|
|
 Re: هل الأحزاب السودانية الشمالية قادرة على مواجهة توحد الجنوبيين خلف الحركة الشعبية ؟ (Re: محمد حسن العمدة)
|
الزميل محمد الاشرف كعادتك دائما تتمسك بطرف الحديث وتترك الجوهر كل الاسئلة دي ما لقت عندك اجابة ونقلت الاخير باعتبار انو كلام كيزان يا زميل دا اسلوب قديم في اتهام الناس بالكوزنة عفى عليه الدهر
هسع القال انك كوز منو
ما انا عارفك حزب امة
و لكن ده ما بنفى انك تردد نفس الدعاية الاعلامية التى كانت تبثها و سائل الاعلام لمحاصرة الحركة الشعبية بدلا من محاصرتها فكريا و سياسيا و لا انا غلطان فى الكلام ده
ثانيا ما تعتقده بان الحركة الشعبية( حتقطع اى اضان حمراء حايمة فى السوق العربى) ده كلام قصد به استعداء السذج من الناس و البسطاء و لا اعتقد انو مناسب ترديده فى محفل ثقافى و سياسى زى المنبر الحر
| Quote: اتمنى يا زميل ان يكون لك خطابك وفكرك التنظيمي الخاص بك بدل هذا التسكع الفكري في بوستات الاخرين .. متى تفرق هذه المناقشة العامة للحزب الشيوعي السوداني حتى يجد كوادره ما يقولونه وحتى تكون للحزب استغلاليته والانفكاك من شرور التبعية السياسية ورسومها |
هسع انت ذاتك ما متسكع
البوست ده حقك انت؟
و الله عاجبنى انت العندك شى بتناقش فيهو
بعدين المناقشة العامة دى احنا ما عاوزنها تنتهى لانها بتجدد فى حيويتنا باستمرار
و تدل على اننا فى تواصل دائم فكرى و سياسى بين القاعدة و القيادة
شى تانى
كوادر الحزب الشيوعى صالوا و جالو بالنقاشات الفكرية و السياسية و هم ليسو فى انتظارك حتى تحدد لهم ماذا يقولون و متى يقولون
و هم قالوا كلمتهم عندما كانت الكلمة رديف الاعتقال و التشريد
بتخيل لى كل واحد مفروض يعرف مقامه
| Quote: اتمنى يا زميل ان تكون لديك المقدرة على تواصل الحوار بحثا عن الحقيقة.. ولكن في ظل غياب منهج فكري محدد ينطلق منه الحزب الشيوعي لا اعتقد تمكنك من مواصلة اي نقاش في المنبر فسرعان ما تنزل التعليمات بعدم الدخول في اي حوار والاكتفاء فقط بالمناطق الرمادية التي تتيح الهروب في اقرب فرصة |
تعرف يا محمد العمدة
انا فعلا وقفت النقاش معاك فى بوست احمد امين و امانى السنى عن قصد لان نقاشك ( ارنبى) بتنط من حتة لحتة ووجدت النقاش معاك غير مجدى
و بطنى طمت منو لكن ما كنت عاوز اقول ليك كدة عشان ما تزعل
| Quote: وهنالك خندقان كما تحلو لكم التسميات خندق الحركة الشعبية والمؤتمر الوطني وخندق جماهير الشعب السوداني فباي الخندقين يحتمي محمد الاشرف او قل الحزب الشيوعي السوداني ؟؟ |
بعدين من البداية اتهمتنى بانى نفسى قصير فى النقاش و خشيت شمال طوالى الحزب الشيوعى وما ادراك ما اعضاء الحزب الشيوعى
و ذكرت لك انك لا يجب ان تتعامل مع الناس بانهم ابواق لاحزابهم
انا لا اتعامل مع زيد من الناس بانه كادر يحمل مهمة محددة فى هذا المنبر الحر
لذلك لا يحق لك التهجم على الناس بانهم كوادر الحزب الفلانى و العلانى
لا تتعامل فى هذا المنبر الحر بروح الحياة السياسية فى الجامعات و صخب اركان النقاش
فانا لست هدف لك
و انت لن تكون فى يوما ما هدفا لى لكى اصارعك
و الحق بك الهزيمة
و اخيرا الخنادق التى قمت بتقسيمها هنا انا لا اعترف بها
يعنى قاطعها من راسك ساى
و تجربة الحركة الشعبية ملك لكل السودانيين لكى ينتقدوها او يقفوا الى جانبها
بعدين الحركة الشعبية دى انا بعتبرها حليف لى
سمعت بحاجة اسمها التحالفات فى ادبيات الحزب الشيوعى؟
و هى تجربة متاحة للجميع و ليس بالضرورة ان اكون عضو بالحركة الشعبية كيما يكون لى الحق فى الدفاع عنها و عن برنامجها
و انت لست حكما و لا قاضيا لكيما تنصب نفسك موزعا للادوار
من الذى يتكلم عن الحركة الشعبية و من الذى لا يحق له الكلام
و الله انت فاكيها فى روحك جنس فكة
|
|
 
|
|
|
|
|
| العنوان |
الكاتب |
Date |
 هل الأحزاب السودانية الشمالية قادرة على مواجهة توحد الجنوبيين خلف الحركة الشعبية ؟ | garjah | 12-03-04, 04:03 AM |
| Re: هل الأحزاب السودانية الشمالية قادرة على مواجهة توحد الجنوبيين خلف الحركة الشعبية ؟ | محمد حسن العمدة | 12-03-04, 05:21 AM |
| Re: هل الأحزاب السودانية الشمالية قادرة على مواجهة توحد الجنوبيين خلف الحركة الشعبية ؟ | محمد اشرف | 12-03-04, 05:41 AM |
| Re: هل الأحزاب السودانية الشمالية قادرة على مواجهة توحد الجنوبيين خلف الحركة الشعبية ؟ | محمد حسن العمدة | 12-03-04, 07:11 AM |
| Re: هل الأحزاب السودانية الشمالية قادرة على مواجهة توحد الجنوبيين خلف الحركة الشعبية ؟ | محمد اشرف | 12-03-04, 09:53 AM |
| Re: هل الأحزاب السودانية الشمالية قادرة على مواجهة توحد الجنوبيين خلف الحركة الشعبية ؟ | محمد حسن العمدة | 12-03-04, 10:08 AM |
| Re: هل الأحزاب السودانية الشمالية قادرة على مواجهة توحد الجنوبيين خلف الحركة الشعبية ؟ | محمد اشرف | 12-03-04, 11:04 AM |
| Re: هل الأحزاب السودانية الشمالية قادرة على مواجهة توحد الجنوبيين خلف الحركة الشعبية ؟ | kamalabas | 12-03-04, 10:05 AM |
| Re: هل الأحزاب السودانية الشمالية قادرة على مواجهة توحد الجنوبيين خلف الحركة الشعبية ؟ | معتصم الطاهر | 12-03-04, 10:47 AM |
| Re: هل الأحزاب السودانية الشمالية قادرة على مواجهة توحد الجنوبيين خلف الحركة الشعبية ؟ | Adil Isaac | 12-03-04, 11:11 AM |
| Re: هل الأحزاب السودانية الشمالية قادرة على مواجهة توحد الجنوبيين خلف الحركة الشعبية ؟ | محمد حسن العمدة | 12-03-04, 11:19 AM |
| Re: هل الأحزاب السودانية الشمالية قادرة على مواجهة توحد الجنوبيين خلف الحركة الشعبية ؟ | محمد اشرف | 12-03-04, 11:41 AM |
| Re: هل الأحزاب السودانية الشمالية قادرة على مواجهة توحد الجنوبيين خلف الحركة الشعبية ؟ | garjah | 12-03-04, 11:48 AM |
| Re: هل الأحزاب السودانية الشمالية قادرة على مواجهة توحد الجنوبيين خلف الحركة الشعبية ؟ | محمد حسن العمدة | 12-05-04, 01:41 AM |
| Re: هل الأحزاب السودانية الشمالية قادرة على مواجهة توحد الجنوبيين خلف الحركة الشعبية ؟ | ود شاموق | 12-05-04, 01:51 AM |
|
| |
محمد اشرف
فيس بوك
تويتر
انستقرام
يوتيوب
بنتيريست