حيرتونا ....ممكن تفهمونا الصح شنو والغلط شنو !
صباح الخير .........سلامات وتحياتنا للجميع ... اها يا جماعة الخير (ممكن نسال ) وبين السائل والمجيب ...شنو ...يفتح الله وقبالها طبعا (الله اعلم ) ومن قال الله اعلم فقد افتى . طيب ... لو بتذكرو لمن عبد العزيز خالد (ربطو ) وعكشو فى دبى وساقوه الامارات والناس شبكونا ليك نشجب ونهين وندين قلت ليكم يا جماعة ويا اخوانا (هاتو من الاخر ) ووفروا الورق دا والحبر واكتبوا للرئيس (البشير ) عشان يلم القضية والمسالة تتحلى باخوى واخوك بدون (جوطة ) وحراق روح .. وكنت شخصيا محتج على الناس المصرة انو الخرطوم بتغلى وتفور وعاوزة (تتطرشق ) زعلة وغبينة على مسكت (ود العمدة ) ...القيامة قامت والناس جاطت ... ونزلت بوستات زعلانة قال شنو قال محمد حامد دا زول بتاع انشطة هدامة وعاوز يفرق شملنا الحزبى وينسف الوحدة ومس (رموزنا ) الوطنية !!!! سبحان الله .... اخوكم سكت وقلت يا زول مالك ومال المشاكل اها مر يا زمن و(شيل خت ) الزول مشى وجا ولكلامى ومرق من المعتقل بقرار من (البشير ) ومشى الحلفاية وعمل ليلة حاشدة الناس مرقت من (الحلة ) كسودانيين راجع ليهم ولدهم واستقبلوه بالدفوف والجو كان فائض بالمشاعر بتاعة الناس (الغبش ) والصادقة لمن الزول بكى ... طيب لغاية هنا كويس فجاة كدا يا جماعة الناس الزمان قالوا الزول دا مناضل شبكو ليك المسكين (باااااااااااع ) ودى كلمة كدا وصيحة شهيرة لمن تكون فى (كبارى ) وفريق (يفتح ) لفريق .. ونزلو ليك فى العميد شتيمة يا (بياع ) يا ما وطنى ولا (شعبى ) يا فعلتك يا تركتك ... ؟؟؟ والله حيرتونا يعنى شنو الكلام دا ما قبيل ما خليتو صفة ووصف حلو وسياسى الا وختيتهو عليهو (دبورة ) فوق كتفو هسة خلاص بقى زول (حكومة ) والبشير (لحسو ) ليك قروش يعنى . طيب عبد العزيز خالد ....خليناه .... نجى لمبارك الفاضل المهدى (البلدوزر ) دا لمن كان فى المعارضة كل ناسها يقول ليك (دا شفت ومناضل مقددا ) بس لمن مرق وجا الخرطوم ومعاه الصادق المهدى طلعو ليك (عواليق ) وما عندو ذمة و(جبجهجى ) مركب مكنة حزب امة وشايل ترخيص بتاع انصار ...سكتنا ... تانى مشينا قدام خش الحكومة طلعتوهو (عميل ) وزولها من زمان و(بضاعتهم ردت اليهم ) اها هسة لمن مرق من الحكومة و(طش ) بره فى ناس قالت ( دا الزول ) اى بركة الجيت بركة الجيت ........سمح انت وبسكويت ومناضل صنديد ... اها تانى مرقت اصوات (قريتها هنا دا ) قال قال مبارك الفاضل عمل مسرحية بس ومرق عشان يخترق المعارضة ويفرتكها من جوه ........ وقبالها نفس الشى حصل للدكتور لام اكول لمن مشى الحركة قال (كويس ) لمن جا رجع ودخل الحكومة قالوا ( هوان ) لمن مرق تانى ومشى للحركة قالو (مرسلنو ) شنو الحاصل ... خليكم من دا كلو نشوف السيد الامام الصادق المهدى دا لمن جا راجع نعتوه بكل العبر والشتائم - ناس المعارضة - ولى هسة كل يوم يقرصو بشى ..خلينا المهدى ونمشى الشريف وجماعته ديل قالوا هم ديكور وناس اشتروهم بالجملة ، طيب نخش على الصحافة ادريس حسن قالو صحفى ما وطنى وضد السودانيين والغلابة - كتبو الكلام دا هنا - واحمد البلال الطيب زول وهم وصحيفتو صفراء وناس الامن اشتروه حسين خوجلى دا ظلامى واى رئيس تحرير من فضل الله محمد لغاية سيف الدين البشير صحفى بيكتب وفى قلمو (لوحات صفرا ) يعنى حكومى ... وقس على هذا كثير من الشخصيات من مختلف الفئات عند ناس كتار فى المنبر ما وطنيين وما احرار وما عارف شنو . طيب يا جماعة يا اخوة يا كرام ممكن تثبتو لينا على راى عشان نعرف راسنا من كرعينا انتو الزول النظيف والمثالى والوطنى عندكم يكون ساكن وين ووصفو شنو ولونو شنو وكلو كدا (ملاح شنو ) ........ولا اقول ليكم رايكم شنو نحن السودانيون (الماجورين ) كلنا بالداخل نطلع من البلد دى نمشى السما ولا ندق راس فى المحيط ونخلى البلد دى خلا صى وتستوردو لينا سودانيين من ناس بره الوطنيين والمخلصين .. ولا شنو الشورة (عدل بواسطة محمد حامد جمعه on 12-29-2004, 02:04 AM)

العنوان	الكاتب	Date
حيرتونا ....ممكن تفهمونا الصح شنو والغلط شنو !	محمد حامد جمعه	12-29-04, 01:42 AM
Re: حيرتونا ....ممكن تفهمونا الصح شنو والغلط شنو !	Mahathir	12-29-04, 01:56 AM
Re: حيرتونا ....ممكن تفهمونا الصح شنو والغلط شنو !	Imad Khalifa	12-29-04, 02:03 AM
Re: حيرتونا ....ممكن تفهمونا الصح شنو والغلط شنو !	محمد حامد جمعه	12-29-04, 02:07 AM
Re: حيرتونا ....ممكن تفهمونا الصح شنو والغلط شنو !	khider	12-29-04, 02:19 AM
Re: حيرتونا ....ممكن تفهمونا الصح شنو والغلط شنو !	abuguta	12-29-04, 03:00 AM
Re: حيرتونا ....ممكن تفهمونا الصح شنو والغلط شنو !	haleem	12-29-04, 02:42 AM
Re: حيرتونا ....ممكن تفهمونا الصح شنو والغلط شنو !	محمد حامد جمعه	12-29-04, 03:04 AM
Re: حيرتونا ....ممكن تفهمونا الصح شنو والغلط شنو !	abuguta	12-29-04, 03:33 AM
Re: حيرتونا ....ممكن تفهمونا الصح شنو والغلط شنو !	محمد حامد جمعه	12-29-04, 03:41 AM
Re: حيرتونا ....ممكن تفهمونا الصح شنو والغلط شنو !	A.Razek Althalib	12-29-04, 04:13 AM

[رد على الموضوع]

صفحة 1 „‰ 1: << 1 >>

احدث عناوين سودانيز اون لاين الان

اراء حرة و مقالات	Latest Posts in English Forum
Articles and Views	اخر المواضيع فى المنبر العام
News and Press Releases	اخبار و بيانات

الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة

About Us
Contact Us
About Sudanese Online

اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين

News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums

If you're looking to submit News,Video,a Press Release or or Article please feel free to send it to [email protected]