|
Re: استمع وضع كلمة في حبّ الرسول (ص)...المادح عبد الله الحبر (Re: Ahmed Alrayah)
|
تحياتى أخى أحمد , المصطفى عليه الصلاة والسلام , هو طه , المختار , أحمد , الصديق , الصادق , والأمين كما أسماه ربه تعالى . يكفى أنه كان القرآن خلقه ! وأنه شفيعنا يوم القيامة , ومهما كبرنا وتطورنا وبرعنا وكتبنا واشتهرنا , فلن نكبر على أفضل خلق الله وأشرف المرسلين ! وعيبنا نحن السودانيون أننا فى بعض الأحيان نخلط بين العكومات وبين الدين (الأسلام ) مما يضيع علينا متعة فهم وتذوق سماحته ,ونرمى بأنفسنا الى التهلكة من حيث لا ندرى !! ونحن نجهل أن بنا صوفية وتصوفآ من أخمس أرجلنا الى شعر رءوسنا !!! فالفنان السودانى يترع بها أى الصوفية , والممثل , والراوى , والشاعر وكلنا لا تخلو حياتنا من شكل صوفى وان لم نعيه !! ويا جماعة والله الكلام دا بنتذكره يوم يفر المرء من أخيه , وتعالوا نرجع لربنا عشان الدنيا دى زى الباص يمشى ويمشى ونحنا ننزل كل واحد فى محطته الما معروفة وين ومتين !!!! والزول فى اليوم داك يجرى وراء أخوه ويشتكيه لله ويقول يا ربى كان يعرف كل شىء وما كلمنى ونصحنى !!! وكمان انا ما تقولوا بقيت كوزة ولا حاجة , وأنا ما زلت مكجنة العكومة دى شديد , لكن كتاب الله ماب نحرده ليهم ونخسر الآخرة ! يمكن بعضكم ينهدى ان شاء الله وانا كمان انهدى معاكم . ست البنات .
|
|
|
|
|
|