|
أم فهــــد السعــــودية..وجارتــــــها السودانــــــــية
|
أول صحيفة سودانية تصدر عبر الإنترنت من الخرطوم - أسسها خالد عز الدين و محمد علي عبد الحليم -------------------------------------------------------------------------------- رئيس التحرير: طارق الجزولي تلفون: 0912201125 -------------------------------------------------------------------------------- [email protected] Last Update 16 December, 2004 07:51:58 AM -------------------------------------------------------------------------------- جارتي (أم فهد) .. والخرطوم عاصمة الثقافة العربية فتحية محمود حاج الفكي [email protected] ذهب الأبناءُ لمدارسهم .. وكعادتي كل يوم بدأت أعيد ترتيب الصالة التي تركها الأبناء بعد ذهابهم للمدارس .. تركوها مقلوبة راساَ على عقب.. ولكن رنّ جرس الباب فجأة ففتحته لأجد جارتي ( أم فهد ) في زيارة مفاجئه لنا ..ودار بيننا الحديث التالي:
أم فهد: صبحك الله بالخير يا أم مجاهد.
أنا: صبحك الله بالف خير يا أم فهد.
أم فهد: أقول يا ام مجاهد ..سامحيني على ها الزيارة ..ترى انا جيتك من غير خبر.
أنا: لا يا أمفهد أهلا بيكي.. وإنتي تزورينا في اي وقت يعجبك.
أم فهد: ترى أنا جاياكي أبقى أعرف صُح الأخبار السمعناها دي ؟
أنا: أي أخبار يا أم فهد؟
أم فهد: يقولون ها العام يسـوون عيد الثقافة عندكم..في الخرطوم ؟؟
أنا : آآي صحي ..السنه دي حتكون الخرطوم عاصمة للثقافة العربية .
أم فهد: زوجي بو فهد..وابني فهد يقولون هم ناويين يسافروا ديرتكم ..اصلو بو فهد قال بحب السودان والسودانيين.
أنا : شكرا يا أم فهد ..وأهلا بيهم في الخرطوم الف أهلا بيهم ..
أم فهد: بس في مشكلة أنا: كفى الله الشر .. مشكلة شنو؟
أم فهد: زوجي يقوول هو ما يفهم من حكيكم إلا (يا زول) و( شنو) و( آآي )..وما يدري إن كان يقدر يفهم الينقال في المناسبة ولا لا؟ ..وقاللي روحي لجارتك أم مجاهد وأجمعيلنا كم كلمة بالحكي السوداني ..عسى نقدر نفهم شي..ترى السودانيين ديل عفى عليهم.. خوش طيبين.. وبعد.. هم بدو مثلنا ..بس المشكله حكيهم مرة صعب مع انو عربي وعربي ميه ميه !!!!!
انا : لا يا ام فهد والله حكينا ما صعب بس انتو ما اتعودتو تسمعوه..
أم فهد: حِِنّا نفهم حكي المصريين من كترة المسلسلات ..ونفهم حكي الخليجيين منشان هم جماعتنا وديرتنا واحدة ..وصرنا نفهم حكي الهنود منشان هم عايشين معانا .. بس أخوانا السودانيين ( تًوْ ) سَوْولَهُمْ قناة فضائية .. للحين أُذنّا ما اتعودت تسمع سواليفهم .. دخيلك يا أم مجاهد خَبّرِي جماعتكم يراعوونّا شوي.. ترى ازواجنا وعيالنا رايحين ديرتكم ..وما نبغاهم يرجعوا وماهم فاهمين شي ..
أنا : أبشري يا م فهد ما يصير خاطرك وخاطر زوجك إلا طيب ..
وإلى هنا انتهى حواري مع جارتنا الطيبة أم فهد.
اليكم سادتي الكرام القائمين على برامج وترتيبات (الخرطوم عاصمة الثقافة العربية ) اليكم أهدي هذه الواقعة والتي أرجو أن تراعو من خلالها مطلب أبو فهد وإبنه في هذه القصة الحقيقية والتي تحمل جزءاً كبيرا من الحقيقة .. فكلما قللنا استعمال المفردات ( المحلية جدا ) .. وخصوصا في العروض المسرحية والأغاني الجماعية كلما كان وقعها على أذن المستمع العربي مألوفا ومفهوماَ..أما بالنسبة للتواصل العادي فلا أعتقد ان هناك مشكلة ..أخيرا أرجوألا اكون قد أثقلتْ ..ولكم تحياتي..
فتحية محمود حاج الفكي
أم مجاهد / السعودية
--------------------------------------------------------------------------------
|
|
|
|
|
|
|
العنوان |
الكاتب |
Date |
أم فهــــد السعــــودية..وجارتــــــها السودانــــــــية | omar ali | 12-16-04, 11:28 AM |
Re: أم فهــــد السعــــودية..وجارتــــــها السودانــــــــية | عبدالماجد فرح يوسف | 12-16-04, 12:38 PM |
Re: أم فهــــد السعــــودية..وجارتــــــها السودانــــــــية | محمد الامين احمد | 12-17-04, 03:40 AM |
Re: أم فهــــد السعــــودية..وجارتــــــها السودانــــــــية | omar ali | 12-17-04, 10:17 AM |
Re: أم فهــــد السعــــودية..وجارتــــــها السودانــــــــية | محمد الامين احمد | 12-17-04, 04:06 PM |
Re: أم فهــــد السعــــودية..وجارتــــــها السودانــــــــية | Bashasha | 12-17-04, 04:24 PM |
Re: أم فهــــد السعــــودية..وجارتــــــها السودانــــــــية | omar ali | 12-18-04, 10:08 AM |
Re: أم فهــــد السعــــودية..وجارتــــــها السودانــــــــية | محمد الامين احمد | 12-19-04, 12:57 PM |
Re: أم فهــــد السعــــودية..وجارتــــــها السودانــــــــية | محمد الامين احمد | 12-19-04, 01:02 PM |
Re: أم فهــــد السعــــودية..وجارتــــــها السودانــــــــية | omar ali | 12-19-04, 05:10 PM |
Re: أم فهــــد السعــــودية..وجارتــــــها السودانــــــــية | Imad Algadi | 12-19-04, 08:29 PM |
Re: أم فهــــد السعــــودية..وجارتــــــها السودانــــــــية | omar ali | 12-20-04, 07:48 PM |
|
|
|