|
|
 Re: تسعة ايـام قاسيـة ..في معسكر فتاشة الاجباري .. (Re: luai)
|
توقفت حافلتنا الصغيرة المتعبة امام الاشارة وصعد عسكري لداخل الحافلة
بينما وقف اثنان على الباب ...كنت اشاهد العسكر يملؤن المكان تماما ..صاح احدهم وطلب اغلاق كل النوافذ ..حتى لا (يتلب ) البعض على مايبدو ..حدث هرج ومرج بالحافلة انزل اكثر من اربعة من الشباب واحد منهم قال انه طالب فطلبوا منه البطاقة فقال انه نساها بالبيت فتم انزاله واثنان قالا بانهم متزوجان فتم انزالهم وانزل رابع ايضا ..
- ادينا بطاقتك يا وجيه ..(يبدو ان ملابسي قد غرته بالوجاهة المزعومة)
- انا مقيم بالخارج ..
- اديني الجواز ( يالحظي التعيس لم اكن احمل الجواز وانما بطاقة المغتربين )
- دي شنو دي
- دي بطاقة تبين اني مغترب وعليها كل ما يثبت ذلك
- دي ما بتنفع معانا انزل
تدخل احد الركاب في النقاش :
- يا جنابو ياخي دي والله بطاقة رسمية بتاعة المغتربين وبتطلعه ليهم الحكومة
- يازول هوي اسكت في حد سألك ولا قال ليك اتكلم ..
سكت الرجل سكت كل من بالحافلة ..ترجلت من الحافلة ونزلت ...
- اركب يا زول العربية دي
- يا اخي انا مقيم بالخارج وجاي اليوم الصباح ولم اصل اهلي بعد
- يازول هوي ما داير معاك كلام كتير اركب العربية دي بعدين قابل الضابط احكي ليه قصتك
مسكني من قميصي ودفعني دفعا للعربة الممتلئة بالرواد ...
- اركب يا زول سريع عامل قميصك السمح دا ..
في العربة كان الوضع ماساوي العربة مغلقة وموقوفة كل دقائق تفتح ويدخل فيها واحد او اثنين كان بها اكثر من عشرين من المقبوض عليهم شاهدت واحدا يبكي ..واحدا اخر كان واقفا يصفر ..وثالث ينادي بالشباك يسأل عن الكورة وعن ما بها ...واخر يلعن في سنسفيل الحكومة ..واحد كانت جلابيته (مشرطة ) وصدره شبه عاري يبدو انه جرى وتم القبض عليه وضربه على وجهه كانت رائحة العرق قوية والصيحات قويه ..والاستنكار قوى والمطاردات نشاهدها عبر السياج الحديدي للعربة قوية (فلم هندي عديل ) ....
- ياجماعة هوي ربو لينا اولادنا وامسكونا كان احدهم يصرخ بشدة
- يا جماعة اولادي ما معاهم زول ..
لم يكن هناك مجيب تحركت الحركة بعد ان امتلئت حتى النخاع ..كان احدهم يجلس على مقعد على محياه احترام يبدو انه توسم فيني شيئا ما فقال لمن بجواره افسح شويه ثم قال لي اقعد ..فجلست ..بينهم.. اظن العربة كانت (سفنجه) اصبح عددنا لا يقل عن 40 تقريبا الكثير واقف والبعض جالس ...وفجأة تحركت العربة ..
اواصل ..
|
|
 
|
|
|
|
|
| العنوان |
الكاتب |
Date |
| تسعة ايـام قاسيـة ..في معسكر فتاشة الاجباري .. | luai | 12-18-05, 08:05 AM |
| Re: تسعة ايـام قاسيـة ..في معسكر فتاشة الاجباري .. | luai | 12-18-05, 08:36 AM |
| Re: تسعة ايـام قاسيـة ..في معسكر فتاشة الاجباري .. | luai | 12-18-05, 10:11 AM |
 Re: تسعة ايـام قاسيـة ..في معسكر فتاشة الاجباري .. | Amin Elsayed | 12-18-05, 05:02 PM |
| Re: تسعة ايـام قاسيـة ..في معسكر فتاشة الاجباري .. | ادريس خليفة علم الهدي | 12-18-05, 05:18 PM |
| Re: تسعة ايـام قاسيـة ..في معسكر فتاشة الاجباري .. | القلب النابض | 12-18-05, 05:31 PM |
| Re: تسعة ايـام قاسيـة ..في معسكر فتاشة الاجباري .. | ادريس خليفة علم الهدي | 12-18-05, 06:50 PM |
| Re: تسعة ايـام قاسيـة ..في معسكر فتاشة الاجباري .. | luai | 12-19-05, 04:20 AM |
| Re: تسعة ايـام قاسيـة ..في معسكر فتاشة الاجباري .. | luai | 12-19-05, 04:12 AM |
| Re: تسعة ايـام قاسيـة ..في معسكر فتاشة الاجباري .. | Walid Safwat | 12-18-05, 08:10 PM |
| Re: تسعة ايـام قاسيـة ..في معسكر فتاشة الاجباري .. | luai | 12-19-05, 04:27 AM |
| Re: تسعة ايـام قاسيـة ..في معسكر فتاشة الاجباري .. | Al Sunda | 12-19-05, 04:56 AM |
| Re: تسعة ايـام قاسيـة ..في معسكر فتاشة الاجباري .. | luai | 12-19-05, 08:10 AM |
| Re: تسعة ايـام قاسيـة ..في معسكر فتاشة الاجباري .. | luai | 12-19-05, 06:09 AM |
| Re: تسعة ايـام قاسيـة ..في معسكر فتاشة الاجباري .. | luai | 12-21-05, 01:59 PM |
|
| |
luai
فيس بوك
تويتر
انستقرام
يوتيوب
بنتيريست