشيت
اركبك التونسيه= اغشك او احتال عليك
|
Post: #32
Title: فسفوس
Author: Mous3ab
Date: 03-13-2002, 02:01 PM
Parent: #31
الّي بعرف معنى فسفوس ليه جائزه
|
Post: #33
Title: ترجمة على الشريط
Author: wadazza
Date: 03-13-2002, 03:14 PM
Parent: #1
شوربة المحاية قنزحت..وناس زغبير عملوأرنب ..أتارى الدفار طافى عين واحدة..لو ما كان الخلال..كانت النجمة أم ضنب تلبت..الا أبوفروة كلكش فى أم عضم..لكن الضحاكات...ما كفايه..زغربنا شوية...وفرترب فرترب نط فينا الكديس..أصلو المفتاح الانجليزى عمل سالونباس..فرتقنا الجمعة..ابو شربات كسح
والمكوة ما عايز يطلع ضحاكة واحدة
مين يترجم ؟؟؟؟ أهو كلنا فى الهوا شماسة...
تحياتى
ود عزة
|
Post: #34
Title: (^_^)
Author: شوق
Date: 03-13-2002, 03:35 PM
Parent: #1
ومنكم نستفيد يديكم العافيه
|
Post: #35
Title: Re: (^_^)
Author: falcon
Date: 03-13-2002, 06:42 PM
Parent: #34
وين يافرد
الرندوك مسخن و انا كنت مشغول مع واحد فردة
اصلوا الجلك بتاعو جنريتر شوية
قام بدون سبب اداهو كفتيرة
لما سألو قال ليهو
انت كيف تشتت من البيت و عارف اختك حمالة الحطب و حالتها خطرة
مع انو اختو اتلحست من سنة دو
و ربي جنكيز خان
|
Post: #36
Title: Re: (^_^)
Author: suna
Date: 03-13-2002, 07:07 PM
Parent: #35
انا جيتكم لكن رحلة لندن دي مافي السلك
بي جازك =أمشي طوالي
فِك السيخة = فِك اليد
شل شلي تقيل =شينة جدا
ترنعي =غبي
كفاكم ولا أزيدكم
|
Post: #37
Title: Re: (^_^)
Author: EMU إيمو
Date: 03-13-2002, 07:25 PM
Parent: #36
هوي يا نحالة
كدا وأنتم راجعين سوق ليبيا
عرجوا علي راكوبة إيمو
يمكن تلقوا باقي المديدة
وما تنسوا ست الشاي عارضة فاصوليا
|
Post: #38
Title: Re: (^_^)
Author: Mous3ab
Date: 03-14-2002, 00:12 AM
Parent: #36
الله واحد و البقجلّي ما بجلّي و الفاتك فوتو المابتلحقوا جدّعوا والبدقس بتلحس يا، و ضّع نفسك يا مان وكسبه زمن الدنيا دي فسفوسه
|
Post: #39
Title: بنات الجامعات و كلمات تانية
Author: مهيد
Date: 03-14-2002, 07:53 AM
Parent: #1
سناء جميل = جميلة
كمال الشناوي =شينة
بولندة = بولة
|
Post: #40
Title: Re: بنات الجامعات و كلمات تانية
Author: yasiko
Date: 03-14-2002, 12:30 PM
Parent: #39
ناس النظام العام اخذوا اتنين ميك########ية(بتاع تصليح عربات) ومعاهم بتين الى المحكمةوكانت المحكمة تتكون من قاضي واتنين من قضاة المحاكم البلدية فسال القاضي المتهم الاول الحاصل شنو
فقال
في الحقيقة يا معلم واحد زبون جاب لينا عربية جقروتة
قال صلحوها وانا والفردة دا بعد اجرينا الازم
قلنا نسوق الجقروتة منها تستة ومنها فنكهة
وفي الدرب لاقانا الحنان دا وعملنا ليهو بروق طويلة وبروق قصيرة
وبعد داك اشر لينا وطوالي عملنا فضل ظهر
ودقينا حنك طويل
وبعداك وقفنا نشرب مرطبات ومعانا الجكس
وفجاة جانا الكجر وقال ديل منو قلنا ليهو فضل ظهر
قال لينا دي خلوة
قلنا ليهو خلوة والا زوايا
نحن مالنا قال تمشو معايا القسم
وفي القسم عجكونا في الحراسة الى الصباح وجابونا هنا
(في(في هذه اللحظات واحد من القضاة البلديين وسوس للقاضي
فقال الميك########ي(الصنايعي) اسمع يا معلم خليك من الفارات ديل وشوف شغلك براك
فقال له القاضى
اديناك عشرة حبات جلد
وخمسة عشر يوم ترطيبة معانا في الحراسة
فقال (الصنايعي)الميك########ي
جزاك الله خير وربنا ما يقرنك في كجر يا معلم
|
Post: #41
Title: هاك يا...
Author: قرشـــو
Date: 03-14-2002, 05:21 PM
Parent: #40
لكن يا شماسى لقيت فرد بالكوم
وبالله واصلوا لينا الكلام العجيب ده
|
Post: #42
Title: Re: هاك يا...
Author: zozo
Date: 03-14-2002, 05:42 PM
Parent: #41
والله الرندوق ده ماشى صاح وانا ماقادر اطلع من البوست ده
|
Post: #43
Title: Re: بنات الجامعات و كلمات تانية
Author: ديامي
Date: 03-14-2002, 05:50 PM
Parent: #40
خوجلي عثمان : خجلان
عثمان الشفيع : شافع صغير
عشة الفلاتية : العشاء
|
Post: #46
Title: Re: بنات الجامعات و كلمات تانية
Author: الشفت
Date: 03-15-2002, 11:24 PM
Parent: #40
سردفة = فردة = صديق
ركب التيتل = ركب التونسية = اتمقلب
جوكى = مستنكح = مستهبل
ساقف = ماكل او شبعان
انبرم = شتت = اختفى
شنقه = سفه
الهواء = الطارة = البمبا = البوليس او الكشة
لغم = مخبر او بوليس او متعاون
سلس = سلسيون
اما بعض الجمل المركبة :
ترطيبة وحاجة عجيبة = مكان كويس
شرط للارض = حاجة سمحه جدا
|
Post: #51
Title: Re: بنات الجامعات و كلمات تانية
Author: بكرى ابوبكر
Date: 04-16-2002, 04:34 PM
Parent: #40
|
Post: #44
Title: Re: قاموس لغة الشماشة
Author: tasneem
Date: 03-15-2002, 04:57 PM
Parent: #1
Salam
Realy very intersting topic.Realy if I go to sudan ,I need to have atranslater.
لغة البنات
كديسة الرجل الوسيم
كديسة تخربش قمة الوسامة
دمرك وسيم
|
Post: #45
Title: Re: بالنسبة لرندوك الفنانين
Author: MXB6N
Date: 03-15-2002, 10:45 PM
Parent: #44
|
|
Post: #47
Title: Re: قاموس لغة الشماشة
Author: ودحبيب
Date: 03-16-2002, 01:50 AM
Parent: #44
الاخضر=ابوصلعة=الدولار
|
Post: #48
Title: Re: قاموس لغة الشماشة
Author: قرشـــو
Date: 03-16-2002, 01:54 PM
Parent: #47
شنو يا فرد وين الرندوك
|
Post: #49
Title: Re: قاموس لغة الشماشة
Author: Dr_Bringy
Date: 03-18-2002, 12:56 PM
Parent: #48
مســـــــــاء النور يا فرد
لكن القعدة عندكم ... مرطبين حتي الالفة باع القضية وشرط ورقة المهرجلين ... وإذا كان كبير البيت طبال .. الباقي انتو عارفنو..ههههههه يكة
المهم انا جيت قلت اديكم نظرة كدا من قصاد الطاقة ... وامشى اشوف العجب حبيبي ... أصلو اليومين ديل قاعد يسمع لي رواية عرس الزين ... لكن اخوكم تفتيحة واصلو ما بيصنقع فوق ... طيب يا فرد نشوفكم بعدين ... وبالله قولوا للجيك داك يبطل عروض قبل ما نقوم نوريهو منظر ... شتات يا
|
Post: #50
Title: Re: قاموس لغة الشماشة
Author: ديامي
Date: 03-23-2002, 10:53 AM
Parent: #49
جديدة لنج وارد السودان بالهاتف قبل لحظات
رافعة القزاز ومظلل : محجبة حجاب انصاريات السنة
|
Post: #52
Title: alrandook
Author: Halema2
Date: 04-17-2002, 08:31 AM
Parent: #1
سلام شماسي ...
التحيه ليك مرة اخرى .....
احترم جدا تهتمامك بالاطفالالشردين ورغبتك الدائمة في طرح قضيتهم....لكالحية والاحترام مرة اخرى....
وكما قلت لك في المرة السابقة انني كنت اعمل مع الاطفال المشردين مايزيد عن الستة سنوات ...يعني حتكاكي بيهم كان يومي.....لكن طال الزمن ونسيت الكثير بس اهم عبارات هي :
الراندوك : لغة الشماسة نفسها
فارة :الولد المسكين وصغير
جونك :رئيس الجماعة -- الكبير بتاعهم
اللقوية :البنت
الكرتة :الاكل
داقس :ماعارف
شتات...... وغيره من العبارات الكنتا انا ما بفهما وكانو يقولو لي يا ست انتي داكسة ....وكم ضحكت وبكيت معهم.................... لكن عندى زميلة لي قامت بكتابة لغة الراندوك وا خري عملت بحث كذلك سوف احاول الاتصال بيهم واقدم ليكم بعض منه اذا عاوزين.....
مع تحياتي.......................
|
Post: #54
Title: لغة العصر
Author: مسونكيل
Date: 04-17-2002, 09:12 AM
Parent: #1
جنريتر : زول فاكي منو " مجنون
بطة ولقت موية: واحدة سمينة وشينة ودلوعة
بيض : زول ثقيل
فارة : شخص بليد
ماجي: الركشة
طماطم بالكوم: البنت التي تكثر الروج
عيسي صباح الخير : جاتكم الكشة
شرحبيل: فتح له او لم يكترث به
هذه مساهمتي وساتيكم بالجديد متى ما توفر او تذكرت
|
Post: #55
Title: Re: لغة العصر
Author: shammashi
Date: 04-17-2002, 10:16 AM
Parent: #54
شكرا يا مسونكيل
لكن اسمك دا ذاتو يبفى لي ليهو معنى شماشسي
|
Post: #56
Title: Re: لغة العصر
Author: Elkhawad
Date: 04-17-2002, 10:27 AM
Parent: #55
طيب هاكم دي
عشه الفلاتيه= العشا
قاده عربي =مافي شنكارات=سكاكات=ساقين ضعيفه
وواحده قديمه جدا (اضان جلد=مابعمل الحاجه دي او عامل مطنش)ه
|
Post: #57
Title: Re: لغة العصر
Author: بكرى ابوبكر
Date: 06-08-2002, 07:13 PM
Parent: #56
يا اخوانا الزول ده وين
|
Post: #58
Title: Re: لغة العصر
Author: PLAYER
Date: 06-08-2002, 07:47 PM
Parent: #57
فوشو يا ردف
الضوموع رشط
بس في رافات مطصحين
ما فاقشين إبو المون
ود حاج منفي
|
Post: #59
Title: Re: لغة العصر
Author: رومانسي
Date: 06-08-2002, 07:53 PM
Parent: #58
صلواي البصعين يا جيك
هنا قوف الروبد يدا قوفو سان تحافيت
نأت لخيك دكا ولام تمعل قوفها تنج
كالن نبي ونيبك الرافات بالموك
سب لخيهو قوف رسك
|
Post: #60
Title: Re: لغة العصر
Author: PLAYER
Date: 06-08-2002, 08:36 PM
Parent: #59
موخاويك دوالقوس
يارادفه
فامي ياده للقنه
قانشك
اسناك نم الرافات
|
Post: #61
Title: Re: لغة العصر
Author: بنت الاحفاد 2001
Date: 06-08-2002, 10:15 PM
Parent: #60
هاي يا شباب
شماشي كيفك ..حرام عليك
طلعته البورد كلو شماشة
اساسا هم قاعدين على الهبشة
الله يديك العافية
|
|