بكري ابوبكر يركب وش أسد

Quote: كلام عقُل يا منى ياخ .. لكن مش يتم خرق اللايحة دي في الأول .. بعدين تتطبق العقوبة ؟ بعدين ليه يكون في ضحايا لو الأصل في اللايحة هو تثبيت الحقوق للعضوية و حمايتها و حفظها .. ؟؟ مافي ضحايا في ظل سيادة العدالة .. و مافي شي إسمو قد يكونوا و قد لا يكونوا في يا منى .. التكتم ما معانا .. ( أي شي مكتوم بيخمر و يعفن ) . مافي لايحة و لا قانون إتعمل إلا عشان يُخرق .. و إلا عشان شنو العقوبات إتعملت أصلا ؟؟ بعدين الشغل البيجيب الهوا و الصداع لسلطتنا التشريعية و التفيذية هنا - و هو أخونا بكري - ( و هو بالمناسبة بيخرق لائحتنا في الجمع بين مواطنتو العضوية معانا هنا كشعب .. و بين فكرة إنو عزرائيل و سيد اللعب ) .. سبب الهوا هو الركون لتطبيق اللائحة بحسب مقتضيات الضرورة .. بعدما خلااااااااااص أم الحسين تزغرد .. و العايرة يدوها سوط . لكن أبدا ما بتتطبق اللائحة عملاَ بمبدئية إستمرار سريانها زيها و زي أي نشاط تاني للمنبر . يعني هسه بكري ده لو أضاف أيقونة إدارية فوق مع أخياتا التانيات ديك , و سماها مثلاً ( تاني تجي ؟ ) .. و قال فيها ياخواننا فلان/ة حلقنا ليهو/ا عشان كيت و كيت و كيت .. بدل يدخلنا في حاو و تُر و تفسيرات و إجتهادات و شحن فاضي و مليان .. و العميان شايل المكسر و الباندودث و السيرفا يشتكوا لطوب الواطـة .. لو إتعملت الفَلَقة بتاعت ( تاني تجي ) دي .. مش كل زول ح يؤمن أول شي بروح العدالة و الشفافية .. ( و أهو كلو دروس في التربية ) .. و الناس تتلفت يمين شمال كويس قبل ما يقطعوا الشارع بين الفكرة و الكي بورد .. و يمشوا بحرص و أدب . بالمرة يعرف الأعضاء بعدها إنو الله واحد .. !! و نعيش في تبات و نبات .. و نشوف مستقبلنا ياخ !! هسه قولي أتمردنا ..!! نلقى لينا غابة وين هنا ندخلا قبل ما صاحب الوداعة ياخد وداعتو ؟؟ ..... عن أبي ساندرا .. أنه قال : الزول بيبلو ليهو راسو قبل الحلاقة عشان أخوهو يشوف البللان .