|
|
 Re: جامعة المغتربين : اجتماع تنويري لكافة الكفاءات بالرياض يوم الخميس 8 ديسمبر بالسفارة (Re: ahmed haneen)
|
غايتو حاقرين بناس السعودين جنس حقارة
جامعتكم دي حتكون زي باتريس لوممبا في موسكو.
جامعة عمرها اكتر من 40 سنة لكنها مازالت
أسوأ جامعة في العالم وأردأ طلبة إتخرجوا منها
رغم إنهم كانوا أحسن طلبة في بلدانهم عندما أرسلوا اليها
الجامعة أنشؤها الروس وسموها جامعة الصداقة وا في القبول
ليها أستهدفوا الطلبه الافارقه ودول العالم الثالث.
أها اليوم بعد 40 سنة عاين للجامعة وين و زيمبابوي وين.
بعدين إنتو غير ناس السعوديه مافي زول عندو مشكلة في تعليم اولادو
يعني ماحيجيكم زول غيرهم
فهم كلهم كده مع بعض كم طالب?
عشان تعملوا الزيطة و الزمبريطة دي?
ياخي إستوعبوهم في الجمعات الاصلن موجوده
أخلقوا ليهم Affirmative of Action سوداني
عشان تشجعوا حتي الماعندو مشكلة في التعليم في بلد تاني غير
السعودية , يجيكم
في أمريكا لم تفتح جامعة جديده خلال المائة سنة الاخيرة
عندهم 125 كلية طب أحدث واحده فيهم عمرها أكثر من
90 سنة
لكن عملية التحديث والتطوير عمرها ما وقفت
كل يوم مباني جديده , معامل جديدة, كلاس رووم إضافية
منافسه شديدة لاستقطاب أكبر عدد من الطلبة تحت نفس البروسيجرز
الاتوضعت ليها الف سنه لكن بمغريات مختلفه
سكن جامعي مريح قريب من الكامبس , صالات للرياضة, كورسات قوية
مكتبات , سكولارشب, قرانت,لونز
إنتو ليه ماتعملوا كده?
طوروا الجامعات الموجوده أصلا
شجعوها لإستقطاب أبناء المغتربين والـ diversity فيها فايده
للجامعة وده الشى اللي بتسعي ليهو كل جامعات العالم
بسياستكم دي كتلتوا جامعة الخرطوم الكان مفروض تكون
One of the best universiteis on earth
بعدم تطويرها وتحديثها
زمنا كان بيدخلوها 200 طالب زمن البوكسن
اليوم بدخلوها الالاف لكن ياها الجامعه القديمه ديك
نفس المباني,الداخليات,البركس
السستم الدراسي, المنهج نظام القبول
خيرة الطلبة بدخلوا جامعة الخرطوم, لكن لامن يتخرج
مابيكون الافضل
لكن نظرية كل سنة جامعة جديدة في البلد دي مضحكة.
بعدين في سؤال مهم جدا.
اللي هوا,
إنتو ليه ما عايزين تستوعبوا الناس ديل في جامعاتكم الموجوده أصلا?
ليه عايزين تعملوا ليهم جامعة خاصه بيهم وبـ إسمهم?
أي كلام تقولو إجابة للاسئلة دي, حيشكك في مصداقية الجامعة و موقفها
الأكاديمي
إنتو عايزين تفتحوا بزنس و تبيعوا شهادات للمساكين ديل.
لو عايزين تحلوا مشكلتهم استوعبوهم في الجامعات الموجوده و بـ قروشهم
طوروا الجامعات دي
|
|
 
|
|
|
|
فيس بوك
تويتر
انستقرام
يوتيوب
بنتيريست