|
Re: لعمر مديد وسلطان مستدام،اريد ان اكون رئيسا لحزب سوداني،انتميت الي حزب رئاسته موقوتة،ورئيسه (Re: بشري الطيب)
|
الماجد بشري الطيب تحياتي
يا زول انا رئاستكم تب ما دايرها..انتو يا خوي اول رئيس ليكم انتقل الي رحمة مولاه..تاني رئيس افلس..تالت رئيس شاب راسه وشاربه ولحيته.. للرشرش عينو الشيب ضربو..وعبد الرحمن يوسف الله يكون في عونو..وما عارفين الجاي لابراهيم الشيخ شنو..انا جني وجن المرض،الشيب ،الفلس وكان لقيتلي بلدا ما فيها موت اها ديك بلدي..يا خوي انا تب رئاستكم ما دايرها..هسه اتو اتجاوزتوني كم مرة..شوف حتي ابراهيم الشيخ ..جا ورا وحجز الضرا..لا قلتو الزول مؤسس..ولا قلتو الزول دا اتسجن عشانا..ولا قلتو الزول دا كتب لينا..ولا اتكلم باسمنا..ولا اي حاجة ..كلو خليتو غادي..وجبتو الناس الجو بعدنا..هسه بذمتكم انا ..كان كنت في حزبن تاني ما كان بقيت حاجة اكبر من رئيس دي ..كان بقيت راعي،امام،مولانا،رفيق،مناضل،امام،ويمكن اكون بقيت حبيب ذاتو..اها شوفو ضيعت عمري معاكم كيفن..والبوجع بالجد ..انو رئاستكم الواحد ما بتهني بيها ..يومين تلاتة وتجو تقولو للواحد عايزين نغير..سنة الحياة..تجديد الدماء..الدورة انتهت..اتاحة الفرصة..تجديد الوجوه..وهسه شوف جنس ناس نضال حسن حسين دي الواحد يسوي معاها شنو؟ دا طبعا..غير كلامكم الكتير وعدم تقديسكم للزعامات..الواحد يجي الليلة للحزب بكرة يمسك ليهو واحد عمرو في الحزب خمسة وعشرين سنة..وحتي الرئيس ذاتو يمسكو..وهاك يا تلتلة ..الفوضك منو؟انت ما رجعت للمجلس الفلاني..انت ما اجتمعت باللجنة الفرتكانية..والكلام دا ما مجاز..القروش دي جبتوها من وين..سبحان الله مفالسة ما دايرين الغنا.. مرة في الجامعة..في انتخابات الاتحاد..شفنا الناس دعاياتهم بأوراق المانيلا..الورق المطبوع والمصقول..الفيديو..والبروشورات..قلنا نقادرهم شوية..بدل ورق الجلاد الاصفر داك..مشينا جبنا لينا مانيلا..ولفينا لينا كتيبات بالرونيو..الاسس والمرتكزات..البرنامج الانتخابي..هي طبعا ما زي بروشورات الاخوان.. اها جماعتنا بدل يشكرو قيادتهم ويقولو لينا بارك الله فيكم..دعو لاجتماع قاعدة..وهاك يا زرزرة القروش دي جبتوها من وين.. حقيقة الامر ان القروش ..كانت مالا خالصا للاخ الماجد حافظ بابكر راشد..الذي كان يمارس تجارة المحصول..وقد ذهبت معه لزريبة العيش الي ان اخذ ذلك المال.. لم نستطع الاجابة..لا ن حافظ يكره ان يقول انه قد دعم التنظيم ..فقد كان حساسا تجاه ذلك..ونحن ممتنعين عن الاجابة ..وبعض منا ..يقول تبرعات..آخرين دعم الخريجين.. الجماعة حسبوها لقوها ما لافقة..بعضهم بدا في الكلام الما ياهو..انتو بعتو التنظيم..انتو في جهة خارجية بتدعمكم.. اها ..باقي الكلام الما ياهو ..ما بعجبني..قلت لهم بطلو قلة الادب القروش دي حقت حافظ وانا مشيت جبتها معاه..وهي (لو لم تخني الذاكرة 400 جنيه او 4000 ).. لو رافضنها هسه ختو الختة ورجعوها لي سيدا..واللا اسكتو..اها جماعتك حط الطير علي رؤوسهم(باقي هم عندهم شوية اعتبار لحافظ لانه يعتبر المؤسس)..وقعدو في الاعتذار..وكان تكلمونا ..وكان..وكان..قلنا ليهم الراجل فاعل خير..ما داير يحبط عملو..وما داير يحس انو سيد التنظيم.. يا خوي رئاستكم تب ما دايرها..اها عشان كدي انا ناشدت البورداب يسولي حزبن اتسنجك في رئاستو مدي الحياة...
|
|
![URL](https://sudaneseonline.com/db/blank.gif) ![Edit](https://sudaneseonline.com/db/blank.gif)
|
|
|
|
|
العنوان |
الكاتب |
Date |
لعمر مديد وسلطان مستدام،اريد ان اكون رئيسا لحزب سوداني،انتميت الي حزب رئاسته موقوتة،ورئيسه توفي | saif khalil | 06-30-05, 10:13 AM |
Re: لعمر مديد وسلطان مستدام،اريد ان اكون رئيسا لحزب سوداني،انتميت الي حزب رئاسته موقوتة،ورئيسه | بشري الطيب | 06-30-05, 12:45 PM |
Re: لعمر مديد وسلطان مستدام،اريد ان اكون رئيسا لحزب سوداني،انتميت الي حزب رئاسته موقوتة،ورئيسه | saif khalil | 07-01-05, 02:52 AM |
Re: لعمر مديد وسلطان مستدام،اريد ان اكون رئيسا لحزب سوداني،انتميت الي حزب رئاسته موقوتة،ورئيسه | mohamed elshiekh | 07-01-05, 04:44 AM |
Re: لعمر مديد وسلطان مستدام،اريد ان اكون رئيسا لحزب سوداني،انتميت الي حزب رئاسته موقوتة،ورئيسه | saif khalil | 07-01-05, 01:57 PM |
Re: لعمر مديد وسلطان مستدام،اريد ان اكون رئيسا لحزب سوداني،انتميت الي حزب رئاسته موقوتة،ورئيسه | معتصم الطاهر | 07-01-05, 05:23 AM |
Re: لعمر مديد وسلطان مستدام،اريد ان اكون رئيسا لحزب سوداني،انتميت الي حزب رئاسته موقوتة،ورئيسه | saif khalil | 07-01-05, 02:10 PM |
Re: لعمر مديد وسلطان مستدام،اريد ان اكون رئيسا لحزب سوداني،انتميت الي حزب رئاسته موقوتة،ورئيسه | نصار | 07-01-05, 04:51 PM |
Re: لعمر مديد وسلطان مستدام،اريد ان اكون رئيسا لحزب سوداني،انتميت الي حزب رئاسته موقوتة،ورئيسه | saif khalil | 07-02-05, 01:04 AM |
Re: لعمر مديد وسلطان مستدام،اريد ان اكون رئيسا لحزب سوداني،انتميت الي حزب رئاسته موقوتة،ورئيسه | saif khalil | 07-03-05, 02:28 AM |
Re: لعمر مديد وسلطان مستدام،اريد ان اكون رئيسا لحزب سوداني،انتميت الي حزب رئاسته موقوتة،ورئيسه | Elawad Eltayeb | 07-03-05, 03:12 AM |
Re: لعمر مديد وسلطان مستدام،اريد ان اكون رئيسا لحزب سوداني،انتميت الي حزب رئاسته موقوتة،ورئيسه | mohamed elshiekh | 07-03-05, 12:29 PM |
Re: لعمر مديد وسلطان مستدام،اريد ان اكون رئيسا لحزب سوداني،انتميت الي حزب رئاسته موقوتة،ورئيسه | lana mahdi | 07-03-05, 12:47 PM |
Re: لعمر مديد وسلطان مستدام،اريد ان اكون رئيسا لحزب سوداني،انتميت الي حزب رئاسته موقوتة،ورئيسه | هشام مدنى | 07-03-05, 03:19 PM |
|
|
|