|
Re: الحثــــــــــاله (Re: قرشـــو)
|
الآخ قرشو تحياتي الطيبات واضح إنو ظاهرة العنصرية دي بقت منتشرة في أي مكان من آهم آسبابها النظريات البتبرر أقصاء وتهميش الآخر (يعني الني، بتاع النظريات القومية القديمة، قبّل للنار) الوزير الفرنسي طبعا بتصرف بنفس العقلية بتاعة "جان ماري لوبين" القدر يحصل على المركز الثاني في إنتخابات الرئاسة الفرنسية الأخير - مما حدا بغالبية الفرنسيين الوقوف بصلابة ضد عنصرية لوبين والتصويت الساحق لشيراك ليس حبا فيه ولكن حسما للقوميين الفرنسيين البقودهم ماري لوبين بس الفارق بين فرنسا وبينا نحن (عرب آو آفارقة) إنو فرنسا دي رغم كل الذي جرى ويجري، فيها ناس صناديد زي ناس جان بول ساتر ودريدا وليوتار أظنك تتذكر لما الفرنسيين كانوا بقوموا بحشد الناس للحرب الجزائرية بحجة الدفاع عن "الوطن" وشرف الإمبراطورية، ناس سارتر ديل مش رفضوا الإنصياع فحسب وإنما أعلنوا مساندتهم للثوار الجزائريين والناس الصناديد الزي ناس سارتر ديل بقدروا يركّبوا الوزير الفرنسي دة في "جلّك" - يعني ممكن يركب الشارع وممكن حكومته كلها تركب الشارع نعم في تحامل علي المسلمين في أروبا، بس المسألة دي مش لأنهم مسلمين بس، يعني الفرنسيين البيض المسلمين ما قاعدين يتعرضوا للبتعرضوا ليه الجماعة البوصفهم الوزير الفرنسي بأنهم "حثالة" حثالة دي بتشمل أي زول مهمش في فرنسا (مسلم آو غير مسلم) ما عارف نتضامن مع آخوانا ديل كيف، لكن الأكيد إنو في منظمات مجتمع مدني قوية جدا في فرنسا ممكن الناس تتصل بيها وتعلن رفضها لما حدث وخاصة تصريحات الوزير الفرنسي والجماعة ديل بعرفوا يركبوه قطر عجيب
أبكر آدم إسماعيل
|
|
|
|
|
|
|
العنوان |
الكاتب |
Date |
الحثــــــــــاله | قرشـــو | 12-07-05, 09:53 AM |
Re: الحثــــــــــاله | أبكر آدم إسماعيل | 12-07-05, 10:41 AM |
Re: الحثــــــــــاله | Elmuez | 12-07-05, 11:08 AM |
Re: الحثــــــــــاله | قرشـــو | 12-08-05, 06:48 AM |
Re: الحثــــــــــاله | JAD | 12-08-05, 02:39 AM |
Re: الحثــــــــــاله | قرشـــو | 12-08-05, 06:54 AM |
Re: الحثــــــــــاله | قرشـــو | 12-08-05, 06:34 AM |
Re: الحثــــــــــاله | أبكر آدم إسماعيل | 12-09-05, 08:24 PM |
Re: الحثــــــــــاله | Elmuez | 12-08-05, 09:58 AM |
Re: الحثــــــــــاله | walid taha | 12-10-05, 11:49 AM |
|
|
|