|
Re: غازي صلاح الدين :- كيف تفعلون بنا هذا ايها الأوغاد!!!!؟ (Re: ahmed haneen)
|
الاخ احمد اشكرك علي مجهودك لنقل هذا الموضوع هنا لاضطلاعنا عليه.
طبعا دا موضوع ( غريب ) جدا.
السيد غازي يكون نسي انه ( رئيسه) مقدم دعوه مقتوحه للسودانيين بأنه العايز السلطه ( يجيب بندقيته)، أو يتوب ( ويغتسل ) في البحر الاحمر.
بعدين الجديد شنو ( ما هي الحكومه ( مصره) انه ناس التجمع ما يشتركوا ـ بل مستكترين عليهم ( حتي ال 16%) والله، ( فيما نعلم) لولا اصرار الحركه الشعبيه علي مشاركتهم، ال 16 % الحكومه ما قبلانه بيها. والحكومه لحد امبارح بتتكلم عن ( تحالف استراتيجي) بينها وبين الحركه الشعبيه ( والباقين في ستين). طبعا الحكومه كانت معلنه ( انها مابتفاوض الا الشخص الذي يحمل السلاح)، غازي تحديدا كان بقول الكلام ده وقالوا اكثر من مره في مقابلاتوه الكثيره في برنامج الواجهه.!!! هو طبعا مفتكر انه الناس بينسوا. والله نحن ياسيد العتباني ما نسينا. بل نحن بنتذكر تماما انه العتباني كان اكثر شخص مصر علي فركشة التجمع، وهو الشخص المسئول عن خروج حزب الامه من التجمع، وكان هو الشخص الذي مهد لعودة الصادق للخرطوم، قي استراتيجيه كان الغرض منها فركشة التجمع. الان هؤلاء الجنجويد حسوا فقط انهم أصبحوا في حالة تصادم ( مباشره) مع الغرب والبلد حقيقة مهدده بغزو اجنبي ( ماثل) ( الجيش الفرنسي داخل الحدود السودانيه) وهو بمثابة رأس جسر لدخول القوات الاخري، وطبعا هم مامكن يصدقوا كلامنا دا، المعارضه ليها زي (مليون ) سنه بتقول انه ما يفعله هؤلاء الجنجويد من شأنه أن يعرض البلاد لاخطار (كبيره!!!)، كان ردهم انه المعارضه عميله ومتحالفه مع ( الشيطان) ( كلام مصطفي عثمان) كم كاتب سوداني وكم سياسي طلب منهم انه يقعدوا مع الناس ويحلوا مشكلة البلد قبل الطوفان، لكن ركوب الرأس والكذب الغير مسئول، وناس كتيرين جدا كلموهم انه لو ما عملوا حسابهم وقعدوا مع الناس حا يصبيهم الصاب افغانستان والعراق، والكلام دا الامريكان اعلنوه بعد أحداث سبتمبر مباشره. وكان اعلنوا ان استراتيجيتهم ستبداء بافغانستان ثم العراق ثم السودان، دا كان في 2001، لكن الجنجويد بفتكروا انهم اشطر من العالم كلوا وشعارهم المعلن طبعا ( فالترق كل الدماء) ما يستطيع ان يستخلصه الانسان من المعلومات المنشوره في معظم الصحف العالميه او التقارير المختلفه بتقول انه حكومة الجنجويد سيتم اسقاطها سلما أو ( حربا) قبل اكتوبر القادم. تاني بنقول للجنجويد ( اقعدوا ) مع السودانيين وجنبوا البلاد الويلات، وكلامك دا ياسيد العتباني ( قولوا لناسك، ولو ماسمعوه تعال في المعارضه )، ودا موقف يمكن يحسب ليك. تاني بلغناهم، اللهم فاشهد!!!!
عسكوري
|
|
|
|
|
|
|
العنوان |
الكاتب |
Date |
غازي صلاح الدين :- كيف تفعلون بنا هذا ايها الأوغاد!!!!؟ | ahmed haneen | 08-01-04, 00:11 AM |
Re: غازي صلاح الدين :- كيف تفعلون بنا هذا ايها الأوغاد!!!!؟ | ahmed haneen | 08-01-04, 08:55 AM |
Re: غازي صلاح الدين :- كيف تفعلون بنا هذا ايها الأوغاد!!!!؟ | Asskouri | 08-01-04, 09:50 AM |
Re: غازي صلاح الدين :- كيف تفعلون بنا هذا ايها الأوغاد!!!!؟ | ودقاسم | 08-01-04, 09:13 AM |
Re: غازي صلاح الدين :- كيف تفعلون بنا هذا ايها الأوغاد!!!!؟ | أبو ساندرا | 08-01-04, 09:38 AM |
Re: غازي صلاح الدين :- كيف تفعلون بنا هذا ايها الأوغاد!!!!؟ | Mohamed Adam | 08-01-04, 12:24 PM |
Re: غازي صلاح الدين :- كيف تفعلون بنا هذا ايها الأوغاد!!!!؟ | Mohamed Adam | 08-22-04, 03:00 PM |
Re: غازي صلاح الدين :- كيف تفعلون بنا هذا ايها الأوغاد!!!!؟ | ahmed haneen | 08-05-04, 04:06 AM |
Re: غازي صلاح الدين :- كيف تفعلون بنا هذا ايها الأوغاد!!!!؟ | ABUHUSSEIN | 08-05-04, 07:24 AM |
Re: غازي صلاح الدين :- كيف تفعلون بنا هذا ايها الأوغاد!!!!؟ | ahmed haneen | 08-05-04, 12:27 PM |
Re: غازي صلاح الدين :- كيف تفعلون بنا هذا ايها الأوغاد!!!!؟ | Amjad ibrahim | 08-05-04, 03:23 PM |
Re: غازي صلاح الدين :- كيف تفعلون بنا هذا ايها الأوغاد!!!!؟ | برير اسماعيل يوسف | 08-23-04, 02:46 AM |
|
|
|