|
Re: اول مهنة فى امريكا سواق بيتزا (Re: sharnobi)
|
وبعدين بعدما قدمت للجوء وانا حزين وتجربة جديدة وصراع نفسى استمر لشهرين بين التردد .. كيف تقدم وخليتو سر دفين وكانى اقدم لعمل مشين...
وصل اذن العمل.. وكانت الحرب الخليجية فى عام 1990 بدات وتم طلب كل الاحتياطى من الجنود الامريكان.. واصبح هنالك فراغ.. فى السوق المحلى.. لبعض من الوظائف.. وكانت تقطن فى الطابق السفلى امراة امريكية سمراء فى ملامح السودانية.. كنت كل يوم وهى تخرج للعمل تمام السابعة اتلصص من شباك الشقة واتذكر فلانة وفلانة متن البلد.. وكان مايك الكمرونى هو المسئول من الغسيل... وكان يلتقى بها فى حجرة الغسيل.. وكان يحكى لى عنها.. يوم وانا الفاضى قلت انزل بدال الكمورونى .. واتكلم مع الامريكية.. وفعلا شلت الغسيل ونزلت لللغرفة.. ومتمحرك .. واتمنى ان لا تنهى عملية الغسيل ابداب.... وفجأة ظهرت بروب ابيض حيث ان شقتها ملاصقة لغرفة الغسيل
يا عبد اتشجع دى اول مرة تتكلم مع امريكية وحسب المعلومات والتصور التارخى انو امريكية بلد متحررة وذيما كنا بنشوف فى االفلام ما فى مشكلة انك تخلق علاقة.... اها كيف ابدأ ولغة التخاطب فى تلتله.. فجاة اتذكرت الشمالية وزمن الطفولة ثلاث صبيان فى البتدائى يا دوب فكوا الخط.. وكانت فى الحلة بت جميلة اسمها ذنب تكبرهم سنا ولكن هؤلاء الفتية يوميا فى صرع مع بعض كل ييحلم بها.. وبعد لاى قرروا ان يبعثوا برسالة اليها ويتركوا لها الخيار نوبيين ما بعرفوا العربى دخلوا الكتاب وعرفوا الواو الضكر.. اها عقدوا اجتماع لصياغة الخطاب.. وبامكانياتهم المحدودة لغويا وفهما قرروا ان يصغوا جواب بهذا الشكل
يا سينب(ذينب)
هل تهبى-تحبى- كامل هل تهبى فيصل هل تهبى ابراهيم
كان هذا هو الخطاب بعد عقد اجتماعات ومشاورات.. بقى منو اليودى الجواب... يوم الاربعاء سليمان حميدة بجيب البوسطة قرروا ان يظرفوا الجواب ويشوفوا طابعة قدبمة.. ويسلموا الجواب لريا ام ذينب امسية الربعاء.. وتم تنفيذ الخطة وقالوا لريا انو سليمان جاب جواب وما لقلكم.. ريا المسكينة كاى ام متظرة جواب من زوجها والحوالة.. ريا فرحانة ومنتظرة ذينب بفارق الصبر عشان تقرا الجواب اها جات ذينب وريا منتظره ونادت ابنتها لكى تقرا الخبر... بعفوية فتحت الخطاب وبقت تقرا هل.. وهل.. ولم تستوعب الامر الا قبل السطر الاخير وتعال شوف المشكلة ومجالس التاديب... اها قلت يا ربى استخدم نفس الاسلوب اكتب لى جواب اسألها هل تحب حمد هل تحب مايك هل تحب صلاح وانا افكر انفجرت ضاحكا.. واذا بها تنفجر غاضبة what' wrong اخوكم بلع الضحكة وما عرف يقول شنو.. وبقت بداية لكلام.. المهمت توطدت العلاقة بين الشقتتين
وعلمت مابى من ماساة فقررت ان تساعدنى وكانت تعمل سكرتيرة فى وزارة الدفاع.. تقود عربة جديدة... اها نصحتنى ان اقدم لوظيفة security officer ضابط امن وانا نخلينى اهاجر الوطن شنو غير كلاب الامن؟؟؟؟؟ المهم مشكورة وصلتنى للمكتب وتقدمت بطلب..
عشان ابقى خفير وتم تعيينى فى الوردية من 12 بالليل الى 8 صباحا فى عمارة بها 17 طابق.. ولوحدى
.اول يوم لوحدى حارس عمارة من 17 طابق كل ساعة لازم امر طابق طابق وهنالك جهاز معى لكى اوثق مرورى.ز جات الساعة السابعة اخر مرور.. اطول ليلة فى حياتى... مشيت المكتب متظر البديل الساعة 7 و45 دقيقة وانا جالس على الكرسى شالتنى نومة وذى القدر يدخل المدير قمت مخلوع.. قال انت نايم .. نكرت تب.. قلت ليه كنت بصلى وهذه هى الطريقة التى نصلى بها.... .. يا مصيبة اول يوم اتغفش.. المهم
نواصل .
|
|
|
|
|
|
|
العنوان |
الكاتب |
Date |
اول مهنة فى امريكا سواق بيتزا | sharnobi | 02-23-03, 07:37 AM |
Re: اول مهنة فى امريكا سواق بيتزا | garjah | 02-23-03, 07:54 AM |
Re: اول مهنة فى امريكا سواق بيتزا | sharnobi | 02-23-03, 04:34 PM |
Re: اول مهنة فى امريكا سواق بيتزا | أبوالزفت | 02-23-03, 08:23 AM |
Re: اول مهنة فى امريكا سواق بيتزا | SAdo7 | 02-23-03, 08:56 AM |
Re: اول مهنة فى امريكا سواق بيتزا | sharnobi | 02-23-03, 08:37 AM |
Re: اول مهنة فى امريكا سواق بيتزا | EXORCIST7 | 02-23-03, 09:07 AM |
Re: اول مهنة فى امريكا سواق بيتزا | sharnobi | 02-23-03, 04:32 PM |
Re: اول مهنة فى امريكا سواق بيتزا | EXORCIST7 | 02-23-03, 08:11 PM |
Re: اول مهنة فى امريكا سواق بيتزا | Khaalaleyaal | 02-23-03, 09:49 AM |
Re: اول مهنة فى امريكا سواق بيتزا | sharnobi | 02-23-03, 04:40 PM |
Re: اول مهنة فى امريكا سواق بيتزا | Modic | 02-23-03, 11:33 AM |
Re: اول مهنة فى امريكا سواق بيتزا | dreamer_sudan | 02-23-03, 12:14 PM |
Re: اول مهنة فى امريكا سواق بيتزا | sharnobi | 02-23-03, 04:43 PM |
Re: اول مهنة فى امريكا سواق بيتزا | dmoo3 | 02-24-03, 07:44 AM |
Re: اول مهنة فى امريكا سواق بيتزا | sharnobi | 02-24-03, 08:38 AM |
Re: اول مهنة فى امريكا سواق بيتزا | sharnobi | 02-24-03, 09:07 AM |
Re: اول مهنة فى امريكا سواق بيتزا | doma | 02-24-03, 10:15 AM |
Re: اول مهنة فى امريكا سواق بيتزا | EXORCIST7 | 02-24-03, 03:53 PM |
Re: اول مهنة فى امريكا سواق بيتزا | sharnobi | 02-24-03, 10:39 AM |
Re: اول مهنة فى امريكا سواق بيتزا | Modic | 02-24-03, 11:30 AM |
Re: اول مهنة فى امريكا سواق بيتزا | sharnobi | 02-25-03, 03:58 AM |
Re: اول مهنة فى امريكا سواق بيتزا | Modic | 02-25-03, 11:14 AM |
Re: اول مهنة فى امريكا سواق بيتزا | dreamer_sudan | 05-10-03, 12:13 PM |
Re: اول مهنة فى امريكا سواق بيتزا | sari_alail | 02-01-04, 09:15 PM |
Re: اول مهنة فى امريكا سواق بيتزا | Abureesh | 02-01-04, 09:46 PM |
Re: اول مهنة فى امريكا سواق بيتزا | sharnobi | 02-02-04, 01:37 PM |
Re: اول مهنة فى امريكا سواق بيتزا | Ahmed Mahmoud | 02-02-04, 04:55 PM |
Re: اول مهنة فى امريكا سواق بيتزا | Abureesh | 02-02-04, 05:23 PM |
Re: اول مهنة فى امريكا سواق بيتزا | sharnobi | 02-04-04, 06:13 PM |
Re: اول مهنة فى امريكا سواق بيتزا | sari_alail | 02-02-04, 06:17 PM |
Re: اول مهنة فى امريكا سواق بيتزا | Mandela | 02-04-04, 04:07 PM |
Re: اول مهنة فى امريكا سواق بيتزا | sari_alail | 02-04-04, 04:38 PM |
Re: اول مهنة فى امريكا سواق بيتزا | sharnobi | 02-04-04, 06:20 PM |
Re: اول مهنة فى امريكا سواق بيتزا | sari_alail | 02-04-04, 10:09 PM |
Re: اول مهنة فى امريكا سواق بيتزا | Ahmed Elsharif | 02-04-04, 10:38 PM |
Re: اول مهنة فى امريكا سواق بيتزا | sari_alail | 02-05-04, 04:48 PM |
|
|
|