البركان المريخى ينفجر!قوات الردع بقيادة الطوربيد العجب تدك حصون الهلال

Quote: جيب من جوه يا معز حسن محجوب متعة المتعة ان تشاهد الكرة تتهادي داخل الشباك الزرقاء00 وتزيد البهجة عندما تولع سجارة وان تشاهد حارس عرين الهلال وهو مبطوح علي بطنه وهو ينظر الي الكرة بتحسر. فرحة لاتقاوم00 حارة حارة00 الماضاق حرقة الحشا يشوف الهلال يتجندل من المريخ00 لازال الكثير يولولون ويجقلبون والمكتولة مابتسمع الصيحة00 ماقلنا ليكم دا شهر المطلشة والممرطة00 انتو شفتو حاجة! المنطق والعقل يقول بان الهلال سوف يتعرض اليوم لهزيمة ساحقة في بورتسودان وبعد الهرشة التي هرشها لهم الحيدوسي واصفا لهم بانهم متقاعسين فاقدين للروح القتالية وماعندكم كورة بقرش والاخيرة دي من عندي00 فالدلائل تؤكد بان لاعبي الهلال مفزوعون ومرعوبون واصابتهم عقدة اللون الاحمر واصبح الواحد فيهم تصيبه حالة من الرجفة والرهبة اذا سمع كلمة «ابوحشيش». المؤشرات تشير الي ان هذه الحالة سوف تستمر في بورتسودان وحتي عودتهم لملاقاة الاشانتي كوتوكو اللهم لا نسالك رد القضاء ولكن اللطف فيه. اليوم يعود مريخ السعد ومفخرة البلد لمغازلة المستديرة يعود المريخ اليوم لملاقاة القراقير وهو في كامل نشوته وفرحته يعود اليوم بقيادة سلطان عجبنا في مباراة المتعة00 اليوم ندعو جماهير المريخ لمشاهدة عروض السامبا البرازيلية ولا اريد ان افسد متعة المشاهدة ولكن متأكد بان جماهير المريخ اليوم سوف تستمتع حد الثمالة بعودة فرقة الرعب المريخية 00 فالي استاد الخرطوم. ü ان سايد قفزت من المقصورة فرحا فانخلع «غضروفي» من السلسلة الفقرية ولم احس بالالم الا في اليوم التاني00 انه المريخ وكفي0 مليون غضروف فداء المريخ ولاشنو يا صديقي محمد الامين علي!! اذا كنت انا غضروفي انخلع من مكانه المعز ياربي يكون حصل ليه شنو!!؟ عافي منك ياعجب ياعجيب ووريتنا الحربشة والفركشة مباراة اليوم هي مباراة لاعبي الصف الثاني المريخي00 وقلبي يحدثني بان فيصل هارون سوف يفتتح مهرجان الاهداف. جوليت رفض الرجوع الي البيت0 وفي بورتسودان يكرم الهلال أو «يهان»! مسمار00 والله حار!! تهنئة للشباب المريخي الوثاب وهم يقفون خلف اذاعة المريخ الداخلية وليد شهلابي وعبدالعظيم كزام. ادفع نصف عمري واشوف رقصة ضقل ياعمرابي0 خالد الزومة هو الحصان الاسود لمباراة اليوم. الشكية لغير الله مذله00 قال ايه عايزين يشتكوا درمة! تكفينا شهادة حسن فاروق في عدالة درمة معقولة بس اخطر هجمة علي المريخ نفذها المعز محجوب حارس الهلال00 هكذا كتب عوض احمد عمر!! القراقير سوف ترجع المياه بعد ربع ساعة فقط من بداية المباراة0 قالوا الجماعة نازلين في الهيلتون فريق ملطشة زي دا حقوا ينزلوهم في ميز ترب هدل. قال ايه مرق وبدرالدين لن يرافقا الهلال لبورتسودان ولو فرضنا رافقوهم يعني شنو!!؟ كتب احمد دولة ثلاث سنين وانا في العذاب الحي ان شاء الله يبقوا عشرة! جيب من جوه يامعز0 ده كده طيب كيف لمن تعود صواريخ زكريا وابداعات السعودي الحريف.؟ نشتكي مانشتكيش00 نشتكي مانشتكيش00 نسكت لكن الغلب حار وكمان مسمار ولو ما دايرو كان بيكون في دكشمان0 واعلنت ضحكة صديقي قسم خالد الحداد التام! وياحسن عبدالسلام اديلو كمان!! النصيحة والله الغلب حار! خمسة مليون حته واحدة يا «كلبظة» شيك ولا كاش!! ياربي الحمي درجة حرارتها كم؟