هل نحن شعب (مُبشتن)؟..دعوة للنقاش..

Quote: الأخ محمود الذيذ جد جد والله فتحت لي موضوعات (ممغساني) جنس (مغسة) ... موضوع الكسل ده أنا رابطو ليك بحاجة (تغيييظ) الوساخة ... الوساخة يا ناس ... والله بلدنا دي وسخانة جنس وساخة ... واكتشفت ليك الحكاية دي في أول اجازة مشيتها السودان ... ما قصة إنو بس السعودية دي بلد نضيفة لا أبداً نحنا بلدنا وسخانة ... الناس لسه بتبول وهي واقفة في الشارع في محل محدد كده تلقاهو عبارة عن (WC) في الهواء الطلق ... تعرف دي أكتر حاجة ما حضارية في بلدن ديك ... يعني كيف الزول يعمل كده ؟؟؟ وده يمكن يكون مبعثو سيء الذكر (الكسل) عجزان يوصليهو حمام يوقم في نص الشارع والخلق ماشة وجاية يقبل ليك على الحيطة ويفتح البنطلون وهاك يا رششششششششش ... والله دي بس لو خليناها وقدرنا نحاربها تاني مافي عوجة كلو بتصلح ... موضوع تاني بيدور في نفس فلك موضوع الكسل وهو قصة المظهر (خلقة الله ما عندنا فيها كلام.... لكن سرح ... يسرح قلبك ومصارينك.... ) والله دي ريحتني فها شديد .. عندنا هنا عادي تلقى الواحد لابس ليك عراقي (هبابي) وسروال قصير وسفنجة وماشي في الكورنيش !!!!! عادي كأنو ما عامل أي شيء ويتونس ويضحك ... والرأس لا طاقية ولا تسريح !!! نقطة تاني بخصوص المظهر وهي الاختيار يعني اختيار لون القميص أو البنطلون أو التشكيلة يعني الخطوط الزخارف الفي القميص أو البنطلون ... يعني عليكم الله يا ناس يا سودانيين ذوقكم في الاختيار ده قصتو شنو يعني بالضبط كده؟؟؟ والله الواحد تلقا لابس قميص وهو ماشي الشغل تشوفو يجيك طمام من كتر الألوان وتلقى هو نفسو مشتري القميص لنفسو يعني اختيارو ... ألوان خموم واختيار الله لا وراك ... الأمر ليس ببعيد عن التلفزيون ومذيعييه الأشاوس ... قميص كاروهات تحت البدلة؟؟؟؟ّّّ!!!! قميص مخطط برضو تحت البدلة ما ليهو علاقة بألوان البدلة وزول جاي التلفزيون وعارف جزمتو حتظهر في القعدة ما مورنشها ده شنو ده ؟؟ يانس ده شنو ده ؟؟؟ محمود برجع ليك تاني عندي (مغسة كتيرة) داير أطلعها ليك هنا وأعمل فيها الدايرو نادر احبك لا الزمن حوّلني عن حبك ولا الحسرة

(عدل بواسطة نادر on 06-28-2005, 00:15 AM)