|
|
 Re: تماضر شيخ الدين تعتزل المنبر (Re: ودالعباسية)
|
قاااااااءعدة...زى الهمزه على السطر الشايفنها دى
قاااااءعدة ومتمحنة..فى عهرى وانطلاقتى وانطلاقة بتى..وسقوطى
حتى قالوا دنقرت وشهم...
صبرت قلت امكن وشهم يترفع ويكفوا عن الابتزاز والتهديد وانتهاك الخصوصية..
ومستغربة من حرامى ينط من فوق للقفص الصدرى..بتاع انسان تانى ..ويقول للناس لقيت عنده قلب..بيدق؟
ولو فى زول بفتش فى ملابس الناس الداخلية...حيلقى شنو؟؟
صبرت عليهم ..وقلت بيرجعوا..للحق..
لكن
مازادوا الا غيا..
اتذكرت شخصية شايكوفسكى . الرجل...المعدم الكان ماشى فى الشارع مطأطىء راسه ..من شدة املاق..فعثر على قرش ..ومن يومها لم يعد يرفع راسه عن الارض..فالذى يبحث عن كل ماهو (اسفل) وشو بدنقر...
لكن يا اصدقائى الافاضل..
قول ليهم قسما عظما
وحياة الله المعبود بالحق
وحياة ناسى..الامنوا بشخصى المتواضع ووقفو معاى
ولما اقول ناسى بقصد ناس بسكنوا فى ارجاء الارض واركانا
ناس بحملوا فكرة بتؤمن بالانسان..وكرامتو محل ماكان
وحياة بوسة يسرى ..ذات العشرة سنين..بترسلها لى من اسبانيا وما بقدر افرد طرف رئتى واتلقاها
وحياة الغم.. القسمنا.....الاتسرب فى اطمئناننا ..
وحياة سيرين التوزن مليون من نوعهم..لو فيهم حاجة بتوزن..
وحياة اهلى الدم ..واهلى..المن تالا الهم
وحياة قبر امى الماتت بى شوقها...علينا..ماتت دمعتا فى عينا..
وحياة فخرى البيك يا شيخ الدين..
وحياة العرق البخدم بيه كرامتى وانسانيتى ..واولادى
وحياة الحب..والخير والتكريس العايشة عليه للفن..والناس والحب والخير
وحياة السودان العايش جوا..الشريان...بعد ربانى
وحياة اطفال دارفور..
وقضية كل كريم ..فى وطن المليون جرح مربع
.....
...
..
وحياة..الله واسمو الاعظم..
انا مابسقط..يسقطوا هم...
وانا ما مطلوقة..ولا "طلقانة" ...
بسقطوا هم..
اى ..امكن اموت..
واصلى بموت...
امكن يقدروا يهزموا ...جسدى الفانى
لوبمقراض.. بيوت اشباح "النت" ينتفوا جلدى...ويمصوا الدم..
لكن ما بسقط..يسقطوا هم..
انا.. كل الناس المتراصة فى صف المستقبل..
انا... كل الناس الجارة الدنيا على قدام...والهم دايرنها تحتل
انا كل الناس الواضحة..وناصحة ...وتتفتق فكرة وصورة وغنية ومسرح ..وضو
انا كل الناس الشايلين بطاريات فى كهف العصر الحجرى ..ودايرين يقطعوا بهناك...
حيث الوعى ..
حيث حقوق الناس محفوظة..
وحيث ..عيونهم مفتوحة..وحيث رؤوسهم مرفوعه وشامخة
زى اعلى التل
وحياة اسم الله الاعظم انا ما ساقطة ..ولا عاهرة ولا مطلوقة
ولا بسقط..
...
واخيرا اقول ليك يا مجرم
انا وانت ..زى .. العصفور والبصقة
لو فكيت عصفورة وبصقة ..البمشى لاعلى منو.
ومنو البسقط لى .. اسفل؟
_____
اعزائى اعضاء وقراء سودانيز اون لاين...
تحياتى الحارة
اشكركم على سؤالكم عنى
وانا ما بعتزل
ها انذى اعود.. صفا واحدا معكم...انا وانتم نسورا فوق صخرة شماء
وانا فى حل عن كل رسائلى الخاصة...التى عبثت بها اياديهم الدنسة...وعقولهم الخاسرة
ارجو الا تستجيبوا لاى رسالة تجيئكم من ايميلى "الكان" فى الياهو او الهوت ميل...
ارجو الا تصدقوا هذه الرسائل المنشورة..فهى لا تمثلنى...ولا تعبر عنى..ولا املكها...
وما حادثة رجاء العباسى ببعيدة عن الاذهان
وبعد ان سمونى عاهرة..ماذا انتظر منهم
(شفتو ليكم عاهرة مفلسة كده؟؟)
اهى دة انا اسمى: تماضر شيخ الدين
ام سيرين
انتو منو؟؟
وانا امك يا سيرين
وانا اختكم ياشرفاء واختكن ياكريمات...السودان..واصدقاء المنبر الحر...
واختك يا بكرى ابو بكر...
|
|
 
|
|
|
|
|
| العنوان |
الكاتب |
Date |
 تماضر شيخ الدين تعتزل المنبر | ودالعباسية | 07-10-04, 04:08 PM |
| Re: تماضر شيخ الدين تعتزل المنبر | ودالعباسية | 07-10-04, 05:17 PM |
| Re: تماضر شيخ الدين تعتزل المنبر | Salwa Seyam | 07-10-04, 06:28 PM |
| Re: تماضر شيخ الدين تعتزل المنبر | Hussein Mallasi | 07-10-04, 07:47 PM |
 Re: تماضر شيخ الدين تعتزل المنبر | abas | 07-10-04, 07:49 PM |
| Re: تماضر شيخ الدين تعتزل المنبر | صديق الموج | 07-11-04, 05:58 AM |
| Re: تماضر شيخ الدين تعتزل المنبر | zola123 | 07-11-04, 12:14 PM |
| Re: تماضر شيخ الدين تعتزل المنبر | ودالعباسية | 07-11-04, 12:20 PM |
| Re: تماضر شيخ الدين تعتزل المنبر | ودالعباسية | 07-11-04, 12:25 PM |
| Re: تماضر شيخ الدين تعتزل المنبر | Elsuhaili Magzoub | 07-11-04, 12:41 PM |
| Re: تماضر شيخ الدين تعتزل المنبر | ودالعباسية | 07-11-04, 01:12 PM |
| Re: تماضر شيخ الدين تعتزل المنبر | Tumadir | 07-11-04, 08:23 PM |
| Re: تماضر شيخ الدين تعتزل المنبر | فتحي البحيري | 08-19-04, 08:30 AM |
 Re: تماضر شيخ الدين تعتزل المنبر | sharnobi | 07-11-04, 08:32 PM |
| Re: تماضر شيخ الدين تعتزل المنبر | Elnasri Amin | 07-11-04, 08:33 PM |
| Re: تماضر شيخ الدين تعتزل المنبر | Hussein Mallasi | 07-12-04, 08:00 AM |
| Re: تماضر شيخ الدين تعتزل المنبر | تراث | 07-12-04, 02:11 PM |
| Re: تماضر شيخ الدين تعتزل المنبر | ودرملية | 07-12-04, 02:36 PM |
| Re: تماضر شيخ الدين تعتزل المنبر | ودالعباسية | 07-12-04, 02:38 PM |
| Re: تماضر شيخ الدين تعتزل المنبر | ودالعباسية | 07-12-04, 02:46 PM |
| Re: تماضر شيخ الدين تعتزل المنبر | Ishraga Mustafa | 08-19-04, 08:54 AM |
| Re: تماضر شيخ الدين تعتزل المنبر | Tumadir | 08-26-04, 11:44 AM |
| Re: تماضر شيخ الدين تعتزل المنبر | MASSOUB | 08-26-04, 12:00 PM |
|
| |
Tumadir
فيس بوك
تويتر
انستقرام
يوتيوب
بنتيريست