*** العيون الفيهن نعاس هن اساس معنى الجناس***

المبدعة سومه
لك التحية

حقيقة العيون فيها سحر غريب وعجيب ولغة العيون عالمية وهى لغة شفافة وعميقة ولذا حقيق على الشعراء ان يكتبوا كثيرا عنها ..

ومع الكاشف نبقى

عيونى وعيونك
اسباب لوعتى

لو يكمل لنا احدهم فهى رائعة

ولكنى اورد رائعة للكابلى كم اسرتنى وهى براق العيون

برّاق العيون
زمن العجايب الما بيفنى ليهو عجب
شاف قلبى تايب بقى امرى عندو عجب
استغرب
جا قرّب
كفه ضرب
قام فوق جبينى كتب

القاه براق العيون
القاه يجتاز الظنون
القاه بين كنت واكون
القاه ويغمرنى الطرب
ما اصله زمن العجايب

مين كان يقول وسط الغيوم تشلع بروق وتشرق شموس
مين كان يقول بعد الهموم نرجع نروق وتطيب نفوس
مين كان يقول قمر القسوم يتجلى فوق لابس خروس
مين كان يقول بين يوم ويوم يهنى ويضوق فرح العروس

مين كان يقول
القاه فى الزمن الصعيب
القاه ويصبح لى حبيب
القاه بالشوق الرحيب
القاه ومن البى اطيب

صدقنى يا ريق الصباح الطالى من زهرات خريف
صدقنى يا زينة الملاح لى كل جمال حسنك يضيف
صدقنى يا الشاف ماستراح انك بديع نظرات لطيف
حتى السمع ليك عقله راح واتمنى لو يلقاك يقيف
سايقو الشوق وانا والشوق آه يا شوق
الشوق الشوق فى عيونى وفى فنونى وفى ظنونى
وفيك انت
براق العيون