مركز محمود و الخاتم

Quote: نصيحة اذا كنت تمجد الشجاعة اعرف رجالها وليس في الامر اي عداوة شخصية كما قلت لك ولكن الحق اولى ان يتبع.. ابعد عن الفكرة الجمهورية والاستاذ...نظل احباب ذى ما كنا... وناطح من هم على شاكلتكم من كائنات البورد العجيبة(اوجاع السودان القديم)..وانت بارع في الامر....

أو
2-إنت بتعمل حاجاتك براك وعايز تولع لي دا وتقطع الموية من دا..
وفي الحالتين:
إنت ضايع إنت ضايع.. وأنا ما لاقي البينصفني ..
الأستاذ قبل كدا يا بروتس مش في واحد (مهووس) حسب التصنيفات الشغاله هنا دا .. يقال انو (فلق) الأستاذ بي عصاية في محاضرة ما حتى ادماهـ ..؟
وبين هرج ومرج المريدين والصعايدة أصحاب (التار) عفاوصفح الأستاذ في تأدب وكان درس (للفالق) ما تلم وهو يهوى الالم ..؟
طيب يا بروتس دي ما الشجاعة زات نفسها الممكن كان تكلمني بيها .. من غير ما تكلمني عن احداثيات الحب في زمن الكوليرا .. والا كمان يا بروتس بتعمل حاجاتك براك إنت وبتحب وتمجد الشجاعة بطريقتك الخاصة ..؟
أما فيما يتعلق بالشجاعة ورجالاتها:
فلا اعتقد انها قاصرة على الجندر فقط .. دا إلا وإن كنت إنت عقلية ذكورية ودا برضو حسب احداثيات واكلشيهات البورد .. يا كمان إنت ما عندك محبة ولا عندك الحبة ..
ياخ مسالة المواقف المبدئية في الاعتراف بي شجاعة المواجهة للموت دي مسالة استاندرد حقو زاتو ما كان تقشطة لي في النص كدا دا وإنت عارف سلفا انو مش أنا بس المعترف بالحاجة دي .. خليني انا الكوز الأمنجي دا .. اي صاحب روح سوية بيعرف أنو الثبات في مواجهة الموت من شخص ما .. بيعتبر قمة الشجاعة ما كمان الموت دا ليهو ناسو بيعرفو ليهو كويس..
والناس البتشوف الموت قدامه وتقيف ليهو برضو يصنفو من الشجاعة (بمكان) ..
قبل كدا في بورديكم دا ما مجدت ليك صدام حسين أسد همام واجه جلاديه والموت بشجاعة وكان بيتشهد في قدام الحبل وقدام الجميع بينما كان بقية الأمريكان بيرجفو بي بره .. وبقية الخونة واذيالهم بيهزو ويصيحو قدامو في هستيريا ..
ما اتكلمنا عن شجاعة عبد الخالق محجوب وبابكر النور وصحبهم هل كنت بعثي والا شيوعي ؟؟ ما كمان دا الاستاندرد العادي البتلاقو فيهو الناس المضلمين والناس المنورين ...
ياخ أقول ليك حاجة..؟
شفت فلم عمر المختار ..؟ مش انطوني كوين وهيلين باباس .. ناس كانت بتمثل ساكت في الحاجة دي ومربوطة ليهم مشانق من ورق .. والواحد فوقم بياخد عدادو بعد نهاية المشهد ..؟ إنت ماشي بعيد ليه لي انطوني كوين ..؟ مش ود حبوبة قال يودو (سروالو) لي أخواتو وبنات عمو في البيت ..؟
دي حاجات كلها يا بروتس ما محتاجة لي (فكرة) بقدرما محتاجه لي انسانية .. وأنا لهــا من غيرما تجردني من محبتك ولا حسنة منك ..
أما أن أبتعد عن الأستاذ والفكرة ومناطحة من هم على شاكلتي وفي رواية أخرى طواحين الهواء .. فدا يا بروتس هو المغطس حجركم .. ودا البولد ليكم المزيد من الناس الشايلين (عصاياتم) ويفلقوا .. دا طبعا لو كان في زي النوعية دي وفي الكم الهائل مما وجب (تفليقهم) لكن صدقني لا يوجد قوم في عصرنا هذا ليهم اهتمامات (تفليقيه) .. في الواقع .. والمشهد السوداني .. زمانكم فات وغنايكم مات بموت صاحب الفكرة وهروب الكانو معاهو من حبل المشنقة. بلاي لو كنت معاهم يا عادل كان بتقيف ؟؟
لذلك
حقو قدر (التفليق) حقنا دا تربطوا روسينكم منو علشان تبقوا صعايده كتار .. وانت بالذات تبقى (هريدي) شديد لكن ما توجهني لي شاكلتي .. اعوس معاهم .. يعني إنت قاعد (تولع) بس في محافل المفكرين الجمهوريين وتضلم في المناسبات غيرالرسمية ؟؟
وبالرغم من ذلك يا صاحب .. كلما اكتبه هنا لا تعتقد اني اواجه به الشخوص بقدرما اعبر عن قناعات زي ما قلت ليك مستصحبا الاستاندرد حقي .. وزي ما عارف السمين بقع والضعيف بقيف ..
إنت وزن خفيف الذبابة وزول كلك نور مالك عايزني اعتقد انو لاقيت لي جمهوري سمين .. ووقاع ؟؟