|
|
 Re: رابطة اصدقاء الفنان الاستاذ الراحل / مصطفى سيد احمد بكندا (Re: Tumadir)
|
تبرد غبينتك ولوعتك ..
طول الأزل
ويا روعتك لامن تجادل دمعتك
دائماً تكون فوق العيون
مرحيبة بالداخل عليك من دنيتك
عبّيت مصابيح الصباح
ببياض ضميرك ونيتك
بعرق جبينك وبنيتك
وبالشمشِ ماروق الرجال
وجّت جنائن غنيتك
ما كان رحيلك غير دليل
للجايي ماسك سكتك
يا شدو عصفورنا البسيط
كل الحلوق إتوكتك
إن ماب تبيت فوق السبيط
طوِّل مسافة ركتك
ما صمتك مطراً غتيت
لا ريح لديح .. يوم سكتك
عذراً إذا حال الوطن
بالجاتو ذات ليل بكتك
سايقين بأيادينا الزمان
شادِّين خيوطو الفكتك
يا بئر تكلة الناس عليه
وما قطَّ ..
يي شنو دلو إنهتك ؟
يا صاحنا في الزمن الغلط
يا سابلو دمك كالغيوم
لا صرَّ وشك لا عبس
إيش يعني لو سالن نقط
من كل عابر نقطة بس
يصبح شرايين الظلط
تبقى الشوارع أوردة
وجسد البلد عافية عريس
لاف العتامير قرمصيص
لأجمل عروس النيل رحط .
والكون صحابك وإنبسط
فاتحة صحابك ولاّ موج
دا برش فراشك ولاّ شط ؟
سيل الدموع الما انحبَس
في الواطة بيقوِّم تَبَسْ ..؟
شهى المدائن تنتفض
ما تمتعض ..
موكب زفافك للأرض
شهداء الوجود تتلقى ليك
محتفية بيك ... شوقة الربط
مركب شرط .. هوجة البحار
شايل خبار الهاربين
كان البشارة لكل شط .
عِلت إبتسامتك حين هبط
ما من جواز غير راحة إيديك
لا من ربط عملة وشنط
نية رسول ..
إنسان فقط .
ما بينا بيناتك ربط
بي أسمى مبدأ .. وأقوى خط
ما جانا عشقك من فراغ
لا نحنَ غنيناك عبط
جرح الوطن خطالنا خط
ختالنا قول ما منو نط
والليلة يا موت يا حياة
خاتي البيختار الوسط . ..
ويا بلد فوق اللِمِيلِس
لا تَهِمْ
لاب تميد الأرض تحتك
لا مغنيك بتردِم
مادلك نغمو اليكاجر للبتاجر بالنضم
يشطب الشخمت مشاعرك
ويرسم الإحساس رسم
في الزمانات الكتم
غنوة تدخل .. زي نسيمة
زي شعاع قمرة ونجيمة
لا خشم باب لا تدق ..
لا في إمضاء رقيب غريب ..
لا تراويس لا ختم .
غنوة من بق المغني
وفي القلوب بالفال تبق
تحرق السقط التدني
وبي تأني ..
واثقة تفتح في الدروب
المارقة منك وداخلة منِّي
المارقة فيك وداخلة فيِّ
الداخلة فيكَ ومارقة منِّي
وشايلة حنِّي ..
ضريرة .. حُق
سيرة ..
دلوكة وتدُق
وتنطلق من بُق لِبُقْ
تنهرد دارات تغنِّي
رابَّة حس درويش مفرتك
صانّة زي شيخي التبنِّي .
ومن بعد دا ولا يهِم
المغنِّي مع قضيتو
يقضوا ليلات القِسِم ؟
كلما تنبح كلاب
كلما اِنكشَّح عذاب
كلما طفّح سِباب
كلما عانى الجسم
كلما غرّوهو سِم
كلما كان المغني
كما المعاتيه يبتسم
على التجني كأنو جِنِّي
سديد بصيرة وملتزم .
ويا ...
المغني الما نِدِم
يوجد غنوتو وينعدم
خاتم المغنين الوفاء
سي يا خَتِم ..
سلِّم على الشهداء وكفى
وإنجم من بعد السلام
يا ال … مصطفى
طابت عينيك
والحب عليك
يبراك وسِم
يكسيك هدم ..
أرقد .. قَفَا
ويكفيك إسم
الشتلة طالت ..
والسبيقة
بعد دا لاشنو
التنهدم ؟
قول للبلاد ..
الطلوحت عينيها
في دمع السواد
قول الله فِي .
قول ليها ما غنَّى الأسف
تتأسفي
لا حضَّ نمُّو على الحداد
تتكتفي
عد عود ما ودّع شهيد إنقريفي
في السكة يوت
في شهيد جديد
لأيام جداد
هيّا أنزفي
لمَّا الشوارع تكتفي
وينهض جواده المنكفي
وتتكيفي
قول للعباد
الطلوحت عينيها
في دمع السواد
ذات مرَّة .. ما خِبر السأم
لما البلاد صاده الوخم
صار المضاد الما اتلخم
دغم النغم في حرفو
وانفرطق لغم
ينسف مطاميس الألم
بي سن قلم
كل القواميس الوهم
جرفه المداد
لمّا الأماسي بقن رماد
خرم الزمان بي غادي قاد
وإندقّه في الخازوق سهم .
... ... ...
دُودر نويرات الفريق
قِربَن بعد كانن بعاد
كورك لنا ..
وما كُنَّا في
بعنا السيوف في السوق
أخدنابه السطل
هايصين كُتُر والخيل حِفِي
كورك لنا ..
( قبل المصابيح تنطفي
وينزل سواد
إنفقدوا الخيل والعتاد
إتمعنوا الدرب العديل
إتضحوا بالصبر الجميل
زمن الخساسات الخفي
إن زالف الشوق في الرقاد
قدح المواعيد بنكفي
في الضلمة برد الليل مخيف
قاسي إحتمالو مع التعب
والجوف خفيف
صعب إحتمالو على الضعيف
فِطْنَ النويرات الرغيف
فِطن الرغيف لِب الدِفي
فطن الدِفي إحساس الصباح
فِطن الصباح كل العصافير تحتفي
بي روعة الكون والعباد..
فطِن العباد جية البعاد
فطن البعاد الماهو في)
رجّع صداهو أعاد .. وعاد
زي أيِّ درويش إندغم
في نقرة النوبة الأرض
بين باطو يا دوبك شتم
أو قوق حمامة مولِّفِي
فوق راس بيوت سبلوقه دم
"إياكي تشربي يا طيور
في الترعة موية الترعة سَم
إياكي تقربي لي بذور
فوق القبور تحتن لغم
إياكي تضهبي والصقور
بيشموا شم
قوقت حمامة إلى الديار بعد السلام متقريفي
قوقت فجر
قوقت ضهر
قوقت عصر
بعد العشاتين
كيْكَت ..
سفهوها قالوا
مخرِّفِي ؟؟
كورك وراها
وكنَّا في
صانين زهاجي
كما التراب
حين كل غيمة
مطرِّفِي ..
على قَدْرِ ما اتحزم
يلملم فينا من نتش السموم
الدنيا تصحى مخرِّفِي
يجي ريح يسوق غيمو
المعوَّق ويختفي .
غلبو التعب
كوَّع على جرحو اليسار
وسكت .. سكت
قيرة الكمنجات إتكت
فوقو وبكت
أنشودة الفوت الوفي
أغرودة
أو زغرودة الموت الحفِي .
فيا مَن تحيَّر في سرُّو الفنا_
إذا الهاربين الجدد
خيَّروك يا تفوت
يا تخون البيوت
تكون من أنا ؟
إذا الغالبين في أحُد
أجبروك يا تموت
يا تعضِّي السكوت
فكيف الغنا ؟
وكت ما الشفوت
بصوتك تصوت
تعلِّق بكرتو على الميضنة
تحرِّم عليك مناجاة ولوفك
ملاقاة طيوفك وراء المشجنة
تغمد تشوفك
تتبِّن حروفك
قبُل توزنه
تقلبن كلامك
تعد إحتلامك
بباكر زنا
فنم لا تهم
لامن السلطنة
تكشُر الألسنة
يسري قول الشعوب
من مسام دندنة
مش يسد الدروب
المطر بالهبوب
والخبوب والخنا
وماب تعوذ الخلوق
من طريق ممكنة
مُش في هادي الدنا
من قشيش الجبال
التطاهو النعال
باقي نال الرجال
في بعض يفتنه
بين فرقة النبال
والقميري الوبال
والحياة المحزنة
الجنات الجهال
والبنات أم حجال
ضو بيوت الحلال
من هنا ولي هِنا
فجُّوا فورة الفنا
البقيرة أم ضروع
نقَّعن دم .. دموع
شمموها الجنا
والشديرة أم فروع
ركَّعن في خشوع
شعبُّوها القنا
طيَّبوها التلال
من خبوب الكتال
بي حبوب السنا
سوُّوا قيرة ومطيرة
أرووا شوق الرمال
غنُّوا .. يا هودَنَا
"لعبة قديمة عندنا
كان شبعت يا جنا
ما شبعت قول لنا
بت العسكر
تمشي وتسكر
بت النوبة
تغني طروبة
من الحنِّية
مع عرُّوبَه
تقلب الهوبة
في الراكوبة
على اللالوبة
تشر لي توبة
ترسِّي الغربة
تنسِّي التربة
مآسى حروبة
تكسر الحربة
بعود الحربة
تدق النوبة "
ربُّوا .. يا سودنة ...
بقَّروا الطير رجع
والبلد كع كرَع
ركَّ في الميضنة
دكَّ للميضنة
الهِي ما مئذنة
كانت الميضنة
الهِي ما مئذنة
ضاربة في نصنا
حقنة لي مصَّنا
مدخنة حربنا
مدمنة سبَّنا
وإحنا ما ذنبنا
بي طريق ربنا
جينا لي ها البلد
وإنولد حبنا
ليها لي شعبنا
والله عالم بنا
وعارف الميضنة
الهي ما ميضنة
ساسه مما إنبنى
ماها لي ربنا
ميضنة بشتنة
والرسول كجنة
ميضنة كشتنة
والله قد لجَّنا
من مياضن الدمار
الله هوي نجَّنا
وأبني فينا الوقار
لي جنا الكم جنا
إنت فارج الكروب
للبطولبو العنا
يا مخارج الدروب
من متاه الضنا
حكمتك في القلوب
بس ندور نتْبِنَا
إنت ياك طبَّنا
وياك خلاص قلبنا
من دواس شعبنا
سو رصاص حربنا
فاس لقى وعبَّنا
بالصلاح رضّنا
لي فلاح أرضنا
نبني للميضنة
التبر فرضنا
التصون عرضنا
وما تضر بعضنا "
إنها السودنة
منّها الهودنة
ويبقى يا حاكمين
كلمة العالمين
مافي من يلكنة
وحكمة الآدمين
مافي من يسجنة
ولاَّ ماب ننكتم
ننهزم .. ننهزم
إلاَّ ماب ينحكم
بالضلال شعبنا
فنم لا تهم
كشكشة كوزنة
والبغُش الغبش
ماب يغش ربنا
حزب من كذب
ماب يقوِّم بناء
وبناء منخرب
ماب يعمِّر بنا
فهِدَّ الرديف
العليه حقّنا
وأبن لك صريف
من عضاك أو قنا ..
وطن قول وطن
وطن يا جنا
وطن من تِبن
ولاّ قمحة هَناوطن
ثم من
وطن
ثم من
وطن
لا ثمن
باعك الزنزنة
وطن واحتمل
وطن واحتلم
برجع الحبيب
من متاه الضنى
في ناساً عزاز
مشتهنك رزاز
في ناس الرزاز
مشتهيهن هِنا
يغيض الحراز
حين يفيض البحر
عشان يذدهر
طول فصول السنة
قوانين تجوز
حتى في الأزمنة
هو الضد يكون
سكون في الغضب
غضب في السكون
هو المستقيم
هو المستدير
هو اللولبي
هو المنحنى
هي الكائنات
في الطيور مسكنة
وتستخف بالصقور
والحِدَيْ إن دنا
بالصراخ بالضفور
بالجناح اليفور
حين تفقِّع جنا
نِم .. حين تهِم
هِم وإدلهم
عليك الصدام
سرَّة المأمنة
عليك الكلام الجديد
الحديد
عليك النشيد
يا شهيد الغناء
تموت ماب تفوت
تموت أو تفوت ...
الشفوت العنا ...
ويظل الوطن
سيِّد الأمكنة
ريِّس الأزمنة
|
|
 
|
|
|
|
|
| العنوان |
الكاتب |
Date |
| رابطة اصدقاء الفنان الاستاذ الراحل / مصطفى سيد احمد بكندا | Al-Masafaa | 01-03-04, 01:27 AM |
| Re: رابطة اصدقاء الفنان الاستاذ الراحل / مصطفى سيد احمد بكندا | الفاتح يسن | 01-03-04, 01:58 AM |
| Re: رابطة اصدقاء الفنان الاستاذ الراحل / مصطفى سيد احمد بكندا | WaD OmI | 01-03-04, 03:51 AM |
| Re: رابطة اصدقاء الفنان الاستاذ الراحل / مصطفى سيد احمد بكندا | rani | 01-03-04, 06:16 AM |
| Re: رابطة اصدقاء الفنان الاستاذ الراحل / مصطفى سيد احمد بكندا | Al-Masafaa | 01-05-04, 02:06 AM |
| Re: رابطة اصدقاء الفنان الاستاذ الراحل / مصطفى سيد احمد بكندا | Al-Masafaa | 01-10-04, 01:01 PM |
| Re: رابطة اصدقاء الفنان الاستاذ الراحل / مصطفى سيد احمد بكندا | الفاتح يسن | 01-11-04, 10:43 PM |
| Re: رابطة اصدقاء الفنان الاستاذ الراحل / مصطفى سيد احمد بكندا | أم سهى | 01-11-04, 11:19 PM |
| Re: رابطة اصدقاء الفنان الاستاذ الراحل / مصطفى سيد احمد بكندا | عبد المنعم سيد احمد | 01-11-04, 11:43 PM |
| Re: رابطة اصدقاء الفنان الاستاذ الراحل / مصطفى سيد احمد بكندا | Al-Masafaa | 01-12-04, 12:41 PM |
| Re: رابطة اصدقاء الفنان الاستاذ الراحل / مصطفى سيد احمد بكندا | Kostawi | 01-12-04, 05:22 PM |
| Re: رابطة اصدقاء الفنان الاستاذ الراحل / مصطفى سيد احمد بكندا | ابنوس | 01-12-04, 02:14 PM |
| Re: رابطة اصدقاء الفنان الاستاذ الراحل / مصطفى سيد احمد بكندا | Al-Masafaa | 01-13-04, 01:06 PM |
| Re: رابطة اصدقاء الفنان الاستاذ الراحل / مصطفى سيد احمد بكندا | Al-Masafaa | 01-19-04, 10:44 PM |
| Re: رابطة اصدقاء الفنان الاستاذ الراحل / مصطفى سيد احمد بكندا | Al-Masafaa | 01-19-04, 10:52 PM |
| Re: رابطة اصدقاء الفنان الاستاذ الراحل / مصطفى سيد احمد بكندا | Elmosley | 01-20-04, 03:21 AM |
| Re: رابطة اصدقاء الفنان الاستاذ الراحل / مصطفى سيد احمد بكندا | Al-Masafaa | 01-20-04, 09:04 AM |
 Re: رابطة اصدقاء الفنان الاستاذ الراحل / مصطفى سيد احمد بكندا | Raja | 01-22-04, 03:29 PM |
| Re: رابطة اصدقاء الفنان الاستاذ الراحل / مصطفى سيد احمد بكندا | Raja | 01-23-04, 03:22 AM |
| Re: رابطة اصدقاء الفنان الاستاذ الراحل / مصطفى سيد احمد بكندا | عبدالأله زمراوي | 01-23-04, 06:34 AM |
| Re: رابطة اصدقاء الفنان الاستاذ الراحل / مصطفى سيد احمد بكندا | Tumadir | 01-23-04, 07:36 AM |
| Re: رابطة اصدقاء الفنان الاستاذ الراحل / مصطفى سيد احمد بكندا | Anwar Elhaj | 01-23-04, 07:42 AM |
| Re: رابطة اصدقاء الفنان الاستاذ الراحل / مصطفى سيد احمد بكندا | عبدالأله زمراوي | 01-23-04, 09:23 AM |
| Re: رابطة اصدقاء الفنان الاستاذ الراحل / مصطفى سيد احمد بكندا | Al-Masafaa | 01-23-04, 11:54 AM |
| Re: رابطة اصدقاء الفنان الاستاذ الراحل / مصطفى سيد احمد بكندا | سمندلاوى | 01-23-04, 12:19 PM |
| Re: رابطة اصدقاء الفنان الاستاذ الراحل / مصطفى سيد احمد بكندا | Al-Masafaa | 01-23-04, 12:49 PM |
| Re: رابطة اصدقاء الفنان الاستاذ الراحل / مصطفى سيد احمد بكندا | ibrahim eldeen | 01-23-04, 01:45 PM |
| Re: رابطة اصدقاء الفنان الاستاذ الراحل / مصطفى سيد احمد بكندا | Al-Masafaa | 01-23-04, 03:15 PM |
| Re: رابطة اصدقاء الفنان الاستاذ الراحل / مصطفى سيد احمد بكندا | Tumadir | 01-23-04, 03:32 PM |
| Re: رابطة اصدقاء الفنان الاستاذ الراحل / مصطفى سيد احمد بكندا | Al-Masafaa | 01-24-04, 12:26 PM |
| Re: رابطة اصدقاء الفنان الاستاذ الراحل / مصطفى سيد احمد بكندا | عبدالأله زمراوي | 01-24-04, 12:43 PM |
| Re: رابطة اصدقاء الفنان الاستاذ الراحل / مصطفى سيد احمد بكندا | Al-Masafaa | 01-24-04, 12:57 PM |
| Re: رابطة اصدقاء الفنان الاستاذ الراحل / مصطفى سيد احمد بكندا | Al-Masafaa | 01-25-04, 03:12 PM |
| Re: رابطة اصدقاء الفنان الاستاذ الراحل / مصطفى سيد احمد بكندا | خالد الحاج | 01-26-04, 01:32 PM |
| Re: رابطة اصدقاء الفنان الاستاذ الراحل / مصطفى سيد احمد بكندا | Al-Masafaa | 01-27-04, 08:01 AM |
| Re: رابطة اصدقاء الفنان الاستاذ الراحل / مصطفى سيد احمد بكندا | عبدالأله زمراوي | 01-27-04, 09:20 AM |
| Re: رابطة اصدقاء الفنان الاستاذ الراحل / مصطفى سيد احمد بكندا | Al-Masafaa | 01-27-04, 09:47 AM |
| Re: رابطة اصدقاء الفنان الاستاذ الراحل / مصطفى سيد احمد بكندا | sheba | 01-27-04, 10:57 AM |
| Re: رابطة اصدقاء الفنان الاستاذ الراحل / مصطفى سيد احمد بكندا | خالد الحاج | 01-27-04, 12:31 PM |
| Re: رابطة اصدقاء الفنان الاستاذ الراحل / مصطفى سيد احمد بكندا | Al-Masafaa | 01-28-04, 10:15 AM |
| Re: رابطة اصدقاء الفنان الاستاذ الراحل / مصطفى سيد احمد بكندا | خالد الحاج | 01-28-04, 01:12 PM |
| Re: رابطة اصدقاء الفنان الاستاذ الراحل / مصطفى سيد احمد بكندا | Al-Masafaa | 01-30-04, 08:58 AM |
| Re: رابطة اصدقاء الفنان الاستاذ الراحل / مصطفى سيد احمد بكندا | osama elkhawad | 01-30-04, 10:53 AM |
| Re: رابطة اصدقاء الفنان الاستاذ الراحل / مصطفى سيد احمد بكندا | Alsawi | 01-30-04, 01:54 PM |
| Re: رابطة اصدقاء الفنان الاستاذ الراحل / مصطفى سيد احمد بكندا | Al-Masafaa | 01-30-04, 03:44 PM |
| Re: رابطة اصدقاء الفنان الاستاذ الراحل / مصطفى سيد احمد بكندا | Al-Masafaa | 01-31-04, 11:59 AM |
| Re: رابطة اصدقاء الفنان الاستاذ الراحل / مصطفى سيد احمد بكندا | Al-Masafaa | 01-31-04, 11:59 AM |
| Re: رابطة اصدقاء الفنان الاستاذ الراحل / مصطفى سيد احمد بكندا | خالد الحاج | 01-31-04, 04:21 PM |
| Re: رابطة اصدقاء الفنان الاستاذ الراحل / مصطفى سيد احمد بكندا | Al-Masafaa | 02-01-04, 11:22 AM |
| Re: رابطة اصدقاء الفنان الاستاذ الراحل / مصطفى سيد احمد بكندا | Al-Masafaa | 02-03-04, 10:59 AM |
| Re: رابطة اصدقاء الفنان الاستاذ الراحل / مصطفى سيد احمد بكندا | Al-Masafaa | 02-07-04, 12:47 PM |
| Re: رابطة اصدقاء الفنان الاستاذ الراحل / مصطفى سيد احمد بكندا | Al-Masafaa | 02-23-04, 12:13 PM |
| Re: رابطة اصدقاء الفنان الاستاذ الراحل / مصطفى سيد احمد بكندا | Al-Masafaa | 02-25-04, 10:43 AM |
 Re: رابطة اصدقاء الفنان الاستاذ الراحل / مصطفى سيد احمد بكندا | يا بت يا نيل | 02-25-04, 11:49 PM |
| Re: رابطة اصدقاء الفنان الاستاذ الراحل / مصطفى سيد احمد بكندا | Al-Masafaa | 02-27-04, 10:01 AM |
| Re: رابطة اصدقاء الفنان الاستاذ الراحل / مصطفى سيد احمد بكندا | Al-Masafaa | 03-05-04, 11:29 AM |
|
| |
Al-Masafaa
فيس بوك
تويتر
انستقرام
يوتيوب
بنتيريست