|
|
 Re: مفتش اراضي يرفض منح زوجته قطعة ارض مميزة !! (Re: خالد العبيد)
|
التحية لك اخى خالد العبيد
والتحية للاستاذ مجدى السر
والتحية موصولة الى شقيقى مساعد المحافظ واليك ما حدث منه تماما
والله على ما اقول شهيد .
جاهوا قرار بتوزيع الاراضى فى ام درمان لفترة من الزمن وكان يعود من الشغل فى وقت متأخر جدا من الليل وسألته الوالدة عليها رحمة الله فاخبرها بانه يقوم بتوزيع الاراضى للناس الما عندهم ولا يستطبع العودة الا بعد ان ينتهى من الصفوف المحددة ، اخبرت والدتى شقيقتها، خالتى قالت ليها يا عويرة ولدك يوزع فى الاراضى وانت قاعدة بكرة من الصباح نمشى نقيف وندخل كاننا ما بنعرفه ونختوا امام الامر الواقع ، وفعلا شالوا قريشاتن ومشوا واقفين اربعة ساعات ولما جا دورهم قالت لى امى ادخلى انت اول ودخلت امى لما شافها وجم وقال ليها اهلا يا حاجة ما عندك بيت ساكنين فيه سكتت من الخجل والخوف قال ليها مالك ما بتردى اذا متوضية احلفى القسم وجيبى اوراقك يقف بجوارها رجل قال ليها امشى انت قدام راجل خايف الله وان شاء الله ربنا يرحم امه لو حية او ميتة امانة ما ولدت .
قالت ليه الوالدة اوراقى ناقصة برجع ليكم تانى فقال لها شقيقى امشى يا حاجة ربنا يسهل ليك واستمر ينادى بقية المستحقين ويوزع ليهم فى الاراضى وهو لا يملك شبر الا ان استحق ارض بعد سنوات .
وترك اخى بصماته واثره الطيب فى كل المحافظات التى عمل بها ودعوات الناس تلاحقه اينما حل ووالله لقد سمعت سيرته فى ابو ظبى وحينها بكيت
وقلت الحمد لله .
تسلم يا ابو عمر اخوى والله يبارك ليك فى اولادك اكتر واكتر
تسلم يا خالد العبيد
تسلم يا مجدى السر
والله يا خالد السودان مليان بالرجال الخايفيين الله .
امال
ام وضاح
|
|
 
|
|
|
|
|
| |
essam&amal
فيس بوك
تويتر
انستقرام
يوتيوب
بنتيريست