|
|
 Re: الكلام ده صاح يا جماعة ولا انا خرفت زي حبوبة سجيمان (Re: aosman)
|
الاخ سجيمان
حبوبتك دي انا ما طريتها الا بالخير وما نضمت فيها تب وكفاية هي حبوبتك تاني بنقدر نقول حاجة
البوست بتاعك العجيب داك جيت داخلو وجاري جاري لمن نسيت فردت شبشبي بره ودخلت واندسيت, عملت لي ساتر بي بوست تاني وقعدت اتفرج في الناس الداخلة والمارقة, شمهروش خت كراع فوق كراع وولع ليهو سجارة وجاب كباية شاي وفتح البوست, ولمن قرا كلامك كشح كباية الشاي وطفى السجارة وقال يخس عليك يا سجم الرماد انت, لكن ود الشيخ لمن جاء داخل بعمتو ما قدرت اكتم الضحكة وفكيتا ليك لمن البوست قرب يتفرتق لكن بيني وبينك هرشني هرشة لمن خلاني افتش في فردة شبشبي وما القاهو
اخوي ابو النفت
ما شايف الاخ عمر الماحي قال كتب ليهو كلام ما قدر يفهمو الله يستر احسن الحق نفسي قبل ما الحق حبوبة سجيمان
الاستاذ العزيز خضر
انا خليت البورغ بس بعد مرات بنسى نفسي وبتخيل لي لسه انا قاعد فيها واقوم افتش في محطة البص و ما القاهو
الاخ انا زاتي ام در
ابداع لكن فعلا هل في حكومة في السودان بس يا ربي البشير ده يكون رئيس حكومة ولا رئيس شنو
انت عارف مرة واحد صاحبي سئلني قال لي رؤساء الدول العربية ديل لو ما بقو رؤساء دول كانو حيبقو شنو قلت ليه احتمال يكونو نجارين قال لي لا حولة سلامة النجارين, ديل كلهم كانو حيكونوا رؤساء عصابات بتاع نهب مسلح
الاخ عمر
خليت ليك رد في بوستك بس عليك الله تاني ما تحمر لي زي ده انا بهرش بسرعة
|
|
 
|
|
|
|
|
| |
aosman
فيس بوك
تويتر
انستقرام
يوتيوب
بنتيريست