الرد المستطاب علي عناوين البرورداب ..2

1/ Ro3ah : ياناس البورد انا عملت شنو ؟
- التسوي كريت تلقي في جلدة

2/ خالد عويس :: بكري ابو بكر مؤسسة مدنية قائمة بي حالها
- اوع من الخصصة والادلجة يابكري

3/ ensana : بعض من تصرفات السودانيين الغريبة في بلاد الغربة
- ما قالو ليك بلدا ما بلدك امشي فيها عريان..ونحنا ناس بنحب نطبق القانون والامثله كمان

4/ عبدالله : مدرسة ادبية اسمها خالد عويس
- ومدرسة اهلية اسمها بكري ابوبكر ...وروضه اسمها ابوحراز J

5/ 3omda4 : بضعت عبارات لاحدي محبوباتي الكم طاشر .
- والله يا عمدة ما خليت حاجة للاخوان بعد كدا .

6/ shiry : فيها شنو يعني لو خليتوني اهترش ليكم ؟
- هترشي يابت هترشي ساي

7/ ابو جهينة : الشاف والطلح واللون السمح
- والله يا ابو جهينة الواحد الا يقرقش ليهو تلج عشان يدخل البوست دا

8/ wadazza : هوبليس وجريمة يعاقب عليها القانون
- تشجع يا هوبليس السجن للجدعان برضو

9/ الكيك : هل الصينيون قادرون علي بناء سد مروي ...رساله لاهل الاختصاص
- اهل الاختصاص : نعم ..اذا كان سد مروي اصغر من سور الصين

10/ ZARIA : متي ستنتهي القصة ؟
- والله يا زاريا دي قصة شكلها كدا زي ليالي الحلمية او مسلس مكسيكي .

11/ ابو حراز : اذا كنت شين جدا هل من حقي اتزوج ؟؟
- والله يا ابوحراز من ناحية من حقك دي ..من حقك ..لكن خافو الله في امة محمد ..البت ذنبها شنو تتبالي بيك ؟
- Khider : هو الشين الحب والعرس ليهو شنو ؟

12/ ابو حراز : قلنا نقرش لينا عضم في اجتماع جدة ..قرشنا زيتون مخلل
- والله ما عرفتها يا حروزة ..كان تمشي اجتماع القاهرة ..والله قالوا باقي الاكل رموهو في الكوشة ..سمحة المقدرة .

13/ alsangaq : دا اسمو شنو يا بورداب ؟
- دا اسمو بورد سودانيز اون لاين ...سلامة النظر يا عمنا السنجك .

14/ يحي بن عوف : الشتات ليس اختياريا للمثقف ولكنة شكل من اشكال الهجرة القسرية
- شتات يافرده ... والشات ليس اختياريا لمستخدمي المسنجر .

15/ ود الجزيرة : لعبة تحولت الي كارثة .
- عرفتها ليك ياود الجزيرة ...دا انقلاب الانقاذ

16/ Alsawi : شيري الحقيقية
- شيري عملو منها نسخة تانية ولا شنو يا الصاوي ؟

17/ SAdo7 : ساقوم بتمثيل البورد في قوانتانامو
- والمخرج ستيفن سبلبرغ والمنتج رجل اعمال خليجي

18/ قرشــو : يا جماعة والله دا كرهني البورد عديل كدا
- طوالي تبدا معاهو مرحلة الاغتيال السياسي يا قرشو

19/ بحر سماحة : حكاية بحر سماحة
ومحيط جمال ..وانهار ظرافة ..وترع و وجداول حكمة

20/ shiry : اريتو يا يمة راجل السجم والرماد
- اريتا يا يمة بت التاباني والياباني والتايواني

21/ Ahlalawad خلوه بت قضيم للحقيبة والدوبيت والفول المصلح واشياء ارخي مفيدة
- يا اهل العوض دي خيمة ولا محلات قدر ظروفك

22/ Yassir 7anna : وفاة سوداني واصابة 700 اخرين بحمي مجهولة .
- وفاة 700 سوداني واصابة احدهم بحمي بسبب الملاريا ....كل يوم

23/ مهاجر : ماذا يحدث لو اقمنا علاقة مع اسرائيل ؟؟
- مولود غير شرعي

24/ مهاجر : الرجل الذي تكرهه جميع النساء .
- ابو حراز سامع الكلام دا ولا اعيدو ليك ؟

25/ قرشو : شيلو شيلتكم بس .
- من باب شريف .

26/ MOHDY : ياتري ماهي التهم التي تنتظر القادة العراقيين امام المحاكم الامريكية ؟
- دعنا نجمع بالخيال قليلا ..ماهي التهم التي تنتظر القادة الامريكيين اما المحاكم العراقية ؟؟؟


ونواصل.....


تنقو