الفاتح جبرا .. في ذمة الله
نعى اليم ...... سودانيز اون لاين دوت كم تحتسب د. الفاتح يوسف جبرا فى رحمه الله
|
حـب فـي المنـفـى **
|
حبي ليك ما حب خرافي عايشو في قلب المنافي رغم بعدك والتجــافي وبيني بينك من مسافي الا انك في شــــغافي وعمري جواك بحر صافي يابلد ناسن عزاز كم تشتتو في المنافي ولسه حبك في قلوبن هو....... هو رغم بعدك والمسافي **
يا بلد حبي الخرافي ليك بسجل اعترافـي انك انتي أيوا انتي أنتي يا نبع التصافي لو نضمتي أو سكتي عني غبتي او حضرتي جوا في اعماقي نمتي حاضنة نيلك والمرافي **
حبي ليك ما حب خرافي عايشو في قلب المنافي شعرة ما اهـتز مـرة رغم عيشة الغربة مرة والدم السال من رعافي ومهما قهرك اســـتمر بكرة تنهضي .. تبقي حرة وليكي احبي أجيكي حافي وهاكي سجلي اعترافي أنو زيك اصلو مافي **
أنتي زيك اصلو مافي مـــافي .. مــافي مافي ضمة أنتي يابا وياكي يمة نور بسطع في الضلمة وطفلة ترضع في ملمة وسايقة أمة ماسكة للمجداف تكاتل والجسيم هارساه حمى بى عناد الريح تعاكس والغبار حوليها غمة وبرضو ماهماها ضمة لو عليها الموج دا لم وسافرت في قاعو ضمة**
انتي ياكي الباقية يمة ضي كفاحي ونور صلاحي زاد خريفي .. وصوت هتافي تقهري الليل العنيد بى ارادتن من حديد لا بتهابي .. ولا بتخافي رغم جـرحك والصــديد وليك زمن ما شفتي عيد تصـحي باكر من جـديد وتبقي عافي وناس عوافي رمز أمة .. وحب خرافي في قلوب ناسن تعزك كم تشتتو في المنافي وكم تشتتو في المنافي **
*********************** خضر عطا المنان
أبوظبي 14/7/1994م *
|
|
|
|
|
|
|
العنوان |
الكاتب |
Date |
حـب فـي المنـفـى ** | خضر عطا المنان | 09-17-04, 03:39 PM |
Re: حـب فـي المنـفـى ** | samwal ebrahiem | 09-17-04, 09:09 PM |
Re: حـب فـي المنـفـى ** | خضر عطا المنان | 09-17-04, 10:11 PM |
Re: حـب فـي المنـفـى ** | Ehab Eltayeb | 09-17-04, 09:30 PM |
Re: حـب فـي المنـفـى ** | خضر عطا المنان | 09-17-04, 10:17 PM |
Re: حـب فـي المنـفـى ** | هشام مدنى | 09-18-04, 00:04 AM |
Re: حـب فـي المنـفـى ** | خضر عطا المنان | 09-18-04, 01:26 AM |
Re: حـب فـي المنـفـى ** | almulaomar | 10-13-04, 01:43 AM |
Re: حـب فـي المنـفـى ** | Dr. Moiz Bakhiet | 10-13-04, 02:11 AM |
Re: حـب فـي المنـفـى ** | خضر عطا المنان | 10-13-04, 06:43 AM |
Re: حـب فـي المنـفـى ** | خضر عطا المنان | 10-13-04, 06:32 AM |
Re: حـب فـي المنـفـى ** | samwal ebrahiem | 10-13-04, 02:36 AM |
Re: حـب فـي المنـفـى ** | خضر عطا المنان | 10-13-04, 06:54 AM |
|
|
|