|
|
 Re: لجنة برلمانية مصرية تقترح تحفيز من يتزوج سودانية (Re: AttaAli)
|
الاخ العزيز عطا
قلت لي:
| Quote: كلامك عن برنامج وتركيبة واسم حزب الحركة الوطنية غير صحيح وفيه كثير من التجنى ارجوا ان تراجع معلوماتك عنه. |
والله ياخي مصيبتي في المنبر ده مصيبة كبيرة خلاص!
من جانبي انا واعي شديد للحتة دي.
معظم الناس هنا، من الباخد او بدي معاهم، في حقيقة اساسية غايبة او معيبة عنهم.
دي فرصة نسلط الضوء من جديد علي حقيقة اختلافي الجذري مع الخط العام لذهنية السودان المصري الانجليزي، القديم.
فيا عزيزي عطا، ولغياب اي ارضية مشتركة بيننا، كلامي يبدو لك كنوع من التجني علي ما يسمي "بحزب الحركة الوطنية".
بالنسبة لي، الفرد السوداني الحالي، نمط تفكيروا وكل اشكال منظماتو المدنية، دولتو، برلمانو، علمو، جيشو..الخ، صناعة مصرية انجليزية!
فمعروف الاتحادي، حتي من اسمو الماعندو معني، عملوه المصريين، والامة جمعوه الانجليز.
بالنسبة لي يمين الاسلام السياسي، فهو تركية سابقة عديل!
المصريين هم الدشنو الاسلام السياسي في 1821، علي انقاض دولة الصوفية في سنار.
عشان كده ماصدفة انو حركة الاخوان المصرية هي القابضة علي السلطة، بالاضافة لي وهابية السعودية.
فاذا يمين السودان القديم، مصري او عروبي، فاليسار مزيج مصري انجليزي! حيث دور الانجليز والمصريين واضح في نشاءة الحزب الشيوعي، ابو اليسار القديم.
لذلك ماصدفة كيف احزاب البعث والناصري، كانت مجرد فروع لي احزاب اجنبية عربية، سوي مصرية او عراقية او سورية او حتي ليبية!
بزمتك ده يطلع شنو؟
لمان نقول السودان الحالي، هو وديعة الاحتلال الثنائي، فهذا ما نقصد.
عشان كده انا بضحك لمان اقع من طولي، لمان اسمع الاكليشي بتاع "حزب الحركة الوطنية"، ولا التنبل ازهري رفع العلم كيف!
فالاتحادي انشئ اساسا كاداة وعين ساهرة علي المصالح المصرية بالسودان تحديدا!
وهكذا نجد كل اشكال التنظيم في السودان غرضها الاساسي الحفاظ علي Anglo Egyptian Sudan لاطول فترة ممكنة!
الان وبفضل المقاومة العنيفة لقوي السودان الجديد، البناء القديم بدأ يترنح، كمقدمة للانهيار التام، القادم لامحالة- حربا كان ، سلما كان!
علي كده ولانو المصريين "صاحين للون"، تبنو التجمع وصبروا علي اذي شبلهم الاخواني.
مصر وبالذات مع موت القومية العربية، ونهاية مولد القضية الفلسطينية، او شيك "الولي" الحيقيف قريب، ماعندها اي مخرج بالمرة، غير التوجه جنوبا، ذي ماعمل محمد علي!
في 1821المصريين كحل لي مشاكلهم في الزمن داك، كانو بي بساطة بقبضونا ذي الجراد، وببيعونو في سوق الله اكبر!
البنفد من القبض بي بساطة كانو بملصوا العندو قلع عديل، ضحي او نصة نهار!
الان مافي طلب علي العبيد امثالنا، مع الانتاجية العالية لي للتقنية الحالية، مقارنة بالخمسمية سنة الماضية، لمان اطفالنا، كانو بتباعو بالرطل في الغرب، ذي كرشة الخنزيز في بورصة شيكاغو! ليستخدموا لاحقا، كاداة انتاج اساسيا، في حقول القطن بالمسسبي، او السكر بفلوريدا، مثلا.
لذلك الان للمرة الاولي نسمع بي تشريع برلماني لدعم زواج المصريين بالسودانيات، وانت بكل حسن نية، بتسأل لو الخطوة دي فيها فايدة للشعبين!
نعم الشعبين، مش الشعب السوداني!
بقول كده، لانو اصلا موضوع مصلحة اي شعب اخر، مامفروض يكون موضوع اهتمامنا كشعب سوداني!
ومن دون شعوب الارض مفروض نكون سلفا عارفين، كيف لايمكن مصلحتنا باي حال من الاحوال، ممكن تلتقي مع مصلحة المصرييين، اعداء السودان من زمن حفروا البحر!
عارف يا اخ عطا، البحرده حفرو متين؟
ولا حفرو ليه؟
والحفرو منو؟
لو عرفت تجاوب علي الاسئلة دي، حتعرف معني كلامي، كيف المصريين هم عدونا الاوحد عبر التاريخ!
اذا وقع ليك ده، حتقع ليك عبارتي "ياللعار"، وخطورة وجود التجمع، حصان طروادة المصالح المصرية، في "قاهرة المعز"!
في انتظار اجاباتك، قبل ما نواصل، وشكرا للمتابعة.
|
|
 
|
|
|
|
|
| العنوان |
الكاتب |
Date |
 لجنة برلمانية مصرية تقترح تحفيز من يتزوج سودانية | AttaAli | 05-20-04, 00:24 AM |
| Re: لجنة برلمانية مصرية تقترح تحفيز من يتزوج سودانية | Bashasha | 05-20-04, 03:36 AM |
| Re: لجنة برلمانية مصرية تقترح تحفيز من يتزوج سودانية | هاشم نوريت | 05-20-04, 04:44 AM |
| Re: لجنة برلمانية مصرية تقترح تحفيز من يتزوج سودانية | AttaAli | 05-20-04, 05:43 AM |
| Re: لجنة برلمانية مصرية تقترح تحفيز من يتزوج سودانية | Bashasha | 05-20-04, 05:29 AM |
| Re: لجنة برلمانية مصرية تقترح تحفيز من يتزوج سودانية | كبسيبة | 05-20-04, 09:49 AM |
| Re: لجنة برلمانية مصرية تقترح تحفيز من يتزوج سودانية | AttaAli | 05-20-04, 07:22 PM |
| Re: لجنة برلمانية مصرية تقترح تحفيز من يتزوج سودانية | شمهروش | 05-20-04, 09:20 PM |
| Re: لجنة برلمانية مصرية تقترح تحفيز من يتزوج سودانية | Bashasha | 05-20-04, 10:36 PM |
| Re: لجنة برلمانية مصرية تقترح تحفيز من يتزوج سودانية | Kostawi | 05-21-04, 01:06 AM |
| Re: لجنة برلمانية مصرية تقترح تحفيز من يتزوج سودانية | AttaAli | 05-22-04, 04:43 PM |
| Re: لجنة برلمانية مصرية تقترح تحفيز من يتزوج سودانية | AttaAli | 05-25-04, 09:22 AM |
| Re: لجنة برلمانية مصرية تقترح تحفيز من يتزوج سودانية | مارد | 05-25-04, 10:29 AM |
| Re: لجنة برلمانية مصرية تقترح تحفيز من يتزوج سودانية | AttaAli | 05-26-04, 00:13 AM |
| Re: لجنة برلمانية مصرية تقترح تحفيز من يتزوج سودانية | AttaAli | 05-27-04, 03:10 AM |
|
| |
Bashasha
فيس بوك
تويتر
انستقرام
يوتيوب
بنتيريست