ورفعنا لك ذكرك

Quote: ما فى قانون بيحمى زول معين فى امريكا. فى قوانين بتمنع اشاعة الكراهية. و الفلم ده ما فيه حاجه بتقول اقتلوا المسلمين. يا عيزتى اميرة....شكلنا احنا شعوب العالم الثالث ده نهائي ما ح نفهم يعنى شنو حرية تعبير. الفلم مقرف...لكن دى هى حرية التعبير....رضينا ام ابينا. اكيد سمعتى بالجماعة الامريكية اللى بتحوم جنازات جنود الجيش الامريكى وتعمل مظاهرة و تقول انهم يستاهلوا يموتوا لان امريكا بعيده عن تعاليم المسيحية. و ان ده غضب ربانى. اتخيلى ما جنازات الجنود بس. قبل فترة مشو جنازات اطفال ماتوا فى حادث بتاع بص مدرسة. اتخيلى موفق الاهل و انتوا بتدفنوا فى طفل يجوا ناس يكوركوا انه احسن مات...عشان اهلوا و كل امريكا تعرف ان ده عقاب ربانى. الناس ديل حايمييين ببصاتهم و ما فى زول بيقدر يقول ليهم تلت التلاته كم. لان دى حرية تعبير. حكاية نضغط على الحكومات دى ما بتحصل. نصلح اخلاقنا احسن و اسهل.

... المهم ....