|
Re: ياناس شوفو الحاصل شنو هنا (Re: نجود حسن عبد الرحمن)
|
يا سيف
انا مستغربة انك مستغرب حاجة زى دى..
اش معنى دى بس وناس الانقاذ يجوا لحدى عندها ويبقوا ناس مسئولين؟
جواز السفر السودانى واحد من الوثائق الحصلت فيهاالاعيب كثيرة جدا.
وانعكست على الجواز السودانى, سياسة السودان الخارجية الاصلها ما مشرفة.
جواز السفر السودانى منح وسيظل يمنح لكل من فر من دول الجوار وعايز يقعد عندنا كم
يوم.. او يكون ارهابى مثلا بيخطط يكتل ليه رئيس فى دولة مجاورة او ينسف ليه عمارة
عمارتين فى بلاد الله الواسعة..
جواز السفر السودانى سلعة رائجة جدا واذكر المراسلة فى وزارة الداخلية ايام نميرى
البنا ليه عمارة من الرشاوى بتاعة الجوازات..
وجواز السفر السودانى ايام حرب الخليج مثلا لمن صدام فتح الحدود, دخل الكويت ناس
ما سودانيين واكثرهم مجرمين , ولما تسأل الواحد انت من وين فى السودان يقول ليك
من (الابيد) يقصد الابيض..
وعملوا عمايل لدرجة المقاومة الكويتية كانت تصيدهم زى الفئران وكانت تكتب فى اعمدة
النور(أقتل سودانى تكسب دينار).
بس عشان الجواز سودانى وكل اسود عنده جواز سودانى يعنى سودانى عندهم...
يعنى كان كله عند العرب صابون...
وجواز السفر السودانى لا قيمة له طالما ان الدولة فقدت كثيرا من احترامها الدولى ..
والسودانيين المنتشرين ديل معظمهم بيفتشوا عن جواز سفر عشان يقدروا يتنقلوا فى بلاد
الله لقضاء حوائجهم بدون تحرش فى الموانئ والمطارات.
وكالعادة موضوع بهذا المستوى من الاهمية فى المنبر الحر , محتاج نقاش وكلام كتير,
تلقى البوست مر مرور الكرام وكأن لم يكن شيئا.
زى بوست العلاقة السودانية المصرية مثلا(الفيلم) وبوست اختلاس المال العام وبوستات كتيرة تناقش
قضايا جادة..
ولكن افتح ليك بوست فيه تسلية او شكل(بفتح الشين والكاف).
وبعد كدا حتحتاج اجازة عشان ترد على الناس.
حاجة غريبة يا أخى...
|
|
|
|
|
|
|
العنوان |
الكاتب |
Date |
ياناس شوفو الحاصل شنو هنا | saif massad ali | 09-10-05, 07:49 AM |
Re: ياناس شوفو الحاصل شنو هنا | إسماعيل وراق | 09-10-05, 07:59 AM |
Re: ياناس شوفو الحاصل شنو هنا | saif massad ali | 09-11-05, 03:40 AM |
Re: ياناس شوفو الحاصل شنو هنا | ALGARADABI | 09-10-05, 08:07 AM |
Re: ياناس شوفو الحاصل شنو هنا | نجود حسن عبد الرحمن | 09-10-05, 08:13 AM |
Re: ياناس شوفو الحاصل شنو هنا | nour tawir | 09-10-05, 04:23 PM |
Re: ياناس شوفو الحاصل شنو هنا | saif massad ali | 09-11-05, 03:52 AM |
Re: ياناس شوفو الحاصل شنو هنا | saif massad ali | 09-11-05, 03:44 AM |
Re: ياناس شوفو الحاصل شنو هنا | هشام مدنى | 09-10-05, 05:07 PM |
Re: ياناس شوفو الحاصل شنو هنا | سجيمان | 09-11-05, 03:48 AM |
Re: ياناس شوفو الحاصل شنو هنا | gamal elsadig | 09-11-05, 05:54 AM |
Re: ياناس شوفو الحاصل شنو هنا | saif massad ali | 09-11-05, 03:05 PM |
|
|
|