الأخ / صديق الموج ( الجعلي ) صحي الدم بحن والله كما رحبتوا بي كنته داير أنده لي أهلي الجعليين أقول ليهم الأرباب صقر الجدي أتحقر في البورد .. حبابك عشرة وشكراً على المرورو والترحيب .. الجعليين في ترحيبهم باينين . الأخ العزيز / حميده الشكر الجزيل ( وأيه رايك نعمل رحلة ) وأوعك تقول ليه ذي ماقلته لي طارق نقد الله لأنه أنه أمبارح مشيت ملاهي الحكير وأطوطحته كويس ولعبته تمام .. وأسع مابقي ليه غير الرحلة ( تحية عطره ليك مع الحب والود ) . بقفل الساحة وبشيل مفتاح وبروح للباوقه اللزيز تفاحه ( ود الباوقه ) حبابك ألف وبالمناسبة الدم بيحن برضوا أنا لي أهل في الباوقه ( ناس عربي ) خالد عربي وأنا جعلي من المكنية ( ألا بندور ود اللحو وبندور غناه ) والجعليين حاريين لكين زولك أتلخبت شوية مع الدناقلة وشوية مع المحس وشوية مع الحلفاويين وحتى الشوايقه بقينا معاهم عشان كدي جرينا جري لي ود اللحو عشان شوية نتعايش ( تحية جميلة بجمال الباوقه وجمال نخيله وجمال ناسه ليك ياود الباوقه )
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
Khalid Saeed
فيس بوك
تويتر
انستقرام
يوتيوب
بنتيريست