|
Re: السودان الفريسة ...... (Re: Hisham Amin)
|
الاخ كمال عباس
التحية اولا وااسف لتاخرى فى الرد مشغوليات كدة المهم وبعد الاطلاع على ردودك توقفت فى بدايتها وقلتا اجيب لك الرد دة
Quote: دعنا نقوم بعملية جرد حساب بسيطة ونحدد المسؤولية من أنقض علي الديموقرطية والدورة البرلمانية تبقي عليها أقل من عام ؟؟ من رفض أتفاقية السلام السودانية 1988 والتي تمت بأيدي سودانية ومن دون أجندة أجنبيةوعاد بعدها يقبل بالتدويل؟ من كان يرددأن لاعودة للحزبية والطائفية وأن الديموقراطية لاتناسب واقعنا؟؟ من دفع القوي السياسية لحمل السلاح بقوله أنه لا يحترم ولا يفاوض الأمن يحمل السلاح؟؟ هذا بعضا من كشف الماضي .. |
طيب يا كمال عباس كلامك جميل جدا جدا لكن أنتا بتتفق معاى انة لكل فترة معطياتها وافعالها خصوصا فى السياسة ..... صاح؟ انا بديت كلامى وقلتا الوضع السياسى الراهن يعنى الان هذة المرحلة ولو سمحتا لى اوضح ليك الواحد ما بينفى الافعال السيئة و المشينة من كل الحكومات والاحزاب والمنظمات بل والافراد ولابينكر وجودها لانها واقع عايشنوا الناس وانحفر فى زاكرتا. طيب وبما اننا قلنا ان لكل فترة معطياتها معطيات الفترة دى وضعت السودان ككل فى وضع لا يحسد علية - اقتتال وفرقة بين ابناء البلد الواحد ودول مساندة لهذا الاقتتال وتعمل على تغذيتة وبكل الطرق لماذا لتجد موطىء قدم وانت اعلم بما اقول.. فى الماضى لم يكن السودان محط انظار الساسة او الامم المتحدة او الدول العظمى فعربد الحكام وصالوا وجالوا اما الان فقد اختلف الحال وصرنا تحت المجهر واى شاردة ولا واردة عليها مليون عين بتسجل فيها وبتقيم فيها . مرة تانية يا سيد كمال عباس نحنا مابننكر الخطاء الواقع لكن انا بقول وبما انة نحنا تحت المجهر كان المفروض من ساساتنا ورؤساء تنظيماتنا والاحزاب ان ينتهزوا الفرصة دى ويطالبوا بالديمقراطية وبشدة وانا متاكد انهم كانوا حيلاقوا اذن صاغية اقول اذن (جمع) ما اضان واحدة تسمع ليهم وتساندهم فى مطلبهم عارف لية لان الديمقراطية الان كلمتهم الرئيسية لكن تعال شوف .... وبغباء محكم اقول غباء محكم مشوا للاقتتال والفرقة والثروة وتقطيع اوصال الوطن وادوا الفرصة للطامعين فينا وفى خيرات بلدنا والغريب فى امرهم انهم مصدقين انه الفوز حليفهم ولكن هيهات عزيزى كل ما اريدة هو ان نفطن لبزور الفرقة الاتية على صهوة جواد اخضر العينين عزيزى كل ما اريدة هو ديمقراطية صحيحة تعيد الحق المسلوب وتقطع الطريق على الملعون وللحديث بقية
|
|
|
|
|
|
|
العنوان |
الكاتب |
Date |
السودان الفريسة ...... | Hisham Amin | 12-07-04, 05:27 PM |
Re: السودان الفريسة ...... | kamalabas | 12-07-04, 05:53 PM |
Re: السودان الفريسة ...... | zoul"ibn"zoul | 12-07-04, 06:35 PM |
Re: السودان الفريسة ...... | kamalabas | 12-07-04, 07:17 PM |
Re: السودان الفريسة ...... | Hisham Amin | 12-08-04, 04:51 PM |
Re: السودان الفريسة ...... | zoul"ibn"zoul | 12-08-04, 05:17 PM |
Re: السودان الفريسة ...... | kamalabas | 12-08-04, 05:52 PM |
Re: السودان الفريسة ...... | Hisham Amin | 12-09-04, 10:57 PM |
Re: السودان الفريسة ...... | zoul"ibn"zoul | 12-10-04, 07:09 PM |
Re: السودان الفريسة ...... | Hisham Amin | 12-11-04, 10:26 PM |
|
|
|