|
خضر عطا المنان .. الليلة والليلة
|
يا جماعة الخير (مساء الخير ) بصراحة كنت بتفرج فى الكورة قبل شوية ......... مراقب المباراة قال الدخل (153) مليون جنيه سودانى ........بالله الناس دى نصيحة هسة جنس الكورة الشفتها دى على القسم ما تستاهل (تعريفة ) ... عك .. دارفورى وجرى والكورة طوالى معلقة فى السماء لمن تلزم الجابرة يكون واحد من الشباب ديل واقع فى الواطة وماشيين عليهو بكرسى متحرك زى (السرير ) ... المهم قلت ادخل المنبر و(افرق ) واستفيد لكن قبال ما اجلس واتابع وادخل عليكم بالبوستات جانى زميل وصديق وصحفى (ثقة ) علاقتو كويسة مع كل الاطراف وقال شفتا (sudaneseonline ) عملت شنو ؟ رديت مستغرب (والشمار كاتلنى ) عملت شنو يا تنقا ! قال لى حوار عبد العزيز خالد العملو خضر عطا المنان – احييك يا ابو خضرة – لخبط الدنيا و- الرواية لناقل الحديث – قالو ليك يا جماعة الاستاذ عمر عبد العاطى زعلان وفيلق المحامين المعاهو وكمان قالو فى ناس من التحالف زعلوا لان الكلام هبش (دولة الامارات ) الوصفهم العميد بالاجلاف وقالوا هسة فى دبى لو كنت من اعضاء التحالف وسالك زول انت لونك السياسى شنو قالو الزول ينط ويقول (لون زينب ) والمسالة جاطت وحتى الحكومة قال ليك لمن الناس سمعت انو المعتقلات فيها (شقق وموبايلات ) ناس كتار دقت صدرها وقالو (اربطونا ) وبيقو يتحرشو بالحكومة . يا جماعة الكلام كلو – غض النظر عن عاميته – حاصل هسة فى الخرطوم واكتر من كدا يا (عزيزى خضر ) قالو الحوار – ودا اتهام من مقربين من خالد بالخرطوم – قالو انت زدت فيه شوية (بهارات ) وانو كل المسالة كانت (دردشة ) عائلية بين العميد وافراد من اسرته فى امريكا . طيب نديكم (الخبر ) قالوا (ناس عمر عبد العاطى عاوزين يخاطبو الرئيس ووزير العدل عشان احتواء وطى ملف القضية ) ودا معناه .........قبول العفو الرئاسى ......... اها شن قولكم ... انا شخصيا بقول (العميد ) يقبل وما فيها حاجة وعادى جدا وما تشبكونا قتال حتى النصر واخواتها ... يا اخوانا لمو المسالة .. ولا شنو
|
|
|
|
|
|
|
العنوان |
الكاتب |
Date |
خضر عطا المنان .. الليلة والليلة | محمد حامد جمعه | 12-05-04, 11:09 AM |
Re: خضر عطا المنان .. الليلة والليلة | خضر عطا المنان | 12-05-04, 12:09 PM |
Re: خضر عطا المنان .. الليلة والليلة | ahmed haneen | 12-09-04, 11:03 AM |
Re: خضر عطا المنان .. الليلة والليلة | Saifeldin Gibreel | 12-09-04, 12:10 PM |
Re: خضر عطا المنان .. الليلة والليلة | غادة عبدالعزيز خالد | 12-09-04, 12:03 PM |
Re: خضر عطا المنان .. الليلة والليلة | Imad Khalifa | 12-09-04, 01:06 PM |
Re: خضر عطا المنان .. الليلة والليلة | Imad Khalifa | 12-09-04, 02:42 PM |
Re: خضر عطا المنان .. الليلة والليلة | Kostawi | 12-09-04, 03:13 PM |
Re: خضر عطا المنان .. الليلة والليلة | محمد حسن العمدة | 12-09-04, 05:01 PM |
Re: خضر عطا المنان .. الليلة والليلة | Saifeldin Gibreel | 12-10-04, 01:51 AM |
|
|
|