|
|
 Re: سودانيون ناجحون فاشلون (Re: كبسيبة)
|
يا زول
والله كنت جايب ليك معاي كوز موية من المزيرة بتاعتنا
جيت لقيتك براك ما شاء الله دافر البوست
شفت .. الزوغان ده كيف
انت عارف يا زول من سلبياتنا أن الكثيرين منا لا يقبلون
النقد حتى في أبسط الأشياء وبنحب المغالطة وفي نفس الوقت لا نحب المديح فالبعض ينظر إليه بأنه تملق وتزلف.
ورغم أننا من الجاليات المميزة جداً في الخليج إلا أنه لدينا
الكثير من الأمثال في النفس الحار (الجعلنة) يعني أصبحنا لا نقبل من الطرف الآخر أي كلمة تمس بنى جلدتنا حتى لو الواحد قال ليك يا سوداني ساي كده تلقاك اتحسست وجهزت البنية والشلوت وإنت زول خبرة في مجال الشلاليت ومنتظرين قصة الشلوت الثالث.
وربما كان اسم البوست ( سودانيون ناجحون فاشلون ) دليلاً على قولي هذا فهو اسم يحمل المدح والنقد في آن واحد وأنا متأكد أنه لو كان يحمل اسم ( سودانيون فاشلون ) القيامة كان قامت وما حتقدر تدخل البوست إلا بعد ما تخت طوبتك من الصباح و تكون مسنود وعضلاتك تبش وتلقى البوست مولع نار.
وأيضاً نلاحظ أن أكثر البوستات التي تحظى بعدد أكبر من القراء هي البوستات التي تلمح بأن البوست ده مخصص للشكل والشتائم واللسانو طويل يجي يضوق ويضوّق ولما تخش يا ويلك لو قلت السلام عليكم ساي مع إنو السلام سنة لكن حتبقى زول ظلامي ورجعي ومرتزق وعنصري ومتخلف وكوز وجبهجي.
ولا يمكن أن تجد من يصغي لك طالما تحمل فكراً أو رأياً يناقض موضوع البوست الذي تدخل إليه.
إن الحوار الذي نبحث عنه هو التفاهم والانسجام، الحوار هو القناة التي توصلنا إلى الآخر. فعندما نتحاور إنما نعبّر عن أنفسنا بكل خبراتنا الحياتية وبيئتنا الأسرية والتربوية، نعبّر عن جوهر شخصيتنا عن أفكارنا عن طموحاتنا فالحوار ليس أداة تعبير لغوي فقط بل الحوار هو أداة التعبير الذاتي فلنفكر كيف نصنع حواراً في هذا المنبر الحارّرّرّرّرّ
وراجع ليك يا زول يا لذيذ
|
|
 
|
|
|
|
|
| العنوان |
الكاتب |
Date |
| سودانيون ناجحون فاشلون | كبسيبة | 07-01-04, 10:42 AM |
| Re: سودانيون ناجحون فاشلون | كبسيبة | 07-03-04, 08:40 AM |
| Re: سودانيون ناجحون فاشلون | يازولyazoalيازول | 07-03-04, 01:19 PM |
| Re: سودانيون ناجحون فاشلون | كبسيبة | 07-03-04, 05:11 PM |
| Re: سودانيون ناجحون فاشلون | يازولyazoalيازول | 07-04-04, 08:29 AM |
| Re: سودانيون ناجحون فاشلون | كبسيبة | 07-04-04, 12:13 PM |
| Re: سودانيون ناجحون فاشلون | يازولyazoalيازول | 07-04-04, 01:28 PM |
| Re: سودانيون ناجحون فاشلون | يازولyazoalيازول | 07-05-04, 10:39 AM |
| Re: سودانيون ناجحون فاشلون | يازولyazoalيازول | 07-06-04, 01:44 AM |
| Re: سودانيون ناجحون فاشلون | يازولyazoalيازول | 07-06-04, 03:04 AM |
| Re: سودانيون ناجحون فاشلون | كبسيبة | 07-06-04, 06:06 AM |
| Re: سودانيون ناجحون فاشلون | يازولyazoalيازول | 07-06-04, 09:32 AM |
| Re: سودانيون ناجحون فاشلون | كبسيبة | 07-06-04, 11:34 AM |
| Re: سودانيون ناجحون فاشلون | cola | 07-06-04, 11:47 AM |
 Re: سودانيون ناجحون فاشلون | ABUHUSSEIN | 07-06-04, 12:08 PM |
| Re: سودانيون ناجحون فاشلون | انور الطيب | 07-06-04, 12:33 PM |
|
| |
فيس بوك
تويتر
انستقرام
يوتيوب
بنتيريست