نعى اليم ...... سودانيز اون لاين دوت كم تحتسب الزميل فتحي البحيري فى رحمه الله
وداعاً فتحي البحيري
|
Re: تجاعيدُ كفّيكِ ، حبّي // ليلى عبد المجيد (Re: ميرفت)
|
الجندرية ، سلام وتحية ومن وووووين لينا أن لا " نعتنق " كلنا لغة ذلك الموغل في مفردته محمد مدني .. بيناتنا وبينه ثبات حرف يعرف كيف ينحت الشئ الجواك وينظف كتابتنا من الشوائب .. وما يزال في خاطري منه بقايا ..
شريف محمد ادم ،، لك التحايا شكراً على عبورك الجميل بضفاف ليلى ، وعلى هذه الرقة والحس النبيل
عبد الله جعفر ، ليك كل المحبة والاشواق وتعرف يا عبد الله ، القصيدة دي بالذات ، كانت مزعجة جدا بالنسبة لليلى ، وعزيزة جدا وعلي .. بدأتها ليلى وتاهت منها المخطوطة الاولية وكانت فيها بعض المقاطع ، فتشنا عنها كل حتة ، وخلاص ، قلنا منه العوض وعليه العوض ، وبالصدفة لقيناها في بيت واحدة صاحبتنااسمها بدور في الحلة الجديدة بكوستي كنا معزومين عندها غداء ، وكانت ليلى مشغولة بالورقة ونحنا بنتونس بعد الغداء ، والظاهر جابوا الشاي فختتها في طرف العنقريب ، وبعد داك مشينا ، وهي مفتكرة انها اخدتها معاها .. الحصل اننا ما لقيناها ، وبعد زمن ، جات بدور تزورنا فسألتها ليلى عن الورقة ، فقالت اننا اخدناها .. المهم ، ليلى اتناست الموضوع ، وسكتت . وبعد مدة ، اتلاقينا مع بدور في مناسبة ، اول ما شافتنا جات والفرح بيتطاير من عيونها ، وقالت انها لقت الورقة بالصدفة في البيت ولازم تجوني بكرة تتغدوا معاي لو عايزينها .. وطبعا مشينا ، ومضت ليلى في الكتابة ، ولسة بتخيل انو القصيدة دي ما اكتملت ، ما عارفة ليه .. وتاني راحت القصيدة ، المرة دي في بيتنا ، وما لقيتها إلا بعد ما ليلى سافرت اليونان ، وارسلتها لها مع ود جيراننا (محمد الفكي ) اللي مشى يكمل قرايتو هناك ، وفي نيتي ان تكمل ليلى النص الشكلو مفتوح ،، لكنها اكتفت بها بشكلها ده ، وتاني ما جابت سيرتها على الاطلاق .. ف خلافا لأنو القصيدة قوية ومليانة بالشجن ، وكأنها مكتوبة بالدموع مش بالحبر ، كان لضياع النص مرتين ذكرى لا يمكن نسيانها ابدا ، الشئ الخلاني احس بانو القصيدة دي هي اجمل ما كتبت ليلى ،، وعدم اهتمامها بها مجددا خلاني اعتقد جازمة انو القصيدة ( وهي عن الدامر بلدها ) بقت تشكل ل ليلى هاجس لابد من الهرب منه ،،ليك كل الود يا عبد الله
علاء سنهوري ، سلام وتحية منتظرة اسمع همهماتك حول النص يا زول يا شفيف وبعدين وين الصديق حسام؟
|
|
|
|
|
|
|
العنوان |
الكاتب |
Date |
تجاعيدُ كفّيكِ ، حبّي // ليلى عبد المجيد | ميرفت | 02-14-04, 10:36 AM |
Re: تجاعيدُ كفّيكِ ، حبّي // ليلى عبد المجيد | nassar elhaj | 02-14-04, 11:40 AM |
Re: تجاعيدُ كفّيكِ ، حبّي // ليلى عبد المجيد | عشة بت فاطنة | 02-14-04, 11:52 AM |
Re: تجاعيدُ كفّيكِ ، حبّي // ليلى عبد المجيد | Alia awadelkareem | 02-14-04, 12:00 PM |
Re: تجاعيدُ كفّيكِ ، حبّي // ليلى عبد المجيد | شريف محمد ادوم | 02-14-04, 02:17 PM |
Re: تجاعيدُ كفّيكِ ، حبّي // ليلى عبد المجيد | ميرفت | 02-14-04, 04:34 PM |
Re: تجاعيدُ كفّيكِ ، حبّي // ليلى عبد المجيد | ميرفت | 02-14-04, 04:39 PM |
Re: تجاعيدُ كفّيكِ ، حبّي // ليلى عبد المجيد | ميرفت | 02-14-04, 04:44 PM |
Re: تجاعيدُ كفّيكِ ، حبّي // ليلى عبد المجيد | ميرفت | 02-14-04, 04:50 PM |
Re: تجاعيدُ كفّيكِ ، حبّي // ليلى عبد المجيد | نادر | 02-15-04, 07:37 AM |
Re: تجاعيدُ كفّيكِ ، حبّي // ليلى عبد المجيد | ميرفت | 02-15-04, 03:24 PM |
Re: تجاعيدُ كفّيكِ ، حبّي // ليلى عبد المجيد | شريف محمد ادوم | 02-15-04, 09:19 PM |
Re: تجاعيدُ كفّيكِ ، حبّي // ليلى عبد المجيد | السمندل | 02-17-04, 05:18 PM |
Re: تجاعيدُ كفّيكِ ، حبّي // ليلى عبد المجيد | Abdalla Gaafar | 02-17-04, 10:37 PM |
Re: تجاعيدُ كفّيكِ ، حبّي // ليلى عبد المجيد | Ala Asanhory | 02-17-04, 11:15 PM |
Re: تجاعيدُ كفّيكِ ، حبّي // ليلى عبد المجيد | الجندرية | 02-18-04, 11:15 AM |
Re: تجاعيدُ كفّيكِ ، حبّي // ليلى عبد المجيد | Ala Asanhory | 02-20-04, 02:16 AM |
Re: تجاعيدُ كفّيكِ ، حبّي // ليلى عبد المجيد | Ala Asanhory | 02-20-04, 02:16 AM |
Re: تجاعيدُ كفّيكِ ، حبّي // ليلى عبد المجيد | ميرفت | 02-21-04, 06:42 PM |
Re: تجاعيدُ كفّيكِ ، حبّي // ليلى عبد المجيد | بلدى يا حبوب | 02-21-04, 07:16 PM |
Re: تجاعيدُ كفّيكِ ، حبّي // ليلى عبد المجيد | ميرفت | 02-21-04, 07:27 PM |
|
|
|