نداء الي شرفاء البورد الوطنيين .. معا لمحاربة( كيزان) المنتدي العام لسودانيزاونلاين ..

Quote: بعدين يا عادل امين الكلام بتاع وجهين لعملة واحدة ده كلام ميت و لا يصدر الا من انسان يريد ان يصيب الاخرين بالالتباس و التشوش لا اجد علاقة بين الشيوعيين و المؤتمر الوطني لانه لوكانت هناك علاقة كهذه لاردكها التنظيمان و قاما بتطويرها دون انتظار نصحك الثمين يا استاذ يا كبير .

اصلا الايدولجية مرض يصيب الوعي الانساني ويجعل صاحبه يعتقد انه يملك الحقيقة المطلقة وهي من اوبئة النظام العالمي القديم وانحسرت في كل مكان الا المستنقع الذى يسمى الشرق الاوسط والسودان
1- يمارس الشيوعيين العنف يسمونه العنف الثوري ويمارسه الكيزان ويسموه الجهاد
2- جل الكيزان في السودان او في العالم كانو يساريين ثم انتقلو الي يمينيين بقدرة قادر ودون ذكر الاسماء
3- الشيوعيين يخدرون الناس بيتوبيا في المستقبل تسمي المجتمع الشيوعي والكيزان يخدرون الناس بمدينة فاضلة مزعومة كانت في القران السابع....وكلاهما منفصل عن الواقع تحت فنتس ماقوريا عجيبة
4- يشترك الاثنان في السودان في ادمان الفشل واهلاك الحرث والنسل
5- كلاهما ايدولجيات وفدت من مصر من ايام حديتو وحستو وحسن البنا وسيد قطب ويقف خلفهما هنري كوريل وليس افكار او احزاب سودانية نابعة من السودان
6- جاء الشيوعيين بالامن والفصل للصالح العام في بدايات مايو وتجرعو نفس الكاس في بدايات الانقاذ
اما اذا كان المؤتمر الوطني(تاسس سنة 199..اخر حزب جديد في السودان هم الكيزان ...المؤتمر الشعبي والعدل والمساواة وحزب الامة يكونو شنو؟..(الجبهة الوطنية 2005)...الجبهة الوطنية هي العلة الفاعلة في تعاسة الشعب السوداني ...يا ود العمدة
ويا اخوي السودان القديم كلو ملة واحدة من سنة 1956والمؤتمر الوطني هو اخر الوجوه القبيحة للسودان القديم...والحركة الشعبية ومشروعها السودان الجديد هو المشروع السوداني الحقيقى وجسده اعضاءوها وعيا وسلوكا..وانتو فقط بدخلوكم في عباءة طائفية قديمة وابتعادكم عن الحركة الشعبية ..جعل الامر اشبه بالصعود الي الهاوية

وطبعا ادعاءوك بالوصاية علي وعي الناس ..حتي هنا في المنبر الحر وبان ما اكتبه هراء ويشوش عل العباقرة السودانيين..هذا في حد ذاتو خلل ناجم من حالة اللاوعي التي تعاني منها في هذاالزمن الليبرالي وهذا الامر خاص بعلم النفس السياسي وقد قدمنا عروض فيه هنا بما فيه الكفاية...لكن عندما تكون عل القلوب اقفالها يضحى الامر ستسمع ان ناديت حيا ...
ويا ااخوي حزبك ده لا تطور في البرنامج ولا في الاسم ولا في السلوك..والديموقراطية وعي وسلوك.. وانت احد حالات مرض نقص المناعة الديموقراطيةA.D.D.S
والمنبر ده حر ومفتوح لكل السودانيين ومن اسمو وفيه ضيوف اعزاء من العرب وزوار..والكيزان سودانيين..لا يجدي ابدا الهروب منهم..بل مواجهتهم وتعرية فكرهم دون هوادة لان الازمة ازمة اوضاع وليس ازمة اشخاص...واكبر عائق للدولة المدنية التي ندعوا لها هم الايدولجيات امراض الطفولة الستة.. ونحن بنعريهم فكريا وسياسيا ولا نتابع فضائح شخصية لهذا او ذاك ..كما يفعل البعض هنا
...
ولم اقل يوم اني استاذ الشيوعيين ولا كبير..لان الكبار في السودان الله يرحمهم مافي زول عرف قيمتم ابدا ...ولسع نحن مع
لقد عظم البعير بغير لب ولم يستغن بالعظم البعير
فقط نحن عملنا مداخلة عشان الناس تعرف ان الشيوعيين نفسهم لا يطيقون الديموقراطية حتي عل مستوي هذا المنبر الحر...

(عدل بواسطة adil amin on 12-24-2005, 09:08 AM)