|
Re: عضو جديد .. (Re: ali elhassan)
|
منقول اهدء للجميع هذه الابيات يا غــربـــة يا بكـايـــــة .. يا غشاشة .. يا مستهبلـــة تغــريـنــــا بدرهـم قــروش .. ووراه قنطـــار بهدلــــة جينــاك نقـعــد بس سنــة .. وحاجتنــا ناقصــة نكلمــــلا نبني البيــوت في العاصمة .. ونفــرش أثاثـهـا نجمــــــلا وكورولا حـارة نرسلـهــا .. أصلـو النقــل صار مشكلــة ونكمِّــل الـدِيــن بى مهــل .. ما السمحة جاهزة نحصـــلا غير القـروش اللي الأهـل .. عبــر الشهـــور حنرســـلا والباقي يـدخـل في البنــوك .. ونشـوف دبــَـارة نشغـــلا نـاس فكّـرت تجني العلم .. تبدأ الدراسـة تواصلا أحـلام كتيرة وشيقة .. وآمــال كبـيــرة مـدنكــــلـــــة لكن حساباتنا الغــلـــط .. في كــل عـــام بنرحـــــــلا مــرت سنين من العمـــر .. بنعــــزهـــا وبنفضـــــلا والحِسبــة وصلـت طـاشــرات .. إمكن نعيش وندبــــلا
وتعال نحاسبـك يا وهـــم من غيـر رقــم أو أمثـلـــــة كان للقروش .. نجري ونحوش .. لكن تقول بنشاكـــلا ما راضية تقعـــد في الجيـــوب .. وتقول حرامي بنشــلا لكـن بترقـد في الضهور بديـــون تقيـــلــة مطـــولـــــة ممحوقــــة ما بتقضي الغرض .. وأقــل حاجـــة تكمــلا كمــلانة بطحـــاء وحـق وزِن .. ومجـاملات مستفحلــة ضــرائـب أب عاج المشى .. وإلـزامي حمدي نحـــولا وأحلامنا ديك صبحت سراب .. نمشي ونجر ما بنحملا يا ريـت يكون هـم القروش .. يا غـربة فيك هو المعضلة لكن تعال شوف الهمــوم .. الما افتكــرنا نقـابـــلا ذلـة ومهانة واحتقـار .. خلــى النفـــوس متمـلـملــــة
سجنـا كبيــر .. فيهو الكفيل .. سجّــان قيــوده مكبلـة أشغــالــو شاقة ومـؤلمــة .. ودايمـا تكـون مستعجلة مـرض الضغـط والسكــري ومرض القلب ووجع الكلى مصران وقرحة وإكتئـاب .. ونفوسنـا ما متحملـــــة وبقيــنا فيـك كيمان لحــم .. تحت الهدوم متنــدلــــة وأكيـد حيكـــون .. أكل المعلب وأكل المجمّـد عاملا عدم الرياضة والكندشـن .. لابد يكــون ليــهــم صلـة
وكمان تعال لى معادلة .. ما قدرنا أصلو نعـدلا سجن العيال جوة الشقق .. ولا فـــراق العائلـة جيب العيال بى جيبنا مال .. وجيوبنا غيرو مميلة وصغارنا صبحت بالزهج .. متوحشــة ومتجفلـــة لا قادرة تدرس بى نفس .. من الدروس المذهــــلة تلقى الولـد غالبو الكلام .. والبت كبيـــرة مريـلـــــــــــة كل الضغوط جاتن سوا .. ما قدرنا حتى نقــلـلا في كل طرف تلقى القرف .. تلقى الخيوط متداخلـة أما الفراق أصل الوجع .. ومشاكلو بايتة ومقيلـــة
يا غربة أدينا كتير .. أدينــا خاطرك يسهـــلا خلينـا نرجع بالفضــل .. نلحق حياتنا نعــدلا آمالنـا فيك بدري انتهت .. إلا الرجول متوحلــة وبقينا زي أهل القبور .. لا البـرة عارف يدخــلا ولا الجوة يرجع لى وراء .. يحكي الحقيقة يوصلا لكن خلاص هان الخــلاص .. عــدِك نزل مهما علا
وإن شاء الله نودعــك .. وتكــوني ذكـرى نغازلا يا غربة .. يا بكايــة .. يا غشاشــة .. يا مستهبــلة
|
|
|
|
|
|
|
العنوان |
الكاتب |
Date |
عضو جديد .. | ali elhassan | 12-05-04, 10:12 PM |
Re: عضو جديد .. | المكاشفي الخضر الطاهر | 12-05-04, 10:17 PM |
Re: عضو جديد .. | ali elhassan | 12-05-04, 10:26 PM |
Re: عضو جديد .. | عشة بت فاطنة | 12-05-04, 10:30 PM |
Re: عضو جديد .. | ali elhassan | 12-05-04, 10:44 PM |
Re: عضو جديد .. | ali elhassan | 12-05-04, 10:48 PM |
Re: عضو جديد .. | ali elhassan | 12-05-04, 10:59 PM |
Re: عضو جديد .. | Fadel Alhillo | 12-05-04, 10:59 PM |
Re: عضو جديد .. | Raja | 12-05-04, 11:12 PM |
Re: عضو جديد .. | ali elhassan | 12-05-04, 11:16 PM |
Re: عضو جديد .. | ali elhassan | 12-05-04, 11:22 PM |
Re: عضو جديد .. | aboalkonfod | 12-05-04, 11:48 PM |
Re: عضو جديد .. | ali elhassan | 12-05-04, 11:57 PM |
Re: عضو جديد .. | ali elhassan | 12-06-04, 00:32 AM |
Re: عضو جديد .. | ali elhassan | 12-06-04, 01:40 AM |
Re: عضو جديد .. | إسماعيل وراق | 12-06-04, 02:35 AM |
Re: عضو جديد .. | ali elhassan | 12-06-04, 02:47 AM |
Re: عضو جديد .. | almulaomar | 12-06-04, 03:20 AM |
Re: عضو جديد .. | ali elhassan | 12-06-04, 03:35 AM |
Re: عضو جديد .. | فرح | 12-16-04, 09:54 PM |
Re: عضو جديد .. | فرح | 12-16-04, 09:57 PM |
Re: عضو جديد .. | فرح | 12-16-04, 10:00 PM |
Re: عضو جديد .. | فرح | 12-16-04, 10:02 PM |
Re: عضو جديد .. | ali elhassan | 12-16-04, 10:31 PM |
Re: عضو جديد .. | saif massad ali | 12-17-04, 01:13 AM |
Re: عضو جديد .. | ali elhassan | 12-17-04, 01:27 AM |
Re: عضو جديد .. | تراث | 12-17-04, 01:06 PM |
Re: عضو جديد .. | ali elhassan | 12-17-04, 06:56 PM |
|
|
|