|
|
 Re: ياسين عمر الامام ..الناظر قال ليه جيب ولي امرك!!! (Re: Asskouri)
|
يالؤي
الموضوع الفتحته ده مهم جدا! ما تخليه!! بحتاج لنقاش كتير وكتير جدا!
ليه الاسلاميين بفتكروا انه الناس الاخرين ما عندهم كرامه واملاكهم وعروضهم غنائم مباحه لكل من هب ودب!
اشرحوا لينا الفهم ده بتجيبوا من وين؟
ليه ما بتحسوا إنه الناس الاخرين ليهم 16 سنه بعانوا من ظلمكم وانتهاكاتكم وتجاوزاتكم وهضمكم لادني حقوقهم!
ليه لمان جات فيكم انتو بقت حاره؟
الواحد فيكم يحفظ الفاتحه وقول هو الله احد (يقرب يقول بقي رسول)!! خلاص الناس التانيين ما عندها حق في حاجه !!
نظام الانقاذ ده من يومه الاول أظهر جراءه علي إنتهاك حرمات الناس غير مسبوقه في التاريخ البشري!!
بتبقي حاره عشان واحد منكم حاكموه! ما حقوا تحمدوا الله! في ناس ما تحاكمت بتاتا! وفي ناس اعتصبت وانتهكت اعراضها! دي كلها ما شفتها شفت يتاعت الراجل ده! الاخرين ما عندهم كرامه في فكركم، ولا عندهم حرمه اموالهم واعراضهم وحياتهم غنائم ( للمسلمين!!)
العملتوا في الجنوب ودارفور ما في اي حكومه في العالم عملته! وجاي تتتكلم بكل ما عارف إيه عن الشهداء !! مين الشهداء ديل ومشوا يعملوا شنو في الجنوب!! ما بتشوف طبعا الاتنين مليون روح الابادوها في الجنوب! ولا عشان الحركه الشعبيه عفت ليكم الدماء والارواح القتلتوها في الجنوب! اها بقول ليك حاجه أكان الحركه الشعبيه عفت الدماء الاهدرت في الجنوب نحن ما خليناها! ديل ياسيد مواطنين ضميرنا بسالنا منهم كل يوم! وبقول ليك دا واحد من الاسباب التي سنختلف بسببها مع الحركه الشعبيه! هنالك ملايين من الابرياء قتلوا في الجنوب بدون سبب! الحركه ما عندها الحق تتنازل عن ملاحقة من قتلوهم! حتي اسري الحركه الكنتوا بتعدموهم( تفسحوهم) الحركه ما عندها الحق تنازل عن حقوقهم! ديه جرائم ياسيد! بحكم قربنا من الحركه حا نشوف الموضوع كيف تمت تسويته وبنجيك!
ايضا وين الالاف من الطلاب الزج بهم النظام في حرب لا ناقة لهم فيها ولاجمل! هي ارواح الناس لعبه يعني!
تقتلوا الناس وتبنوا الفلل وتتكلموا عن الاستثمار!
ما اصلوا البلد لازم يكون فيها قانون او ما في قانون! ما تفتكروا انه توقيع السلام مع الحركه الشعبيه او ثوار دارفور بنهي القضيه!!
طالما انت بتتكلم عن الشهداء الحرب من انتهت!! اشمعني انتوا ناسكم شهداء والناس الاخرين ما شهداء! يعني الماتو في شرق السودان وفي دارفور وفي الجنوب ( بهائم )! ده فهمكم للقضيه! تموتوا انتو شهداء والمواطنين البتكتلوهم ( بهائم)!!
كده قلينا الطلاب الكتلتوهم في العيلفون موقعهم من الاعراب شنو! بهائم برضوا!!
زعلانين عشان واحد حاكمتوا المحكمه! ما زعلت لقصف القري والاطفال في دارفور والجنوب!
حكم محكمه تافه ساكت لواحد من ناسكم يزعلكم لمان تقصف مدرسه بتاعت اطفال في جبال النوبه وتقتل الاطفال ما بتزعل!!
ياسيد قضايا الحقوق ديه لازم تكون واحده ولا البلد ما حتمشي لقدام ولا حايكون في استقرار!
التعالي والاضطهاد البتمارسوه علي الناس ده لازم يتوضع ليه حد!!
|
|
 
|
|
|
|
|
| العنوان |
الكاتب |
Date |
 ياسين عمر الامام ..الناظر قال ليه جيب ولي امرك!!! | فخرالدين عوض حسن | 06-08-05, 10:19 AM |
| Re: ياسين عمر الامام ..الناظر قال ليه جيب ولي امرك!!! | luai | 06-09-05, 03:41 PM |
| Re: ياسين عمر الامام ..الناظر قال ليه جيب ولي امرك!!! | فخرالدين عوض حسن | 06-10-05, 07:53 AM |
| Re: ياسين عمر الامام ..الناظر قال ليه جيب ولي امرك!!! | Asskouri | 06-10-05, 08:11 AM |
| Re: ياسين عمر الامام ..الناظر قال ليه جيب ولي امرك!!! | فخرالدين عوض حسن | 06-10-05, 09:50 AM |
| Re: ياسين عمر الامام ..الناظر قال ليه جيب ولي امرك!!! | هشام مدنى | 06-09-05, 03:50 PM |
| Re: ياسين عمر الامام ..الناظر قال ليه جيب ولي امرك!!! | luai | 06-09-05, 03:54 PM |
| Re: ياسين عمر الامام ..الناظر قال ليه جيب ولي امرك!!! | jini | 06-09-05, 04:18 PM |
| Re: ياسين عمر الامام ..الناظر قال ليه جيب ولي امرك!!! | Asskouri | 06-09-05, 04:34 PM |
| Re: ياسين عمر الامام ..الناظر قال ليه جيب ولي امرك!!! | jini | 06-09-05, 04:48 PM |
| Re: ياسين عمر الامام ..الناظر قال ليه جيب ولي امرك!!! | Asskouri | 06-09-05, 04:51 PM |
| Re: ياسين عمر الامام ..الناظر قال ليه جيب ولي امرك!!! | luai | 06-09-05, 05:05 PM |
| Re: ياسين عمر الامام ..الناظر قال ليه جيب ولي امرك!!! | jini | 06-09-05, 05:21 PM |
| Re: ياسين عمر الامام ..الناظر قال ليه جيب ولي امرك!!! | luai | 06-09-05, 05:41 PM |
| Re: ياسين عمر الامام ..الناظر قال ليه جيب ولي امرك!!! | Asskouri | 06-09-05, 05:23 PM |
| Re: ياسين عمر الامام ..الناظر قال ليه جيب ولي امرك!!! | luai | 06-09-05, 05:49 PM |
| Re: ياسين عمر الامام ..الناظر قال ليه جيب ولي امرك!!! | Asskouri | 06-09-05, 06:14 PM |
| Re: ياسين عمر الامام ..الناظر قال ليه جيب ولي امرك!!! | kamalabas | 06-09-05, 06:13 PM |
| Re: ياسين عمر الامام ..الناظر قال ليه جيب ولي امرك!!! | Ibrahim Adlan | 06-09-05, 06:19 PM |
| Re: ياسين عمر الامام ..الناظر قال ليه جيب ولي امرك!!! | Asskouri | 06-09-05, 06:27 PM |
| Re: ياسين عمر الامام ..الناظر قال ليه جيب ولي امرك!!! | Asskouri | 06-10-05, 04:32 AM |
|
| |
Asskouri
فيس بوك
تويتر
انستقرام
يوتيوب
بنتيريست