|
|
 Re: الله (الدمبعلو)، والله الآخر (الجميل) (Re: محمد عبدالقادر سبيل)
|
..
أولاً نعيد نشر المداخلتين، كما هما، كي لا يظن الناس أننا قلنا فيك إفكاً عظيماً، إنت بديت التلاعب (جعلتي) وما (جعلتي)، وتلوحيات أخرى، وما اتشددنا معاك، بل الكلام كله جاء في طور أقرب إلى الكوميديا، من النقمة والحقد الذي كتبت به، فخذ وعدي الذي لا أُخلفه،..
...................
المداخلة (أ)
...
محمد سبيل،..
يا زول بسم الله، بسم الله، بسم الله،..
إنت فعلاً أُصبت وربنا يخفّف عنك، وألا ممكن تكون في خير عميم، بس أنا والله ما شايف حاجة،..
| Quote: هون عليك وارجع الى البروفايل بتاعي لتجد ما يسد رمقك |
معقولة بس، "ما يسد رمقي"؟ كيف يعني يا شاعرنا زمان؟ في البروفايل إنت خاتلي سندوتش وألا شنو؟ يسد رمقك دي حَقّت الأكل بس يا سبيل، خلاص بقيت تباري الأغبياء، وبقيت نملة كلام تنقل الكلام زي ما هو، وبقيت عوير، الله يرحمك يا كاتب (وحدُه الجبل)،..
بعدين بتقولي (تطاول ولعن ومماحكة وإسكات)، إنت عارف إني بهظر معاك، ولو فعلاً بقيت غبي وسلّيت ضنبك نذكرك،..
دا محسن خالد، نسيتو؟ كدي خلي "الأمبريال"، و"نوفيتل" يهفهفوا في رأسك؟ والمرايس الباااردة، البعدها الواحد بشيلوهو طَبْ العصب، ويدَخّل المفتاح في باب العربية، ويكون دايرة تنفتح وتدوِّر وتجري من محلها دا مرة واحدة،..
هووي آسبيل، تعال هنا لناس البورد وأكتب ليهم الكرمك وقيسان في البروفايل، ديل مو خابرنك لكن أنا ما بترسلني للبروفايل أجيب منو حاجة، أنا جايبك من التحت قلبك ومن الورا لسانك،..
ودي واحدة من المشاكل معاك، الأقنعة، والأُمحمَّديّة الكتيرين الشايلن وحايم بيهم ديل، ومع كل مَجَرَّة طنضدبتين وقوز رملة يلقولك أتر، ورا كل منحنى ولفّة خور، يلقولك ضل، تتعب القصاصين والنجائب وكلاب الصيد وراك،..
نحن دربنا واحد يا زول، يودي النار يودي الجنّة علي كيفو، بس هو واحد، وإنت الدروب في يدينك حاوي، شخلاي مخلاي وتقلبها شيتاً تاني وتاخد وجهة، شخلاي مخلاي وتقلبها بلوداً دروبها تانية،..
فياخي شنو جعلتي وما جعلتي، والكلام الفاضي البتسوي فيهو دا، إنت داير تعرفني الليلة وألا شنو، أولاً روق، وكلام مكي دا من يومو داك حرقك، ونحن بالأصل دايرين نقوليك الكلام العملت فيها شيطان وقمت سبقتني عشان تقولوا دا، أنا "جعلي" مش جعلتي، ومن النوع الماصّل عشان كدي ما بساكك العنصرية، كدي عليك الله شوف في البورد الناس الكانت بتكتب عن العروبة وما العروبة، ما كلهم بلغة أهلنا العنصريين فيهم كلام، وفيهم طق، والقاليك منو أنا عامل فيها شندي مي عاجباني، بس مدني بتعجبني أكتر منها، شندي دي بالنسبة لي محل ميلاد ودراسة، مش محل جعليين وبس، إنت مش معترف إنو بكتب سيرة ذاتية، أها، أكتبها ليك من وين، من محل نشأتي وألا كيف؟..
(لأني بعرفك، وعارف مشاكلك، شفتها الدوارة دي طلعت كيف، دا مرواد، لازم تبقه طيّب وتشفى)،..
ياخي مالك علي والدنيا صيام، دي ماك عارفه مسألة فاضية بالنسبة لي، ولو أنا كنت مهتم بحاجة زي دي، ما كان بقيت محسن خالد البكتب الفضائح زي ما قلت، إنت بتعرف براك أهلي شنو؟..
| Quote: وبالمناسبة هل تسمح لي بأن يكون لي معك عرق جعلي صغير حتى لا يكون لك تميزا علي خلال النقاش الفكري (الجميل) |
عرق ساي يا سبيل، أسمح ليك بشجرة كاملة وألا برضو نهر كامل،..
محسن خالد لو بفوتك في النقاش بفوتك لأنو شيطان كتابة، ما لأنو جعلي، وألا شنو يا صاحب فيرلين؟ وألا نسيتو برضو؟
عارف؟ لما قريت العبارة دي، قعدت في الـواطـة من الضحك، قلت يا أخوانا سبيل دا بعد الدين قبل الدين ياهو عدم الذمة بتاعو ذاتو، وكمان تخريماتو وأقنعتو والأُمحمديّة الكتااار جواهو وبالعن chـب، كنا بنغفر ليهو دا كلو بإنو هو راجل فنّان، هسع الحل معاهو شنو؟
لا بقى شيخ جبّة دغري، ولا كمان واصل في كتابة الشعر؟
عارف؟ في ناس يوم القيامة بعذبوهم ملائكة العذاب، وكمان برضو في ناس هم البعذبوا ملائكة العذاب،..
يا ويل ملائكة العذاب منك؟ طبعاً نحن ناس الله الجميل، ما عندنا إلا الملائكة البوصلوا شفعنا في الجنة لي المدرسة،..
مش العقائد وبس، المعارف بشكل عام والعلوم، إنت عارفني كويييس لو بعرف وألا كان كضاب، دا غلاط منك ساي قدام الناس، عارفني كويس وعارفك، فالغلاط خليهو، بجيك بالشارع وبزعمطك، بوديك اتحاد الكتاب لو لسه ما حرام، وألا النادي السوداني وهشام المجمر قاااعد، وبقرأ في كلامنا دا، وبوريك المكّشن بعنجاوي،...
وحتى أنت يا سبيل، بتقول تجربة محمد شكري؟
هنري ميلر وجاك روسو ونيكوس كازانتزاكيس، جامعياتي، وقبو دستوفسكي وفولتير وفلوبير ومعظم كتابات بلزاك،..
يا ود سبيل، إنت لو جنّيت فياخي عليك الله جنّليك جن محترم وليهو رأس وقعر، جنك دا إخير منو تقعد ساي مربّع إيديك،..[/
وليك حق فعلاً تُرَكِّز علي إنو الدين شكليات –مسواك –ودقن- وجلابية شافع-ووو
ياخي أوعَ.. و(مظهر التدين) زي ما قاليك أخونا عبد الخالق، لازم تراعي فيهو مناسبة العصر والزمان، لأنو لو كان الرسول حضر عصر البدلة والكرافت، كان برضو اتشيَّك تمااام، بعدين الفرشة والمعجون أنجض من مسواك الأراك، وما بقرفوا زول، مش المقصد (النظافة من الإيمان)؟ وألا المقصود إنو العود العجيب دا يكون محشور في الخشم الأربعة وعشرين ساعة، وتانياً صلح الحديبية دا ذاتو، لو تَمَّ في زمن القاعة "ألف" و"باء" و"تاء" الفيهن ناس شايلين براريد القهوة ويلوصوا، هل كان الرسول وصحبوا ديل، قالوا للناس أقيفوا أنكوس لينا شدرة من السُنّة، وألا كانوا انحشروا في المكيفّات البتهفهف وتقول يا غربتي دي؟ وكان برضو بكون فيها كُتَّاب عدل ومحامين، وبنات سمحات يجيبوا الورق النضيف داك البوقعوهو، وألا كان برضو يا سبيل مشوا كاسوا الرماضة من ما في واتّفنوا فيها من السنة؟ أكتب يا علي بن أبي أطالب، بسم الله الرحمن الرحيم، والحجة تقيف مع أبي سفيان، في إنهم ما بعرفوا (الرحمن الرحيم) ويطالبوا بـ: (باسمك اللهم)، شوف ذاتها الحجّة قدر شنو، والمطالب قدر شنو، ما عندنا ضحكة لكن قدر زمنن،..
يعني هسع في نيفاشا وألا الخرطوم، الناس يبقوا في وزارة الموارد والمالية، وألا في بسم الله الرحمن الرحيم؟
وكانت الناس دي مرقت من الاجتماعات الموسّعة مش من لَمّة ناس فوق بئر، واللاندكروزر أب قدوم داك تلقاهو منتظرن، وبتوع الأمن العُراض وسُمان ديك شايلين أب خشماً عفن (الرشاشات)، مش سرايا كتائبية شايلالها (حَطب) يشيلّو راكوبة،..
دا يا ود سبيل كان أيام جهاز الاستخبارات قدر نعيم ابن مسعود، وقدر ألاعيبو وحِيَل زمنو،...
أيام كان رئيس الاستخبارات بمشي للناس في الضلمة، متلفلف بفركة، وقالوا الناس ديل دايرين يسولكم، وقالوا متحلفين عليكم، كلها قوالات.. أيام أفراد الاستخبارات بتمشي تفتّش هُرار الجُمال، يشوفوا فيهو (نوى تمر) وألا ما فيهو، عشان يعرفوا الجُمال دي جات من الوادي الفلاني، الفيهو نخل وألا ما فيهو، ودا كلام (خاص) بالمعرفة (الخاصة) بذاك الزمن، مش الكلام دا من السُّنّة والمابسويهو مشاتر ومفارق للسنة، يا زول أمور أهل الكهف دي، أصحى منها، وأتحسس الحاجة الإنت بتكتب فيها دي، اسمها عصر الكمبيوتر،..
ما بنتعب يا التومة من الدّقة وشَراب البقنية
يشيلونا الروح مملوصة من الروح وما هِمّية
خالصين يا ربي أنحنَ منها ومن دفوع الديّة
ويوم الكتاب بنلاقي سيدنا الكريم سمحين نيّة
الله يسمّح النية يا سبيل صاحبي،..
ولو تاني رديت رد زعل، وعوارة، وكأنك ما بتعرفني، أنا بزعل منك بالجد،..
اللهم اهدِ صديقي سبيل إلى سواء السبيل،..
أنا ما بعرف ألصق الوشوش البضحكن ديك، أها محل الضحك أضحك براك،..
..................
المداخلة (ب)
..
| Quote: وهذا شئ مؤسف يا صديقي لأن بأمكانك ان تهدأ وتبدع دون تطاول على احد ولا محاولة الطعن واللعن والمماحكة ( والاسكات ) فهذا اسلوب المفلسين والغوغاء |
إنت يا سبيل هو في زول بقدر يسكَّتك؟
وألا شنو؟ اتحاد الكتاب الإماراتيين دا، ما إنت كنت مقصيهو ومسكتو كلو، أهل البلد ذاتن قدروا عليك، والله ياهو!
يا أخوانا بتصدقوا إنو الزول دا كان كاتب مهم في صحيفة (الخليج) ونشط كمان، أقنان نحل بس، وكان مسؤول الملف الثقافي -بطولوا وبعرضوا- في جريدة (أخبار العرب) وأنا كنت بكتب مساهماتي "عندو" وكان كان،..
الزول دا البديهو رأسو منو؟
(وحده الجبل)، ديوان شعر لسبيل،..
أنا الأيامات دي بفتش في مكتبتي لكتبك، بلقاها وبخليك تحاور نفسك زمان، أو "تعاور" نفسك سابقاً،..
عارف يا سبيل، إنت حاجة بتعملها بدون قصد مافي، من زمان وإنت بارع، بس افتعالك للتدين دا، قاصد منو شنو؟ أنا غلبني،..
..
|
|
 
|
|
|
|
|
| العنوان |
الكاتب |
Date |
| الله (الدمبعلو)، والله الآخر (الجميل) | محسن خالد | 10-12-05, 01:51 AM |
| Re: الله (الدمبعلو)، والله الآخر (الجميل) | أحمد الشايقي | 10-12-05, 02:01 AM |
| Re: الله (الدمبعلو)، والله الآخر (الجميل) | محسن خالد | 10-12-05, 02:04 AM |
| Re: الله (الدمبعلو)، والله الآخر (الجميل) | محسن خالد | 10-12-05, 02:10 AM |
| Re: الله (الدمبعلو)، والله الآخر (الجميل) | abuguta | 10-12-05, 02:15 AM |
| Re: الله (الدمبعلو)، والله الآخر (الجميل) | محسن خالد | 10-12-05, 02:14 AM |
| Re: الله (الدمبعلو)، والله الآخر (الجميل) | مبيوع | 10-12-05, 02:20 AM |
| Re: الله (الدمبعلو)، والله الآخر (الجميل) | محسن خالد | 10-12-05, 02:50 AM |
| Re: الله (الدمبعلو)، والله الآخر (الجميل) | محمد السر | 10-12-05, 03:03 AM |
| Re: الله (الدمبعلو)، والله الآخر (الجميل) | محسن خالد | 10-12-05, 07:47 AM |
 Re: الله (الدمبعلو)، والله الآخر (الجميل) | ahmed haneen | 10-12-05, 03:22 AM |
| Re: الله (الدمبعلو)، والله الآخر (الجميل) | عبدالرازق نقد | 10-12-05, 03:25 AM |
 عرفتك غيب يا الله ولقيتك حاضر | Yasir Elsharif | 10-12-05, 03:39 AM |
| Re: الله (الدمبعلو)، والله الآخر (الجميل) | esam gabralla | 10-12-05, 04:26 AM |
| Re: الله (الدمبعلو)، والله الآخر (الجميل) | نادر | 10-12-05, 04:46 AM |
| Re: الله (الدمبعلو)، والله الآخر (الجميل) | مريم بنت الحسين | 10-12-05, 09:37 AM |
| Re: الله (الدمبعلو)، والله الآخر (الجميل) | محسن خالد | 10-12-05, 11:24 AM |
| Re: الله (الدمبعلو)، والله الآخر (الجميل) | ريهان الريح الشاذلي | 10-12-05, 12:46 PM |
| Re: الله (الدمبعلو)، والله الآخر (الجميل) | محسن خالد | 10-12-05, 02:35 PM |
| Re: الله (الدمبعلو)، والله الآخر (الجميل) | Adil Osman | 10-12-05, 12:35 PM |
| Re: الله (الدمبعلو)، والله الآخر (الجميل) | محسن خالد | 10-12-05, 03:00 PM |
| Re: الله (الدمبعلو)، والله الآخر (الجميل) | Marouf Sanad | 10-12-05, 03:23 PM |
| Re: الله (الدمبعلو)، والله الآخر (الجميل) | محسن خالد | 10-12-05, 03:36 PM |
| Re: الله (الدمبعلو)، والله الآخر (الجميل) | محمد عبدالقادر سبيل | 10-13-05, 02:20 AM |
| Re: الله (الدمبعلو)، والله الآخر (الجميل) | Mohamed Suleiman | 10-13-05, 02:36 AM |
| Re: الله (الدمبعلو)، والله الآخر (الجميل) | محسن خالد | 10-13-05, 04:14 AM |
| Re: الله (الدمبعلو)، والله الآخر (الجميل) | ahmed haneen | 10-13-05, 03:37 AM |
| Re: الله (الدمبعلو)، والله الآخر (الجميل) | Siddig A. Omer | 10-13-05, 03:54 AM |
| Re: الله (الدمبعلو)، والله الآخر (الجميل) | محسن خالد | 10-13-05, 05:00 AM |
| Re: الله (الدمبعلو)، والله الآخر (الجميل) | هشام المجمر | 10-13-05, 05:09 AM |
| Re: الله (الدمبعلو)، والله الآخر (الجميل) | محسن خالد | 10-13-05, 05:50 AM |
| Re: الله (الدمبعلو)، والله الآخر (الجميل) | الوليد محمد الامين | 10-13-05, 06:03 AM |
| Re: الله (الدمبعلو)، والله الآخر (الجميل) | كمال حسن | 10-13-05, 08:11 AM |
| Re: الله (الدمبعلو)، والله الآخر (الجميل) | مريم بنت الحسين | 10-13-05, 08:54 AM |
| Re: الله (الدمبعلو)، والله الآخر (الجميل) | Omar Bob | 10-13-05, 09:07 AM |
| Re: الله (الدمبعلو)، والله الآخر (الجميل) | Ibrahim Malik | 10-13-05, 09:54 AM |
| Re: الله (الدمبعلو)، والله الآخر (الجميل) | حسين يوسف احمد | 10-13-05, 03:12 PM |
| Re: الله (الدمبعلو)، والله الآخر (الجميل) | Adil Osman | 10-13-05, 03:26 PM |
| Re: الله (الدمبعلو)، والله الآخر (الجميل) | عبدالله الشقليني | 10-14-05, 06:42 AM |
| Re: الله (الدمبعلو)، والله الآخر (الجميل) | محسن خالد | 10-14-05, 10:58 AM |
| Re: الله (الدمبعلو)، والله الآخر (الجميل) | محسن خالد | 10-14-05, 11:45 AM |
| Re: الله (الدمبعلو)، والله الآخر (الجميل) | Maysoon Nigoumi | 10-14-05, 11:49 AM |
| Re: الله (الدمبعلو)، والله الآخر (الجميل) | محسن خالد | 10-14-05, 12:04 PM |
| Re: الله (الدمبعلو)، والله الآخر (الجميل) | محسن خالد | 10-14-05, 12:19 PM |
| Re: الله (الدمبعلو)، والله الآخر (الجميل) | محسن خالد | 10-14-05, 12:34 PM |
| Re: الله (الدمبعلو)، والله الآخر (الجميل) | Ibrahim Malik | 10-14-05, 12:55 PM |
| Re: الله (الدمبعلو)، والله الآخر (الجميل) | محسن خالد | 10-14-05, 01:17 PM |
| Re: الله (الدمبعلو)، والله الآخر (الجميل) | محسن خالد | 10-14-05, 01:33 PM |
| Re: الله (الدمبعلو)، والله الآخر (الجميل) | محسن خالد | 10-14-05, 01:51 PM |
| Re: الله (الدمبعلو)، والله الآخر (الجميل) | محسن خالد | 10-14-05, 01:57 PM |
| Re: الله (الدمبعلو)، والله الآخر (الجميل) | محمد عبدالقادر سبيل | 10-15-05, 03:01 AM |
| Re: الله (الدمبعلو)، والله الآخر (الجميل) | هشام المجمر | 10-15-05, 00:54 AM |
| Re: الله (الدمبعلو)، والله الآخر (الجميل) | atbarawi | 10-15-05, 02:19 AM |
| Re: الله (الدمبعلو)، والله الآخر (الجميل) | محسن خالد | 10-15-05, 03:15 AM |
| Re: الله (الدمبعلو)، والله الآخر (الجميل) | أبوذر بابكر | 10-15-05, 02:58 AM |
| Re: الله (الدمبعلو)، والله الآخر (الجميل) | محمد عبدالقادر سبيل | 10-15-05, 04:02 AM |
| Re: الله (الدمبعلو)، والله الآخر (الجميل) | محسن خالد | 10-15-05, 05:52 AM |
| Re: الله (الدمبعلو)، والله الآخر (الجميل) | محمد عبدالقادر سبيل | 10-15-05, 12:46 PM |
| Re: الله (الدمبعلو)، والله الآخر (الجميل) | محسن خالد | 10-15-05, 05:34 AM |
| Re: الله (الدمبعلو)، والله الآخر (الجميل) | أبوذر بابكر | 10-15-05, 06:50 AM |
| Re: الله (الدمبعلو)، والله الآخر (الجميل) | محسن خالد | 10-15-05, 09:02 AM |
| Re: الله (الدمبعلو)، والله الآخر (الجميل) | مريم بنت الحسين | 10-15-05, 04:19 AM |
| Re: الله (الدمبعلو)، والله الآخر (الجميل) | محسن خالد | 10-15-05, 06:43 AM |
| Re: الله (الدمبعلو)، والله الآخر (الجميل) | Adil Osman | 10-15-05, 04:39 AM |
| Re: الله (الدمبعلو)، والله الآخر (الجميل) | محسن خالد | 10-15-05, 06:58 AM |
| Re: الله (الدمبعلو)، والله الآخر (الجميل) | atbarawi | 10-15-05, 09:28 AM |
| Re: الله (الدمبعلو)، والله الآخر (الجميل) | محمد عبدالقادر سبيل | 10-16-05, 01:28 AM |
| Re: الله (الدمبعلو)، والله الآخر (الجميل) | محسن خالد | 10-16-05, 07:45 AM |
| Re: الله (الدمبعلو)، والله الآخر (الجميل) | atbarawi | 10-16-05, 09:05 AM |
| Re: الله (الدمبعلو)، والله الآخر (الجميل) | محسن خالد | 10-16-05, 09:51 AM |
| Re: الله (الدمبعلو)، والله الآخر (الجميل) | محسن خالد | 10-16-05, 12:38 PM |
| Re: الله (الدمبعلو)، والله الآخر (الجميل) | محمد عبدالقادر سبيل | 10-16-05, 01:45 PM |
| Re: الله (الدمبعلو)، والله الآخر (الجميل) | محسن خالد | 10-16-05, 03:34 PM |
| Re: الله (الدمبعلو)، والله الآخر (الجميل) | محسن خالد | 10-16-05, 04:07 PM |
| Re: الله (الدمبعلو)، والله الآخر (الجميل) | 3mk-Tango | 10-16-05, 01:04 PM |
| Re: الله (الدمبعلو)، والله الآخر (الجميل) | محسن خالد | 10-16-05, 01:30 PM |
| Re: الله (الدمبعلو)، والله الآخر (الجميل) | Elmosley | 10-18-05, 06:11 PM |
 Re: الله (الدمبعلو)، والله الآخر (الجميل) | ahmed haneen | 10-16-05, 02:30 PM |
| Re: الله (الدمبعلو)، والله الآخر (الجميل) | خضر حسين خليل | 10-16-05, 04:05 PM |
| Re: الله (الدمبعلو)، والله الآخر (الجميل) | محسن خالد | 10-16-05, 05:06 PM |
| Re: الله (الدمبعلو)، والله الآخر (الجميل) | صديق الموج | 10-16-05, 05:35 PM |
| Re: الله (الدمبعلو)، والله الآخر (الجميل) | الصادق اسماعيل | 10-17-05, 02:18 AM |
| Re: الله (الدمبعلو)، والله الآخر (الجميل) | Hussein Mallasi | 10-17-05, 02:31 AM |
| Re: الله (الدمبعلو)، والله الآخر (الجميل) | الوليد محمد الامين | 10-17-05, 06:15 AM |
| Re: الله (الدمبعلو)، والله الآخر (الجميل) | عدلان أحمد عبدالعزيز | 10-17-05, 10:48 AM |
 Re: الله (الدمبعلو)، والله الآخر (الجميل) | ahmed haneen | 10-18-05, 02:31 AM |
| what? | Maysoon Nigoumi | 10-18-05, 04:03 PM |
| Re: الله (الدمبعلو)، والله الآخر (الجميل) | محمد السر | 10-19-05, 02:44 AM |
| Re: الله (الدمبعلو)، والله الآخر (الجميل) | محمد عبدالقادر سبيل | 10-19-05, 04:40 AM |
| Re: الله (الدمبعلو)، والله الآخر (الجميل) | هاجر سيد احمد | 10-19-05, 10:37 PM |
| Re: الله (الدمبعلو)، والله الآخر (الجميل) | محمد السر | 10-20-05, 02:01 AM |
| Re: الله (الدمبعلو)، والله الآخر (الجميل) | محسن خالد | 10-23-05, 04:40 AM |
| Re: الله (الدمبعلو)، والله الآخر (الجميل) | hala alahmadi | 10-23-05, 12:11 PM |
| Re: الله (الدمبعلو)، والله الآخر (الجميل) | محسن خالد | 10-23-05, 01:01 PM |
| Re: الله (الدمبعلو)، والله الآخر (الجميل) | مريم بنت الحسين | 10-31-05, 01:46 PM |
| Re: الله (الدمبعلو)، والله الآخر (الجميل) | محسن خالد | 11-12-05, 01:14 PM |
| Re: الله (الدمبعلو)، والله الآخر (الجميل) | fadlabi | 11-14-05, 10:30 AM |
| Re: الله (الدمبعلو)، والله الآخر (الجميل) | محسن خالد | 11-23-05, 03:50 PM |
|
| |
محسن خالد
فيس بوك
تويتر
انستقرام
يوتيوب
بنتيريست