|
خستكات ود بركات
|
قبل شوية دخلت طالعت المتواجدون الآن وجدت 106 ، 3 أعضاء هم انا وريم وطلال عفيفي و103 متفرج ، قعدت من بعيد أراقب ومغتاظ من الخلوة وفي سري تمتمت ، وفي نهار رمضان ، وقبل ما أواصل المراقبة إذا بطلال يختفي وبقيت أنا المتورط إتلفت جاي جاي وقلت يا فكيك وإتخارجت . بعد مسافة كده قت النتاوق نشوف الحاصل شنو فإذا بي أصطدم ب 3 أعضاء قرجة و نذار حسين وفتحي الصديق وبيتفرج عليهم 106 لعنت حظي العاثر ، بيت عذابه ! وبرضو في نهار رمضان ، يا لسؤ حظك ياود بركات ، مش كان أحسن قبيل ؟ ، ومن الغيظ ، وخطرفات الصيام قررت ان أتسكع في هذا الفضاء على كيف كيفي ، والأسر والمحترمين والصائمين يمتنعون ، بس يجو هنا المطاميس ، الصعاليك المطاليق ، والعصاة على زعمات بولا نقلآ عن مصطفى محمد صالح مكسر الأصنام!
- و أول خستكة /خطرفة سببها قاتلتي الست حرمنا المصون رشيدة بنت المغيرة رضي الله عنها ، لقيتها عالقة في بورتسودان ما لاقية حجز على بواخر العمرة ومشلهته شلهة السيح والتماسيح ، إتكيفت جدآ وفي سري قلت ليها تستاهلي ، لأني بحنس فيها أسبوع بحالو عشان تفتح للعمرة وأنا أجيها في الخرطوم ، ركبت رأسه و ابت ، وحاولتني وبرضو ركبت رأسي وأبيت متحسرآ على 12 يوم كان فيها ممكن جدآ أزيد عدد سكان السودان ، ومن الغيظ قلت ليها :أنا لسع عندي ذنوب ومعاصي حلوة لم أرتكبها ، بعد ما أقضي وطري بمشي أمسح بالعمرة إستيكة الخطاة العصاة التائبون. هسع ماعارف أقبل وين ،نفسي تراودني أمشي دبي وخايف أيام الحداد تقلل سعادتي وتسكعي ، ومرة أفكر أدخل في زواج متعة حلال في طهران أو تبريز لكن شبهة الحلال هذه لا تروقني ، وبالطبع الشبهة مقسومة بعدالة بين الحلال والحرام وفقآ لإختلاف المذاهب وفي إختلافها رحمة بالناس لو كانوا يعلمون ، والشبهة في الحالتين لا تروقني.
و واحد صاحبي من العصاة البررة ، يشبه العلاقة الزوجية بأكل المستشفيات صحي لكنه فاقد المذاق ، أما العلاقات المحرمة خارج المؤسسة الزوجية القابضة فهي تكتنفها أخطار شتى ولكنها طاااعمة ، ده طبعآ رأي صاحبي ، وكنت متوافق معه لحد ما وكنت بقول ليهو الأمر يتوقف على الشخص والطريقة صرف النظر عن الصحة والمذاق ، ولكن لما العالم أصبح مبتلى بإدريس أو السيدا حسب الفرنسيين جماعة بولا ، والسيدا في الأسيوية معناها عديل / مستقيم وللغات شئونها ، بعد ما تفشى { إدريس } في العالم فإن أكل المستشفيات أحسن ومضمون ومصان!!
اليومين ديا أوباري معلقة في روحي ، وكلما تجي سيرتها أتحسس قلبي ، بس خلوني بعدما أروي ظمئ] أعود ليكم لا أبلآ وثقت ولا يكفي القصيد روائعآ على زعمات ودالمكي
|
|
|
|
|
|
|
العنوان |
الكاتب |
Date |
خستكات ود بركات | أبو ساندرا | 11-07-04, 02:03 AM |
Re: خستكات ود بركات | Hussein Mallasi | 11-07-04, 02:37 AM |
Re: خستكات ود بركات | nazar hussien | 11-07-04, 02:43 AM |
Re: خستكات ود بركات | nazar hussien | 11-07-04, 02:46 AM |
Re: خستكات ود بركات | ودقاسم | 11-07-04, 03:05 AM |
Re: خستكات ود بركات | nadus2000 | 11-07-04, 03:50 AM |
Re: خستكات ود بركات | Ishraga Mustafa | 11-07-04, 04:23 AM |
Re: خستكات ود بركات | ABU QUSAI | 11-07-04, 04:41 AM |
Re: خستكات ود بركات | أبو ساندرا | 11-07-04, 10:19 AM |
Re: خستكات ود بركات | أبو ساندرا | 11-07-04, 10:53 AM |
Re: خستكات ود بركات | أسامة معاوية الطيب | 11-07-04, 10:59 AM |
Re: خستكات ود بركات | أبو ساندرا | 11-07-04, 11:28 AM |
Re: خستكات ود بركات | أبو ساندرا | 11-07-04, 10:11 PM |
Re: خستكات ود بركات | Hussein Mallasi | 11-08-04, 02:28 AM |
Re: خستكات ود بركات | أبو ساندرا | 11-08-04, 10:38 AM |
Re: خستكات ود بركات | فرح | 11-08-04, 10:57 AM |
Re: خستكات ود بركات | Ibrahim Adlan | 11-08-04, 08:37 PM |
Re: خستكات ود بركات | Ibrahim Adlan | 11-08-04, 08:39 PM |
Re: خستكات ود بركات | Ibrahim Adlan | 11-08-04, 08:47 PM |
Re: خستكات ود بركات | قلقو | 11-08-04, 11:01 PM |
Re: خستكات ود بركات | أبو ساندرا | 11-09-04, 10:22 AM |
|
|
|