هل لدماغ المرأة أية فائدة؟

Quote: أرجو أن لا يكون ما اقتبست فيه سخرية من كلام الله ورسوله

, وكتبته مخصوصا استفزازا لهذه العبارات التي تقتل أي نقاش أو محاولة لأعمال العقل بتابو الدين وكلام الله والرسول
وما حاقول ليك ذكاء مني بس لقيت استدراجك للتعليق بهذه الصورة أنجح من الاشارة لها منذ البدء
وكمان زدت في شطحتي واتوقعت زول تاني يي يقول يطبقوا عليها الحد ويا خسارة زولة كنا فاكرنها متدينة
بالمناسبة الحد حيكون شنو في المرة دي؟
يعني حكم السخرية من كتابات مفترض انها دينية, وهل الكاتب والكاتبة نقدر نعتبرهم رجال ونساء دين عشان عقوبتي تكبر؟ زي ما شاكلوا تراجي لمن انتقدت القرضاوي
ما علينا

Quote: وأن لا نكتفي بقرآءة العنوان لنقوم بتسجيل مداخلاتنا

انت حسي دخلت جوة مخي الكبير الكامل ده وشفتني قريت العنوان وعملت المداخلة؟
وليه مفترض أي زول علق بتعليق ما عجبك بكون لفح العنوان وكتب ليك رد؟

بالمناسبة زمان كنت باقرى ليك كتابات جميلة وكانت بتعجبني, ما عارفة لي في الفترة الأخيرة حسيت انك اتغيرت, ألمس نوع من الاوتوماتيكية الرتيبة في كتابتك وردودك وكأنك وحدك تحمل لواء الدفاع عن الاسلام في هذا المكان. وان كان أحد يلفح العناوين فهو بالتأكيد انت

نسيت حاجة, المقالين أكثر من عاديين ولا يستحقان في نظري افراد بوست لهما لعدم اتيانهما بجديد
برضو حاجة تانية نسيتا, لماذا لا أجد في بوستات القص واللزق الدينية ما هو مكتوب بأقلام سودانية
ولي نخلي العرب ديل يفهمونا الدين والاسلام؟
أها ما تزعل من كلامي ده
وكان مصر تزعل اعتبره كأن لم يكن, مش ناقصات عقل ودين؟

ملاحظة: كتبت ما فوق على عجل ومافي نية أتشاكل معاك

(عدل بواسطة zola123 on 07-03-2005, 08:51 AM)