مصيبة دارفور في اهلها اكبر من مصيبتها في الحكومات

Re: مصيبة دارفور في اهلها اكبر من مصيبتها في الحكومات (Re: المهدي صالح آدم)
الاخ العزيز المهدي مرحب بيك للمره الثانيه نعم الاختلاف في الراي لايفسد للود قضيه دا كلام عقل وكمان الاختلاف في الراي امر طبيعي بين الناس.والغير طبيعي هو كيفيه اداره هذا الاختلاف لنصل الي اتفاق وائتلاف ويكون ذلك الابداع الفني بام عينه. ولندلف الي لب الموضوع مباشره نسبه لضيق الزمن. عزيزي المهدي الاسئله المتضمنه في صدر مقالك علي ان محنه دارفور كامنه في مثقفيها. والارجح حسب معطيات الامور للواقع المعاش في دارفور هوسوف تكون الاجابه علي تلك الاسئله(لا) لسبب بسيط جدا لانك انت بتطلب من ناس ليهم السياده عليك ان يعطوك من فضلهم مع انك صاحب حق لماذا لاتعطيهم انت الوزارات السياديه والمؤسسات الحكوميه والي الخ.....مالك انت ماك سوداني اصيل مثلهم سواء ان كنت من الغرب او الشرق او الشمال او الجنوب لماذا فرضوا عليك وعلي وعلي اي شخص في الاقليم ان تكون اياديهم العليا علينا في العطاء وايادينا هي السفلي في الاخذ منهم وانت والغير ينعم بنفس سودانيتهم وبنفس مواطنتهم! فهذا الشعور بالدونيه في مستوي الحقوق والواجبات للمواطنه بعينه مكمن الالم. و كثير من اهلنا بدارفور وباقي الاقاليم المهمشه الاخري صارت الدونيه ليهم عاده يعني الواحد ابدا ماحيكون مرتاح مالم يعطوه حقوقه الوطنيه حتي ولو علي متناول يده يتمني لو اعطيت له لانه صار يالف الدونيه فصارن له سمه من سماته وهذا يذكرني بالطرفه بتاعت السوداني عرض عليه واحد عربي خليجي بعض الامنيات واحلام اليقظه او سميها احلام ظلوط. فقال ليه الخليجي يازول(سوداني) لو اعطيناك هذه العماره ماانت فاعل بها ؟ اجاب السوداني بكل بساطه سوف اعرضها للايجار واكون فيها بواب(حارس)!.يعني السوداني بدلا ما يكون سيد وصاحب حق يتمني ان يكون خادم لانه تعود كده وصار يالف العبوديه لانه اعتاد مهنه الحراسه لانه ظل يردح فيها العمر كله .فقوليه خليك بواب وحارس للابد عمرك ماحتنعم بملكك وتكون مستقل. وانت قد تكون محق في قولك بان مشكله دارفور من مثففيها اذا المثقف الدارفوري لديه استقلاليه في حسم القرارات المتعلقه بشؤن الاقليم من دون الرجوع الي الذين عينوه في المنصب الصوري التشريفي في داخل القصر الجمهوري.كل حكام دارفور الذين اتوا بعد الطيب المرضي لايستطيعون الانفراد باي قرار لمصلحه دارفور التنمويه, مالم يرجعوا للاسياد وتملي عليهم الشروط بمخطط القصر الجمهوري. ومن شذ عن هذه القاعده يكون ابن غير بار بدارفور ويالب عليه الراي العام ويدمق بالجهويه والعنصريه.ومن ثم يكون في خبر كان وياتون بواحد اخر ينفذ مخططهم بالحرف الواحد. ما دور المثقب الدارفوري في عمليه مايدور بالاقليم بل بالسودان هو ضحيه من الضحايا.لان حكومه الانقاذ كسرت كل الادارات الاهليه الكانت قبيل لديها اليد العليا في فصل القضايا المحليه من دون اللجوء الي الجهات القضائيه المتمثله في المحاكم.وزرعت الفتن بسياسه فرق تسد. مثلا الان انت دارفوري ما هو دورك السياسي والاقتصادي الممكن ان تلعبه لتغير الواقع هنالك اذا كنت بداخل السودان.وناهيك عن هذا كله فما هو دور المثقف الدارفوري لاعن السياسه والاقتصاد بل عن كلمه ثقافه نفسها, انت المهدي صالح يعني حط نفسك كمثال ماهيه ثقافتك وما هيه الثقافه المفروضه عليك(اقصد جزء من الثقافه في جانب الارث الفني). اكيد حتقول لي العزف علي الربابه لو كنت صادقا. لان الربابه فرضت عليك في اعلام السودان(راديو تلفزيون...) في حين ان الجراري والتويه والهجوري هي جزء اصيل من ثقافتك بل هي ثقافتك الفنيه الحقه لاسواها بحكم وجودك الجغرافي ولكن الجلد يقشعر والاذن تنزعج من سماع ثقافتك الفنيه لانها وببساطه شديده غير مرغوب فيها من الاسياد الحكومه بالخرطوم وتكون في خانه التخلف والبدائيه لامنهم بل منك انت لانهم لم يفسحوا لك بالمجال اعلاميا لكي تتذوق تراثك وتذوق التراث يحتاج الي مراه عاكسه له وتلك المراه هي الاخر(المجتمع)لان التراث مهما يكون جميل اذا لم يجد متلقين له فلا ابداع ولااعجاب نرجوه منه فلذا انت تقبل تراثك في حيز مليط (غرونه) ولكن لاتقبله بل تفر منه اذا طلب منك ان تقدمه امام جمهور في قاعه الصداقه مثلا .لماذا؟. بمعني اخر اذا ظهر واحد بتاع جراري يغني للابل والفروسيه واخر بتاع ربابه يغني للساقيه والنخيل والشادوف في تلفزيون السودان مين المتحضر ومين المتخلف ولماذا هذه الفروق؟ ليش مانكون كلنا في الهوا سويا؟ لماذا لاتجد ثقافه الغير قبولا في الاعلام السوداني ؟ ليش نركز علي اقليم واحد ونقول انه هذه كل الثقافه بالسودان؟.ولماذا اذا رطن الدنقلاوي او محسي نعتير الحكايه عاديه واذا رطن الفوراوي او الدينكاوي ننظر له بالتخلف او تكلم البرتاوي بعربي مكسر او ادروب لماذا كل هذه التناقضات؟ ودائما عندما يبدا التاريخ يالتسجيل علي صفحاته يمر بلحظات حسم حرجه يمكن ان تمهد لمرحله جديده وهذه المرحله تفرض خيارين يدون ثالث:- الشعوب اما ان يكونوا قدر المسؤليه للقيام بمهام الحياه مع احترام الانسانيه من دون مقابل او يطرحوا في مذبله التاريخ وبدون رجعه. والان ما يجري بدارفور هو التاريخ يتاوه وفي حاله متعسره من الحمل لتدوين ماببطنه من مفاجات قد تحمد عقباها او قد لاتحمد علي الاطلاق. اما ازي تكون الكتابه وازي يدون علي صفحاته هذا امر من الصعب التكهن به الان. فانسان دارفور المثقف والعادي يتمنون شئ بسيط وحق لهم بشرعيه المواطنه هو نديه في الحقوق الثقافيه والسياسيه والاجتماعيه والاقتصاديه...... ومن باب الانصاف ان كل ماجري ويجري الان في اقليم دارفور لهو من عمل الحكومات المتعاقبه علي السلطه منذ انتهاء فتره الحكم الثنائي في 12\نوفمبر\1953 علي ان السودان يحكم ديمقراطيا فاسيئت الديمقراطيه وقتها واصبحت جهويه وطائفيه .ثم اتوا الضباط الملهمين باسم الكرامه والاخلاص(اكتوبر) وبعدهم صارت الطامه الكبري باسم الحريه بقياده العساكر الاحرار(مايو) ثم الامر صار مثل لعبه الكراسي مره ديمقراطيه ومره بطوله عسكر وهكذا. الكراسي هي الدارفوري والمسحوقين من بقيه الاقاليم الاخري .اما المثقف فلا دور يذكر له فيما نتج الان بدارفور. وعندما اتوا ابناء الاقاليم الاخري من ضمنهم ابناء دارفور ليستلموا حكومه الخرطوم بانقلاب عسكري (كما تعودنا هذا من قبل اخوانا بالاقليم الشمالي والاوسط عندما يخططوا لانقلابات ).نعتوا بانهم مرتزقه واجانب ! فلماذا ننعتهم بالارتزاق في حين نقول لعبود و لنميري ثوري ولعمر البشير وطني اين الوطنيه من عسكري قاد انقلاب سواء ان كان شماليا او جنوبيا اوغربيا او شرقيا كلهم في الهواء سويا اذا كانت هنالك كلمه عداله تقال في حق المواطنه اما كلهم وطنين او كلهم متمردين ومرتزقه اذا صح التعبير.ابدا لم نسمع كلمه متمرد او مرتزقه واجانب البته عندما يكون الانقلابيون من وسط وشمال السودان . علي العموم عندما نتكلم عن مشكله دارفور نتكلم عن ظلم الحكومات المتعاقبه علي السلطه في السودان لا علي المثقف الدارفوري لانه ضحيه من الضحايا الاخري بالاقليم واذا قصدنا اقليم بعينه فالقصد ليس الكل ولكن قصدنا الجزء منه فهناك المواطن الشريف الذي يتالم لمحنه دارفور ومحنه باقي الاقاليم الاخري.فكلنا عشم في ان يكون السودان يقبل الاخر بكل ما تحمله كلمه اخر من معني فعلي موجب هذا سوف تزول مشكله دارفور بل مشكله كل السودان. وشكرا احوك\ محمد ادم. (عدل بواسطة Mohamed Adam on 02-18-2004, 07:34 AM) (عدل بواسطة Mohamed Adam on 02-18-2004, 08:23 AM) (عدل بواسطة Mohamed Adam on 02-18-2004, 08:24 AM)

العنوان	الكاتب	Date
مصيبة دارفور في اهلها اكبر من مصيبتها في الحكومات	المهدي صالح آدم	02-15-04, 07:17 PM
Re: مصيبة دارفور في اهلها اكبر من مصيبتها في الحكومات	Mohamed Adam	02-16-04, 09:08 PM
Re: مصيبة دارفور في اهلها اكبر من مصيبتها في الحكومات	المهدي صالح آدم	02-17-04, 08:18 AM
Re: مصيبة دارفور في اهلها اكبر من مصيبتها في الحكومات	خالد الأيوبي	02-17-04, 09:11 AM
Re: مصيبة دارفور في اهلها اكبر من مصيبتها في الحكومات	Mohamed Adam	02-18-04, 07:27 AM
Re: مصيبة دارفور في اهلها اكبر من مصيبتها في الحكومات	المهدي صالح آدم	02-18-04, 08:41 AM
Re: مصيبة دارفور في اهلها اكبر من مصيبتها في الحكومات	JAD	02-18-04, 11:28 AM
Re: مصيبة دارفور في اهلها اكبر من مصيبتها في الحكومات	المهدي صالح آدم	02-18-04, 04:07 PM
Re: مصيبة دارفور في اهلها اكبر من مصيبتها في الحكومات	JAD	02-18-04, 08:33 PM
Re: مصيبة دارفور في اهلها اكبر من مصيبتها في الحكومات	Mohamed Adam	02-19-04, 06:37 AM
Re: مصيبة دارفور في اهلها اكبر من مصيبتها في الحكومات	المهدي صالح آدم	02-19-04, 08:50 AM
Re: مصيبة دارفور في اهلها اكبر من مصيبتها في الحكومات	Mohamed Adam	02-19-04, 02:05 PM
Re: مصيبة دارفور في اهلها اكبر من مصيبتها في الحكومات	Yasir Elsharif	02-19-04, 06:18 PM
Re: مصيبة دارفور في اهلها اكبر من مصيبتها في الحكومات	المهدي صالح آدم	02-21-04, 09:26 AM
Re: مصيبة دارفور في اهلها اكبر من مصيبتها في الحكومات	Rawia	02-28-04, 03:04 AM
Re: مصيبة دارفور في اهلها اكبر من مصيبتها في الحكومات	المهدي صالح آدم	02-28-04, 04:29 PM
Re: مصيبة دارفور في اهلها اكبر من مصيبتها في الحكومات	Raja	02-29-04, 11:34 PM
Re: مصيبة دارفور في اهلها اكبر من مصيبتها في الحكومات	المهدي صالح آدم	03-01-04, 04:15 PM
Re: مصيبة دارفور في اهلها اكبر من مصيبتها في الحكومات	Shao Dorsheed	03-01-04, 07:49 PM
Re: مصيبة دارفور في اهلها اكبر من مصيبتها في الحكومات	المهدي صالح آدم	03-01-04, 10:17 PM

[رد على الموضوع]

صفحة 1 „‰ 1: << 1 >>

احدث عناوين سودانيز اون لاين الان

اراء حرة و مقالات	Latest Posts in English Forum
Articles and Views	اخر المواضيع فى المنبر العام
News and Press Releases	اخبار و بيانات

الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة

About Us
Contact Us
About Sudanese Online

اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين

News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums

If you're looking to submit News,Video,a Press Release or or Article please feel free to send it to [email protected]