نعى اليم ...... سودانيز اون لاين دوت كم تحتسب الزميل فتحي البحيري فى رحمه الله
وداعاً فتحي البحيري
|
Re: *** أم الزين *** (Re: ebrahim_ali)
|
سلام من تانى .. مايا حبابك يا رقيقة المشاعر يا وديعة .. شرفتي أم الزين بزيارتك يا غالية تسلمي وتسلم كل أمهاتنا أمات الزين شكرا مايا والشوق ليك دفر..
*** هشام الحنين حباب أخونا وضلنا .. وحباب البجمع شملنا.. حليلك أنت يا بذرة الطيبين .. ود الجروف والطين.. ألرحمه الواسعة للراحل المقيم مصطفى.. أنشودة البلد المحكر في الجوف والمقل طول مافى متلك يا هشام ..السودان بى خيرو وبتعود أيام زمان .. مدام موجودة وعايشه وسطنا أم الزين أم الملايين أم طبعا حنين.. يديك ألف عافيه يا صافى النية .. وتسلم اخو البنات ..
*** وتسلم أنت يا إيهاب ود عمى السني التحية ليك وللعم الغالي والمدام وكل الأهل شكرا إيهاب على ألطله ألجميله
*** أبو قوته سلام ياخويا خاتى اللوم سلام ود البادية والخرتوم كلامك زى الدرر منضوم لبستو وشاح .. من الفرح حماني النوم سلام من تانى زينة شباب القوم اخى الحنين أبو قوته جيتك مى في بوست والله .. جيتك بالدرب وقعدتك في العنقريب وشرابك لى قهوتنا في ألعصريه ولمة أهل وقلوة أم الزين .. شرفنا بالحيل .. شكرا ليك متل ونستك الغنا .. ومتل لولاي أم الزين للجنا .. التحية ليك ود القبيلة ألمننا .. والشكر ليك من هناااااااااااااااااااك لي هنا
*** عمى الشايقى ود الخدار والنيل ود النخيلو بشيل سلام جاييك دافر سيل ماسك دربو وقاصدك انت عديل يطايبك ينحني ويميل حبابك عمى الشايقى الحنين .. وحبابك يا ضل الأهل .. غيبه طويله اسعدتنى طلتك ألجميله يا مقنعنا ودخرى الحوبه.. التحية ليك قدر طيبتك ألجواك وقدر كلامك السمح والتحية ليك مجرتقه بى جريد وسيموتا صاراها أم الزين .... تسلم عمى الرزين..
*** حمزاااااااااااوى .. ود أم الزين حبابك سيد السمح مو شين.. حبابك يا غرة الوالدين .. اخى حمزاوى أم الزين ليها الله .. ولينا الله ..بى دعوات ناس أم الزين ينجمع شملنا ونقعد هناك تحت نيمه وننسى ألغربه أللئيمه.. شكرا خدار حمزاوى على ألطله الخدراء ..
*** إبراهيم ود على .. حباب ود ألحله والفريق.. ود البفكو الريق وقت الحاره عند الضيق.. كيفنك واريت حالك زين .. السلام ليك مكوم في الدريب يغشاك وين ما تغيب.. والتحية ليك ولى أهلنا وجدنا الزين وأم الزين .. ذكرتني الشرق والأهل والمعدية .. تسلم كتير يا صاااااااااافى النية الاخ إبراهيم سلامك وصل وتسلم من كل بلا يا رب .. وربنا يوفقك ويسهل دربك .. اخى إبراهيم شكرا دعاش
احبتى لكم منى جميعا كل الود والتحايا ألعطره وشكرا بلا حدود يا كنوز الجدود
|
|
|
|
|
|
|
العنوان |
الكاتب |
Date |
*** أم الزين *** | soma | 03-26-04, 02:11 PM |
Re: *** أم الزين *** | سجيمان | 03-26-04, 02:16 PM |
Re: *** أم الزين *** | haneena | 03-26-04, 02:30 PM |
Re: *** أم الزين *** | Shinteer | 03-26-04, 02:30 PM |
Re: *** أم الزين *** | soma | 03-26-04, 10:22 PM |
Re: *** أم الزين *** | أبوالريش | 03-27-04, 00:05 AM |
Re: *** أم الزين *** | soma | 03-27-04, 07:11 AM |
Re: *** أم الزين *** | Habib_bldo | 03-27-04, 08:32 AM |
Re: *** أم الزين *** | ابو جهينة | 03-27-04, 08:36 AM |
Re: *** أم الزين *** | soma | 03-27-04, 10:58 AM |
Re: *** أم الزين *** | Raja | 03-27-04, 05:57 PM |
Re: *** أم الزين *** | soma | 03-27-04, 09:17 PM |
Re: *** أم الزين *** | maia | 03-27-04, 09:24 PM |
Re: *** أم الزين *** | Hisham Amin | 03-28-04, 11:11 AM |
Re: *** أم الزين *** | ايهاب | 03-28-04, 11:44 AM |
Re: *** أم الزين *** | abuguta | 03-28-04, 12:56 PM |
Re: *** أم الزين *** | Al-Shaygi | 03-28-04, 01:19 PM |
Re: *** أم الزين *** | حمزاوي | 03-28-04, 01:54 PM |
Re: *** أم الزين *** | ebrahim_ali | 03-28-04, 04:43 PM |
Re: *** أم الزين *** | soma | 03-29-04, 08:20 AM |
Re: *** أم الزين *** | Al-Shaygi | 03-29-04, 09:26 AM |
Re: *** أم الزين *** | soma | 03-29-04, 09:56 AM |
Re: *** أم الزين *** | الجندرية | 03-29-04, 10:06 AM |
Re: *** أم الزين *** | soma | 03-29-04, 10:23 AM |
Re: *** أم الزين *** | ebrahim_ali | 03-29-04, 10:30 AM |
Re: *** أم الزين *** | Rawia | 03-29-04, 04:45 PM |
Re: *** أم الزين *** | Ehab Eltayeb | 03-30-04, 03:40 AM |
Re: *** أم الزين *** | soma | 03-30-04, 06:53 AM |
Re: *** أم الزين *** | بدرالدين شنا | 03-30-04, 09:30 AM |
Re: *** أم الزين *** | soma | 03-30-04, 12:00 PM |
Re: *** أم الزين *** | waleed500 | 03-31-04, 10:08 AM |
|
|
|