|
خواطر عائد من الغربة
|
بفتش ليك يا فرحة زمانى الفات ويا أمل الزمان الجاى بفتش ليك فى هجعةطيوراً شاردة لى موسم خريف رجـّاى بفتش ليك فى مغناى وفى الخاطر السرح فى الدنيا من تالاى وفى الوجع البحـّسو براى لقيت أثرك ملامحك بصمة فى جّواى ملونة بى ضياها رجاى مراكب شوقى فى شيمة زمان لاواى ضفافك غايرة فى هـّدام خصام كاواى وطبعك يمه ما الطبع القبيل هـّداى لا الطبع البنالى صباى ولا الوصيت عليهو جناى بحس بالغربة وإنتى حداى وسط ناساً يسرقوا اللقمة من فم الرضيع تاتاى و ناس تحلف بإسم المولى متناسية الغموس الجاى و ناس تخدع وناس تقلع وناس بالفرحةكاحلة رمش وناس الفاقة ليها فرش وناس آمالا فى كوم قش وناس تقلع هدوما تطش وناس بالغش يسرقو الدار تكوس بالأجرة للضـّراى وما بتشفعلك الوقفات مهما كنت يوم سـّواى قدر جيبك مكانتك تبقى عند الناس قليل الباقى عندو إحساس قليل الفرهدن شتلاتو روحو تشابى للأنفاس يشيل اللقمة لو هى شحيحة للبايت القوى المحتاس ويقش الدمعة يمحى الوجعة للهايم فى ليل بكـّاى منو البيسمع كلام الراوى ديمة يباعد الوسواس منوالقادر يشيل هم عزة سايقة الليل مع السـّراى منو البتذكـّر إسماعيل وقت قاليّنا وااااأسفاااااى
|
|
|
|
|
|
|
العنوان |
الكاتب |
Date |
خواطر عائد من الغربة | طه حسن عبدالله | 12-06-04, 11:51 AM |
Re: خواطر عائد من الغربة | سجيمان | 12-06-04, 12:08 PM |
Re: خواطر عائد من الغربة | طه حسن عبدالله | 12-07-04, 11:29 AM |
Re: خواطر عائد من الغربة | alfatih | 12-06-04, 03:37 PM |
Re: خواطر عائد من الغربة | طه حسن عبدالله | 12-07-04, 11:35 AM |
Re: خواطر عائد من الغربة | جمال السنوسي | 12-07-04, 11:43 AM |
Re: خواطر عائد من الغربة | طه حسن عبدالله | 12-07-04, 12:27 PM |
Re: خواطر عائد من الغربة | جمال السنوسي | 12-09-04, 02:17 AM |
Re: خواطر عائد من الغربة | طه حسن عبدالله | 12-11-04, 03:32 AM |
Re: خواطر عائد من الغربة | طه حسن عبدالله | 12-22-04, 02:01 AM |
|
|
|