|
|
 *** تموت تخلي ***
|
سلام وحبابكم يا اهلنا اريتكم طيبين , يعلم الله مشتاقين
والله صحي
تتذكروا زمااااااااااان طلع موضة نوع أحذية كدة لا مؤاخذة إسمها تموت تخلي ؟ اها كان ما اخاف الكضب اقول لبسوها ناس ود الموج وود المدير وبدر الدين شنا
وناس هشام يا زول و ود البشاري و طبعا كبير القوم بكري زااااااااااااااتو وعندو ليهو صورة كمان .. والله صحي ,,,
اها تعالوا النحكي ليكم المناسبة شنو ..
والله ما واجعني إلا الحال المائل ومشاكل اهلنا الغلابة في الوطن الجريح الماليانة وجع حد السقف..
بعد ده اجي اتاوق في الكتابات البتعبر عن الوضع المؤلم حد النواح , ده , ممنية النفس بقرآءة نص صريح وجريئ وواضح يعبر بصدق وشفافية عن حال البلد و المهمشين والمطحونيين والممكونيين وصابرين ..
خاصة من هم في قلب الحدث وعارفين البير وغطاه ,,
لكن للأسف الشديد اصبح الحياء والخجل عملة نادرة في زمننا الأعور واعرج , والضمير الحي مات زمااااان وشبع موت من زمنا خدو مشلخ , اللهم إلا من رحم ربي,,,
المشكلة اصبحت ما في الوضع الراهن والحال المائل في البلد من اصحاب النهب المصلح تصليحة تفوق صحن الفول الحاااار اب شمارا اخدر في صباح يوم ممطر ...
المشكلة اصبحت في الناس البتطبل وتصلح العوج وعيــــنك يا قاريئ!!!
لا بهزها نقد ولا توسل , واحيانا علقة إسفيرية معتبرة من القرآء البقت عليهم خراب ديار وشماتة من الكاتب الضار,,
آآي نعم ضار وضار جدا بكل المقاييس بالمجتمع وبالناس الجرحها غور من وجع الساسة ومرضى السلطة و الرئاسة .
.مثال النوعية دي مقالات حسين خوجلي العنصرية وكتابات ولميع تيار عثمان ميرغي الذي يزكم الأنوف ومؤذي الألوف
الصحفي والكاتب عموما زي الطبيب بالضبط,واكثر خطورة منه على المجتمع , لذلك يجب عليه إستئصال المرض من جذور المجتمع بضمير حي
و بالكتابة والتعبير بأمنة يمليها عليه ضميره عن كل ما يدور في الساحة , خاصة وإنه يعلم تماما الحالة المرضية المستعصية في كل البلد من غلاء ومرض وحروب
اصبحت هاجس وكابوس لكل الغلابة المغلوبين على امرهم ,من واجبه وصفها بكل دقة ليخفف ولو قليلا الوجع البارك في وسط كل مواطن لا حولة له ولا قوة ,
او يذهب في حال سبيله غير مأسوف عليه , بدل غسل الوجه بماء بااااااااارد وعكس الصورة كما يحلو له و بكل تملق و بإسلوب تلميع ساذج لا يخفي على طفل في الخامسة من عمره,,
نوعية البشر دي بتذكرني تموت تخلي ده زاتو ,, والله صحي ,,
اها شفتو ديل هم ناس تموت تخلي زااااتهم بي كتابتهم المشاترة المورمة قلوبنا زيادة على المرض العلينا ..
وأ ياهم المخلين لينا الفساد ممدد بالطول والعرض وبهز الأرض إلا ان نموت ونخليهم واقفين زي اليوم الأسود الشال السمحين.
ارحمونا يا عالم ,, ارحموا من في الأرض يرحمكم من في السماء.
متاوقة ...
التحية والتقدير لأصحاب الأقلام الصادقة المعبرة والضمائر الحية لكم التحية جميعا مثنى وثلاث ورباع وإلي ما لا نهاية .
إن ختيناكم إنتو كان طق لينا عرق قبال يومنا .. والله صحي
ودعتكم الله والرسول
|
|
 
|
|
|
|
|
| العنوان |
الكاتب |
Date |
| *** تموت تخلي *** | اسماء الجنيد | 09-18-11, 08:38 AM |
 Re: *** تموت تخلي *** | moaz elsir | 09-18-11, 09:00 AM |
| Re: *** تموت تخلي *** | اسماء الجنيد | 09-18-11, 09:12 AM |
 Re: *** تموت تخلي *** | مهيرة | 09-18-11, 10:32 AM |
| Re: *** تموت تخلي *** | عبدالكريم الامين احمد | 09-18-11, 10:42 AM |
| Re: *** تموت تخلي *** | اسماء الجنيد | 09-18-11, 11:51 AM |
 Re: *** تموت تخلي *** | اسماء الجنيد | 09-18-11, 12:01 PM |
 Re: *** تموت تخلي *** | معاوية المدير | 09-18-11, 12:49 PM |
| Re: *** تموت تخلي *** | حبيب نورة | 09-18-11, 02:40 PM |
| Re: *** تموت تخلي *** | Deng | 09-18-11, 03:10 PM |
| Re: *** تموت تخلي *** | اسماء الجنيد | 09-19-11, 11:13 AM |
| Re: *** تموت تخلي *** | osman righeem | 09-19-11, 11:33 AM |
 Re: *** تموت تخلي *** | اسماء الجنيد | 09-19-11, 11:43 PM |
| Re: *** تموت تخلي *** | اسماء الجنيد | 09-19-11, 11:50 PM |
 Re: *** تموت تخلي *** | اسماء الجنيد | 09-19-11, 11:59 PM |
| Re: *** تموت تخلي *** | خالد العبيد | 09-20-11, 00:34 AM |
| Re: *** تموت تخلي *** | اسماء الجنيد | 09-29-11, 07:12 AM |
| Re: *** تموت تخلي *** | نوفل عبد الرحيم حسن | 09-29-11, 08:22 AM |
| Re: *** تموت تخلي *** | اسماء الجنيد | 09-29-11, 08:58 AM |
| Re: *** تموت تخلي *** | الامين موسى البشاري | 09-29-11, 09:27 AM |
| Re: *** تموت تخلي *** | Abdlaziz Eisa | 09-29-11, 09:41 AM |
 Re: *** تموت تخلي *** | محمد عبدالرحمن محمد | 09-29-11, 04:10 PM |
|
| |
اسماء الجنيد
فيس بوك
تويتر
انستقرام
يوتيوب
بنتيريست