|
Re: *** هموم مهاجر *** (Re: وحيد)
|
اخوى خضر سلاااام يا ود القبايل يعلم الله فرحتنى شوفتك وسر بالى انك طيب وبى الف عافيه يا حليلك ويا حليل ترع الجنيد وجروفا.. ترع الجنيد زاتا بتكون مشتاقه لى قعده منك فى طرفا تحكى ليها غناك .. وتبرد جوفك من نار الغربه .. كريمه زيك .. وحنينه زى نضميك الحنين .. اخوى خضر يديك العافيه قدر دعوات الاهل ويخدر دربك ويسهل امرك .. قادر يا كريم تسلم يا الحنين على الطله ...
*** جمااااااال السمح سمح الخصال الحنين الرزين طول مافى الزيكم يا جمال .مافى عوجه تب ومهما كانت الشلليه على قولك .والكيمان ، برضو فى الاخوان وفى الاعمال البتجبر انه الزول يعرج ويتاوق يقرا الزيكم .. ويشم ريحة الاهل من خلالكم تسلم يا جمال على كل الجمال الفى دواخلك وفى كلامك اشحد الله يلمنا فى اراضينا وبواديها. ووسط طيبة اهلنا تسلم كتير يا حنين .. وشكرا بمساحة الطيبه الفى نفوس الطيبين..
*** وحيد الحنين .. الشوق ليك معطر يا ود امى تشتاق ليك العافيه .. قول آمين وان شاء الله ما تهم ولا تشيل هموم .ولا تشوف هم. ربى يسمح ايامك ، ويعلى مقامك ، ويضوى ضلامك وحيد الشكر ليك محكر.. تسلم كتير .يديك الف عافيه ان شاء الله ** اعذرونى يا اهل على الغياب الطال .. وزى ما قال جمال الواحد يغيب يجى يلقى حتى الغمام رحل ومشا بعيـــــــــــد .. تقعد تبارى الغيمه وتتضارا من حر الهجير وتبارى القيف عشان تلم فى اهلك الطيبين اولاد الجروف والطين . لما يحن بيك الزمن تلقاهم مشتتين فى طرف الخدار ، ورغم الشتات برضو تلقاهم ما زالوا حنينين وتريانين.... اهلى الحنان .. الود محنه والشوق نيلين . تسلموا...
|
|
|
|
|
|
|
العنوان |
الكاتب |
Date |
*** هموم مهاجر *** | soma | 12-04-04, 12:42 PM |
Re: *** هموم مهاجر *** | bamseka | 12-04-04, 03:17 PM |
Re: *** هموم مهاجر *** | عبدالماجد فرح يوسف | 12-04-04, 03:25 PM |
Re: *** هموم مهاجر *** | Sudany Agouz | 12-04-04, 03:40 PM |
Re: *** هموم مهاجر *** | سجيمان | 12-04-04, 04:22 PM |
Re: *** هموم مهاجر *** | soma | 12-05-04, 11:49 AM |
Re: *** هموم مهاجر *** | خضر عطا المنان | 12-05-04, 12:28 PM |
Re: *** هموم مهاجر *** | جمال السنوسي | 12-05-04, 01:21 PM |
Re: *** هموم مهاجر *** | وحيد | 12-05-04, 01:32 PM |
Re: *** هموم مهاجر *** | soma | 12-07-04, 08:30 PM |
Re: *** هموم مهاجر *** | alfatih | 12-08-04, 00:43 AM |
|
|
|