حث ذات يوم بالجامعة الاهليه ضحكات من في عمق الجراح..

Re: حث ذات يوم بالجامعة الاهليه ضحكات من في عمق الجراح.. (Re: ahmed babikir)
** قبض علينا انا ومعي احمدعبد المنعم ومختار رمضان واثنين اخرين من طلاب الجامعة الاهلية في احد ازقة العرضة وتعرضنا للتفتيش وكنت حينها ولحسن حظي قد سلمت اخر ورقه منشوريه كانت لدي لاحد الاشقاء بجامعة الزعيم الازهري وكان اسمه خالد المهم اثناء تفتيشي وكنت حينها احمل بطاقة عضوية الاتحاد بمحفظتي عثر رجال الامن علي البطاقة فضربني احدهم علي بطني مرددا (مجلس تلاتيني وله اربعيني عارفلوا شنوا!!) وواصل (انته شايف الصلع دي قامت في مايوا انته عارف قامت كيف ) فاجبت ب(لا) فقال لي ( بوريك بعدين!!؟؟) فاعطاني ولدهشتي بطاقتي ومحفظتي وامرني ان اجلس علي الارض في اشارة لان دوري جاي ،،المهم واصل تفتيش الذين كانوا معي فكان لدي الشقيق احمد عبد المنعم ورقة مرسوم عليها مربع في وسط تلاته ارباع دائره مفتوحة من الجهة الشماليه وكان هذا الرسم قد رسمه سابقا موضحا لي ان الجامعة محاصرة من جميع الجهات ولا يمكن دخولها فعقدنا العزم علي العودة الي بيوتنا المهم ناس الامن مسكوا الشقيق احمد و(بيقوا ليهوا) في رقبتوا ضربوه ضرب مبرح وشديد حتي يفك (الكود) التجمعي الذي بحوزته!! وهل المربع ده العاصمة القومية ام القيادة العامه ام القصر الجمهوري والدورانيه الما تامه دي ياتوا قوات اهي التحالف ام الحركة الشعبية ام التجمع او ياتوا جيش بالتحديد وكان احمد مندهشا يردد (يا جماعة انتو جادين؟ يا جماعة دي الجامعة وديل ناسكم؟؟!)،، المهم لم يصدقه احد وضرب احمد وانا اجلس ارقبه وانتظر دوري!!، بعدها ضرب مختار لعدم تعاونه في موضوع (الكود) اذ انه قبضا معا فكان ولابد ان يكون له علم بما مع احمد (كنيش) وكانوا امامنا ببضع خطوات فعوملنا علي اننا جماعتين مختلفتين، المهم،، قبض علي منشور من الاتحاد للاسف مع احد الطلاب المقبوضين معنا فضرب ضربا شديدا وانا عضوا الاتحاد الذي اصدر البيان اجلس وارقب وفي سري اتحدث (الزول ده كسروهوا الكسره دي كلها وهو شايل البيان انا العاملة حيعملوا معاي شنو؟!)،، المهم عندما اشتد الضرب علي مختار وهم يريدونه ان يجيب بالقوة( منو النظمك منو المسؤل منك؟؟) فقلته ليهوا في احدي اللحظات المناسبه (مافي مشكله تقول اسمي الجماعة ديل عرفوني وحقك بشيلوا ليك!) حيث ان مختار كان حينها جديدأ في التنظيم وشفقة مني اردت مساعدته بالخروج من تحت قبضات ناس الامن ولكنه كان صلبا كالجبال وابي ان يسمع لي.. المهم ،، استمر مسلسل الضرب لاربعتهم وانا في حيرة من امري اجلس وانظر واقول بداخلي همساً (الناس ديل جنوا؟) فقد كان البيان من الاتحاد وانا عضوا فيه وقد شاهدوا بطاقتي والرسمه قد رسمها احمد(كنيش) كانت لي ويضربونه!! المهم بعد فترة دخل واحد تاني من جهاز الامن وتم بعدها ترحيل احمد (كنيش) و الطالب الذي وجدوا معه البيان الخاص بالاتحاد الي القيادة العامة وقيل لثلاثتنا الباقية مع السلامه؟؟!!! وكنت اظن انه مقلب فكثيرا ما سمعنا بهذه النوعية من المقالب ولكن عندما لامست قدمي شارع الاربعين علمته بان الموضوع جد فهرولنا حتي لا يغيروا رايهم ويقبضونا تاني وعزمت الجماعة الطلعوا معاي حاجة بارده في كشك ليمون بالشهداء(حسب امكانياتي فلم يصادروا المبلغ الذي كان بمحفظتي لدواعي امنيه كما تعودوا من قبل) وكان ثلاثتنا نضحك ونقلب الايادي ونقول ( والله ناس نميري ونقصد امنجيتهم كانوا مضيعين وقتهم ووقت البلاد والعباد مع ابو صلعة القبضنا ده!!) وعرفنا لماذا سفطت مايوا !!؟؟؟.. كانت ضحكاتنا تطلع رغم حزننا علي الاتنين احمد (كنيش) والطالب الاخر واسمه محمد عمر،الذين تم ترحيلهم للقيادة العامه ولكننا تعودنا علي ذلك كما قال العراقيين ايام الحرب؟!! (عدل بواسطة ahmed babikir on 01-16-2004, 01:19 AM) (عدل بواسطة ahmed babikir on 01-16-2004, 02:30 AM) (عدل بواسطة ahmed babikir on 01-16-2004, 02:59 AM) (عدل بواسطة ahmed babikir on 01-16-2004, 04:58 AM) (عدل بواسطة ahmed babikir on 01-16-2004, 05:07 AM)

العنوان	الكاتب	Date
حث ذات يوم بالجامعة الاهليه ضحكات من في عمق الجراح..	ahmed babikir	01-16-04, 00:53 AM
Re: حث ذات يوم بالجامعة الاهليه ضحكات من في عمق الجراح..	ahmed babikir	01-16-04, 00:55 AM
Re: حث ذات يوم بالجامعة الاهليه ضحكات من في عمق الجراح..	ahmed babikir	01-16-04, 00:56 AM
Re: حث ذات يوم بالجامعة الاهليه ضحكات من في عمق الجراح..	خضر حسين خليل	01-16-04, 01:18 AM
Re: حث ذات يوم بالجامعة الاهليه ضحكات من في عمق الجراح..	ahmed babikir	01-16-04, 01:35 AM
Re: حث ذات يوم بالجامعة الاهليه ضحكات من في عمق الجراح..	ahmed babikir	01-16-04, 02:27 AM
Re: حث ذات يوم بالجامعة الاهليه ضحكات من في عمق الجراح..	ahmed babikir	01-16-04, 02:27 AM
Re: حث ذات يوم بالجامعة الاهليه ضحكات من في عمق الجراح..	magdi hassan	01-16-04, 03:15 AM
Re: حث ذات يوم بالجامعة الاهليه ضحكات من في عمق الجراح..	ahmed babikir	01-16-04, 04:38 AM
Re: حث ذات يوم بالجامعة الاهليه ضحكات من في عمق الجراح..	ahmed babikir	01-16-04, 10:51 AM
Re: حث ذات يوم بالجامعة الاهليه ضحكات من في عمق الجراح..	ahmed babikir	01-16-04, 10:51 PM
Re: حث ذات يوم بالجامعة الاهليه ضحكات من في عمق الجراح..	ahmed babikir	01-16-04, 11:26 PM
Re: حث ذات يوم بالجامعة الاهليه ضحكات من في عمق الجراح..	yumna guta	01-16-04, 11:52 PM
Re: حث ذات يوم بالجامعة الاهليه ضحكات من في عمق الجراح..	ahmed babikir	01-17-04, 00:16 AM
Re: حث ذات يوم بالجامعة الاهليه ضحكات من في عمق الجراح..	ahmed babikir	01-17-04, 11:21 PM
Re: حث ذات يوم بالجامعة الاهليه ضحكات من في عمق الجراح..	ahmed babikir	01-18-04, 00:06 AM
Re: حث ذات يوم بالجامعة الاهليه ضحكات من في عمق الجراح..	ahmed babikir	01-19-04, 00:18 AM
Re: حث ذات يوم بالجامعة الاهليه ضحكات من في عمق الجراح..	Mandela	01-19-04, 06:07 AM
Re: حث ذات يوم بالجامعة الاهليه ضحكات من في عمق الجراح..	معتز تروتسكى	01-19-04, 11:09 AM
Re: حث ذات يوم بالجامعة الاهليه ضحكات من في عمق الجراح..	bunbun	01-19-04, 11:56 AM
Re: حث ذات يوم بالجامعة الاهليه ضحكات من في عمق الجراح..	معتز تروتسكى	01-19-04, 12:09 PM
Re: حث ذات يوم بالجامعة الاهليه ضحكات من في عمق الجراح..	ahmed babikir	01-20-04, 00:37 AM
Re: حث ذات يوم بالجامعة الاهليه ضحكات من في عمق الجراح..	ahmed babikir	01-20-04, 01:26 AM
Re: حث ذات يوم بالجامعة الاهليه ضحكات من في عمق الجراح..	ahmed babikir	01-21-04, 10:55 AM

[رد على الموضوع]

صفحة 1 „‰ 1: << 1 >>

احدث عناوين سودانيز اون لاين الان

اراء حرة و مقالات	Latest Posts in English Forum
Articles and Views	اخر المواضيع فى المنبر العام
News and Press Releases	اخبار و بيانات

الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة

About Us
Contact Us
About Sudanese Online

اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين

News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums

If you're looking to submit News,Video,a Press Release or or Article please feel free to send it to [email protected]