|
Re: يجب أن نعترف بنعصـــريتنا.......... وهذا هو الســـــبب (Re: omer almahi)
|
قريبى عمر الماحى
تحياتى
زمان بدخل علي بوستاتك.. لكن لما بقيت رغم فى البورد قلت خليه يحوشهم لى من ناحية كاب الجداد وانا احوشهم ليك من ناحية ود الشاطر.... ياقريبى كدى اتجراء يوم وامشى قول داير دينكاوية..والله يحلك الحل بله..وبله دا جدى لكن ما اتذكر وقع فى ورطة...القصة دى مشهرورة وربما حصلت لعمك او ربما معمولة للخروج من الورتاط التى تقع زى دى...عموما فى منطقتنا ما فى جنوبين ..الموجدين كلهم فلاته وزغاوة وخلطة بين العربة والزغاوة...او نوبة جبال ...ومنحصرين فى كنابيهم ومحتفظين بعلاقاتهم الحميمة مع ناس البلد وتبادل مصالح.. من زراعة ورعى وتجارة..وما سمعت بيوم من الايام واحد قال عاوز يتزوج من العرب...ولا واحد من العرب قال عاوز يتزوج منهم نعرفهم ويعرفونا حتى الان فى الغربة يسكنون معنا فى جمعية واحدة...هنالك اقرب مما ذهبت اليه نحن عندنا حى دناقلة بتكون من اكثر من 150 منزل..ولم اسمع او ارى واحدا من حينا الجنوبى تزوج منهم....على الرقم من علاقاتنا الحميمة والحميمة خالص....فموضوع الزواج دا يعتمد على الاسرة والاهل وعلاقات القبيلة...اسى انت لو مشيت الشرق وقلت عاوز تهبش ليك بنى عامرية الله قال بقولك...او مشيت السوكى وهبشت ليك اممبررو...دا كلام تانى....او مشيت بور وقلت كدا حبيت واحدة من الغزال الابنوسى ..والله لو جبت بقر السودان بوزارته مافى ليك طريقة.....فهذه قوانين وقواعد عامة..فزولك الذى اتلح عمك دا داير شبك ساى....هو عارف النيجة.... عندنا زميلنا وودحلتنا..بقى انصار سنة..ابوه مننا وامه خادم عرب على قول اهلنا ناس الجزيرة اها الزول دا امام جامع وخطيب ....كان بصلى بالناس فمر عليينا رجل كبير على حد زعمه ان ام صاحبنا كانت امها خادم لجده...فقال له بالحرف والواحد وسط جمع الناس يوم الجمعة..هل تجوز الصلاة خلف العبد؟؟؟؟ فاندهش الناس من كلمة هذا الرجل الشيخ...فرد عليه صاحبنا ..عبد زى كدا فاهم ومتفقه تجوز الصلاة خلفه ولكن شيخ عرب جاهل زيك كدا لا تجوز الصلاة خلفه...فخجل الرجل وتوارى خلف الحيطان...وانسحب من الجامع...اها الليلة صاحبنا اكبر عالم فى المنطقة...وشيخ العرب بقى يصلى خلفه الى ان مات..وصلى عليه ودعا له...اخى عمر هذه النعرات لا تحارب الا من فهم الجانبين لوضع بعضهم البعض....ودا واقع عندنا انا لم اتى لك بجديد ولكن تحصيل حاصل انت ادرى به منى.....فنحن احسن من غيرنا ياعمر فى احترام مشاعر الاخر وخالك ودقاسم كتب فى هذا الموضوع كتير.... ولك ودى
|
|
|
|
|
|
|
العنوان |
الكاتب |
Date |
يجب أن نعترف بنعصـــريتنا.......... وهذا هو الســـــبب | omer almahi | 10-07-04, 02:20 AM |
Re: يجب أن نعترف بنعصـــريتنا.......... وهذا هو الســـــبب | abuguta | 10-07-04, 03:18 AM |
Re: يجب أن نعترف بنعصـــريتنا.......... وهذا هو الســـــبب | omer almahi | 10-07-04, 06:19 AM |
Re: يجب أن نعترف بنعصـــريتنا.......... وهذا هو الســـــبب | ياسر مكاوي | 10-07-04, 07:15 AM |
Re: يجب أن نعترف بنعصـــريتنا.......... وهذا هو الســـــبب | omer almahi | 10-07-04, 07:41 AM |
Re: يجب أن نعترف بنعصـــريتنا.......... وهذا هو الســـــبب | شمهروش | 10-07-04, 07:44 AM |
Re: يجب أن نعترف بنعصـــريتنا.......... وهذا هو الســـــبب | omer almahi | 10-07-04, 08:30 AM |
Re: يجب أن نعترف بنعصـــريتنا.......... وهذا هو الســـــبب | nour tawir | 10-07-04, 06:15 PM |
Re: يجب أن نعترف بنعصـــريتنا.......... وهذا هو الســـــبب | omer almahi | 10-08-04, 03:30 AM |
Re: يجب أن نعترف بنعصـــريتنا.......... وهذا هو الســـــبب | shawgi badri | 10-08-04, 08:42 AM |
Re: يجب أن نعترف بنعصـــريتنا.......... وهذا هو الســـــبب | محمد الامين احمد | 10-08-04, 08:54 AM |
Re: يجب أن نعترف بنعصـــريتنا.......... وهذا هو الســـــبب | omer almahi | 10-09-04, 01:34 AM |
Re: يجب أن نعترف بنعصـــريتنا.......... وهذا هو الســـــبب | شمهروش | 10-09-04, 01:42 AM |
|
|
|