معـتـز تـروتسـكــي... (توجد صورة) شرط... ما عينة لاكين..!!

Quote: زمن الموضه كانت تفه.. وقميص تحرمني.. والجزمة قزاز... والبنطلون شارلستون... تريفيرا... كان أصفر.. ولا أحمر... والشعر خنفس... مشعوق فوقو خلال.. مشط.. والمراية عين جمل.. ولا شنو..!!

.
لكن فعلا يخلق من الشبه 40 ولا رايك شنو. .

الصوره دى
ايام البوب وعلى قولة خالتى (بريم الشعر)
طبعا النحكى ليك حكاية البوب دى
اساسا كنت عامل لي شعيرات زى مابتقول الوالده اها كل يوم تزن فينى احلق احلق وانا ولا الشغله لمن بقت تضغط على كتير بقت اتزاوع منها الوالد ديمقراطى ماعندو عوجه..
اها مره خلاص فاض بيها لمت ليك فينى قالت (نظام مدخل للحنك)
انا اسى نور الجيلانى ده مابريدو عشان شعيراتو ديل
فانا صراحه مابكون سعيده لو ماحلقت
فانا قمت قلت شيتا بجيب زعلها يازول فى 60
مشيت حلقت طبعا زعلان على شعيراتى
المهم حلقت..
من حلقت تانى حلف بى دينو مايقوم شبر الا ماشى ناقص
فى السنه يقوم 3 سنتيمتر
والجسم بى جوه زى القرد. .
بس الا الراس . .
بتكون الوالده دعت انو مايقوم غايتواسى قبلنا بيهو كده زى صورة المشرحه ديك..
او لو مسكناها من ناحية عليمة الوراثه وبعدين النقص فى اليود اسى لو لاحظته اغلب ناس الغرب يمتكون جلحات وصلع لانو المويه مافيها يود كافى وايضا عدم وجود السمك فده بعمل غده ونمؤ بطئ للشعر ووو الخ
اعمامى كلهم مافى زول لاجلحات ولا صلعه لكن بكون من خيلانى اصلو هم اتنين
واحد شعرو زى مصطفى سيد احمد والتانى قاعد حفيان ساى
بيكون التانى ده. .
قمت قلت لى بت خالى ابوك ده لو خرب شكلى ترجى الراجيك والعرس بس
لكن جيت بى جاى عرسوها بى هناك. .

قلت لي ذكرتك ايام الشباب
انا عارفكم كنت قالبين الواطه قلب
مره راكب مع ابو العربيه جبيت لى شريط عثمان حسين قدييييم شغلتو ابوى بقى يترنم معاهو وقام سالنى قال لى الحفله دى فى بورسودان..؟
تانى قال لى ما اظن ..
طبعا انا بسمع ليهو ساى
قلته فى سرى تاريهو الحاج كان قالب الواطه قلب حددها لى بورسودان؟
(لحن الحياه منك وماتقول نسينا الماضى ناسينك-ودالقرشى. . )

انت بتكون نفس الدقه
كاتلين الجداده وخامين بيضها. .
منك جفله يارزقه..
بارى لى ناس تمبس ديل ساى تلقك انت الريس وناس شتات اى كلام

********************************************
waleedi399
اها جينا بى حقنا
قالولك هين ولا لين..
بدل ترفعوا معنوياتنا تحبطونا
يلا دايرنكم تظهرو ونعمل عرس جماعى فى البورد. .