|
Re: نوبيــون ولـــكن !! (Re: Shalabi)
|
امشوا ياعنصريون.... شلبى اذكر كان معنا كمية من الاخوة الجنوبيون فى ناغبور,وقامو تطلعوا منشور بنادى بالانفصال وقمنا نحن اولاد الرصيف بالرد عليهم,واولاد الرصيف شكلة متمردة على كل الوضع فى المدينة,كنا بنكتب قصائد حلمنتيشية عن كل مالا يعجبنا, مرة الكيزان ومرة ناس الامة ومرة ساسا,عموما وجدنا استحسان عند المستقلين وكانوا ينتظرون رصائفنا بفارغ الصبر, اليوم داك كانت القصيدة شغل للاخوة الجنوبيون كتبها احد الشباب ونحن لم نتعرف عليها الا فى المساء جنب رصيف القهوة,فكانت ان تدوى الى انفصال حقيقى بين الكتلتين ووقتها الجنوبيون عددهم 50 طالب ونحن 150 طالب فعملت لنا خصام وشكلة لها ضل فى اول اتحاد بعد الوحدة,فانبرى لها شخصى الضعيف وبكرى البوص الاخ مبوك له منى التحية فوصلنا الى نقطة رضا ولكن ما زالت البلد مكربنة, فيوم من الايام جالسين فى المقهى مر علينا الاخ ميون وهو شاب حاضر النكة ,من بعيد نادانى يابقوتة تعال انا اوزك فى موضوع قلت:- ليه انت تعال اشرب شاى وسلم على الشباب فرد انت تضمن سلامتى قلت ليه ايوة..فبعد ما شرب الشاى قلت له مازحا انت عارف ياميون نحن دايرين ننفصل , قال لى انتو مين..قلت ليه ناس الجزيرة..قال لى والله الا تاكلو كتن( قطن)..اها ياشلبى نحن برضو مهمشين بناكل قطن انت لو انفصلتو بتاكلو...شنو من حق اى اقليم ان ينادى بالتكتل ..لكن ناس الشمال ديل غير المحس والحلفاوين هم الحاكمين السودان من يوم اشرقت عليه الشمس...ولا رايك شنو فى كلامى دا ولك ودى
|
|
|
|
|
|