|
Re: سالم ود السّما (Re: omer almahi)
|
...........الليلة يوم كم في شهر خمسة ؟ ...........يوم ستة ... ...........النّطح دخل . كلّم الجماعة يحفروا البير ، بير النطح مويتو ما بِنقَطَ . ..........الليلة يوم كم في شهر سبعة؟ ..........واحد وعشرين. ..........النترة دخلت .ازرعوا البلدات . ..........يوم عشرة . .........مضت ستة يوم في سعد ذابح ، أغرسوا بَصَل الدُخري .لهم خبراء في هذا التقويم يحددون التوقيت الذي يزرع فيه كل محصول . .........خالي الزبير ود الطيب !باكر ماشي أزرع البطيخ . .........لا تزرع باكر .. اصبر خمسة يوم لا من تدخل عصاة الموية .. كان زرعت باكر بطيخك بطلع دَقَل (صغر الحجم ) ........ جدي بله ود على ! بصلي بدا يعفن ! .........لأنك زرعتو قبال سعد الأخبية . طلع كبار لكن ما صبر .ودية . السوق وبيعو بما فتح الله ! ........عمي مصطفى ود جمعة ! بقرتي جابت ليها عجلة ميتة ! لأنك عشّرتها في عريج وولدت في النطح .البهم ما حمل الحر ومرق ناقص الله يعوضك ، الجاتك في مالك سامحتك . استشارات هؤلاء الحكماء لا تخيب أبداً ، وحتى بعد قيام مشروع الجزيرة ومجيء الخبراء الزراعيين فإنهم كانوا حريصين على ألا يختلفوا معهم . ..........يا حاج ! أزرع الذرة بين صفوف الطامطم عشان يوقيها من حر الشمس . ...........يا افندينا .... حر الذرة أكعب من حر الشمس . بالإضافة لي كدي الذرة بينقل للطماطم مرض العسلة والبياض ! .........يا حاج كلامي دا كلام عِلِم وكلامك دا جرّب تخرب ! ..........عشان خاطرك يا ولدي بسوي كلامك .. لكن اكان تجيب ليها حبة طماطم دي تسوي المريسة في الإنداية . وأمسك الشيخ بلحيته التيسية البيضاء الخفيفة بيده اليسرى . المريسة نبيذ يصنع من الذرة والإنداية هي مكان صُنع وبيع المريسة .
|
|
|
|
|
|
|
العنوان |
الكاتب |
Date |
سالم ود السّما | omer almahi | 11-27-04, 03:20 AM |
Re: سالم ود السّما | omer almahi | 11-27-04, 03:33 AM |
Re: سالم ود السّما | omer almahi | 11-27-04, 04:50 AM |
Re: سالم ود السّما | omer almahi | 11-27-04, 06:11 AM |
Re: سالم ود السّما | omer almahi | 11-27-04, 10:39 AM |
Re: سالم ود السّما | omer almahi | 11-27-04, 12:34 PM |
Re: سالم ود السّما | omer almahi | 12-10-04, 06:16 AM |
Re: سالم ود السّما | omer almahi | 12-10-04, 09:10 AM |
Re: سالم ود السّما | Abdel Aati | 12-10-04, 03:42 PM |
Re: سالم ود السّما | omer almahi | 12-11-04, 00:28 AM |
Re: سالم ود السّما | omer almahi | 12-11-04, 11:37 PM |
Re: سالم ود السّما | omer almahi | 12-12-04, 00:55 AM |
Re: سالم ود السّما | omer almahi | 12-14-04, 00:11 AM |
Re: سالم ود السّما | omer almahi | 12-15-04, 00:23 AM |
Re: سالم ود السّما | omer almahi | 12-18-04, 10:21 AM |
|
|
|