|
Re: *** انا يا بلد *** (Re: soma)
|
اخى محمد نور ..فى هذا الصباح البهى ..طليت على بكلماتك الساطعه كشمس هذا الصباح فغمرتنى بى روعتها حد الدهشه ..يالك من مبدع يالروعة بنانك يالسحر قلمك ..يالك من متمكن هنيئا للاخوان بالبورد بك فى زمن اتلاشت فيه مفرداتنا السوادنيه الدارجه بكمها الهائل من الجمال والروعه وقوة المعانى ..اخى محمد حقيقة اقف امامك محتاره ماذا اكتب وكيف اعبر لك عن مدى اعجابى بكلماتك الصادقه التى تغللت فى دواخلى وتمكنت و احيانا اخى محمد تضيق العباره .. التحيه لك بلا حدود وشكرى لك بلا قيود واتمنى ان نلتقى ..واتمنى ان احظى بقدر وافر من كلماتك على كتاباتى المتواضعه واهديك تحيه واهديك سلام برضو من البلد يا ود البلد شكرا مطر....
سلام من البلد
سلام.. اغرف من بحر الكلام .. اغلا الحروف انسج سلام... فى ثوب موشح بالمحنه والوئام.... واقلع من قيف الجرف شتلات غرام ... اجدع فى الثوب القبيل ... ارسم طيور.. فوق الغمام ... حاضنه الحنين .. حاضنه الوله .. شوق وابتسام ... وارسل تحايا معبقه بالمشاعر والهيام ... مليانه بى ريق الاهل.. نفس الاهل بتقول كلام ....وتقول سلام من الشرق... اهل الدرق .. شوقا الف .. طبعا ولف.. مرحب دبايوا يا كرام .. من الغرب اهلا حبابكم باحترام ... من الشمال صفق الشدر ... صوت الوتر... ريحة التمر.. تقلد تطايب فى انسجام ... ******* ومن الجنوب نغما طروب.. سكسك يكشكش فى فرح ... يجرى ويجوب.. كل الشوارع والدروب ... و يقول سلام بدل الحروب ... ******* ومن البطانه الداره بالضرع الحلوب بيتين شعر تصدح تدوب ... جنيات تدوبى .. تسرح.. تنم ترسم جمال ساعة الغروب ****** واقيف هناك وسط الاهل .. و ريحة البخور.. اكتب سطور .. تعبر جبال تعبر بحور .. تحمل تحايا من شهور زى دهور ... من قلبا سعيد مليان سرور .. مليان حبور... لى ناس عزاز قلوبا نور .. ووجوها نور ... ضيا متل بدر البدور... ولهيجا زى نفس الزهور ... اتمنى من ربى الشكور ... يصل السلام مرسال محبه .. ولى الاحبه ..الف ورده ... و زحمة من باقات عطور ... ا لف ورده وزحمة من باقات عطور .. اسماء صديق الطيب الجنيد مسقط عمان 1/9/2002
|
|
|
|
|
|
|
العنوان |
الكاتب |
Date |
*** انا يا بلد *** | soma | 12-09-02, 06:46 PM |
انا يا بلد | ودالجزيرة | 12-09-02, 07:11 PM |
Re: انا يا بلد | moniem2002 | 12-09-02, 07:53 PM |
Re: انا يا بلد | BAKASH | 12-09-02, 10:02 PM |
Re: انا يا بلد | waleed500 | 12-09-02, 10:11 PM |
Re: انا يا بلد | Elmosley | 12-10-02, 01:22 AM |
Re: *** انا يا بلد *** | Mutwakil Mahmoud | 12-09-02, 10:58 PM |
Re: *** انا يا بلد *** | omergoda | 12-09-02, 11:06 PM |
Re: *** انا يا بلد *** | ود شاموق | 12-10-02, 05:07 AM |
Soma the Digital Camera | Abu Muhja | 12-10-02, 06:35 AM |
Re: *** انا يا بلد *** | layon | 12-10-02, 06:41 AM |
Re: *** انا يا بلد *** | soma | 12-10-02, 07:04 AM |
Re: *** انا يا بلد *** | ايهاب | 12-10-02, 07:16 AM |
Re: *** انا يا بلد *** | جمال السنوسي | 12-10-02, 01:01 PM |
Re: *** انا يا بلد *** | حمزاوي | 12-10-02, 01:37 PM |
Re: *** انا يا بلد *** | soma | 12-10-02, 01:53 PM |
Re: *** انا يا بلد *** | Al-Shaygi | 12-10-02, 02:25 PM |
Re: *** انا يا بلد *** | قرشـــو | 12-10-02, 02:31 PM |
Re: *** انا يا بلد *** | soma | 12-10-02, 03:56 PM |
Re: *** انا يا بلد *** | bamseka | 12-10-02, 08:47 PM |
Re: *** انا يا بلد *** | rahmy | 12-10-02, 10:23 PM |
Re: *** انا يا بلد *** | Kabar | 12-11-02, 01:55 AM |
Re: *** انا يا بلد *** | soma | 12-11-02, 08:06 AM |
Re: *** انا يا بلد *** | soma | 12-11-02, 08:17 AM |
Re: *** انا يا بلد *** | soma | 06-14-03, 12:27 PM |
Re: *** انا يا بلد *** | ابو جهينة | 06-14-03, 04:11 PM |
Re: *** انا يا بلد *** | soma | 06-14-03, 10:01 PM |
Re: *** انا يا بلد *** | عشة بت فاطنة | 06-14-03, 10:23 PM |
Re: *** انا يا بلد *** | soma | 06-15-03, 11:25 AM |
|
|
|